Nehemia 5:12 - AHYERƐLƐ KRONGRON

¹² Na bebuale kyɛ, “Yɛkosa yɛkɔfa sɔ nningyein nemɔ yɛkɔma bɛ. Yɛngole nzihoɛ ko, yeɛ yɛngɔma bɛngɔfa hwee bengosi awowaa ko. Yɛkɔyɔ kyɛbɔ ahã ne ala.” Yeɛ mvrɛle asɔfo nemɔ maa bɛtale ndaen bɛfoale bɔ bahyɛ bɔ kyɛ bɛkɔyɔ ne aso.

Nehemia 5:12 Iomraidhean Croise

Ɛsra 10:12

Yeɛ mmenia bɔ bayia berɛ ne amukoraa bɛteane nu bebuale kyɛ, “Ye ala ɛne. Bɔ ahã ne ala yeɛ ɔsɛ kyɛ yɛyɔ ɔ.

Ɛsra 10:5

Yeɛ Ɛsra dwɔsole, na ɔmane asɔfo mbanyi ne Lewifoɛ ne Yisrael amukoraa bɛtale ndaen kyɛ bekoli sɔ dwirɛ ne aso. Na bɛtale ndaen ne.

Nehemia 10:29

bɛ ne bɛ nwo ama ne b’atitire mɔ bɛnomane bɛtale ndaen, kyɛ Nyameɛ mmeraa bɔ ɔnate ye somvoɛ Mose so ɔfa mane bɛ ne, bekoli so, kyɛ bekoli AWURADE, yɛ Mene ye mmeraa dwirɛ ne ye nhyehyɛleɛ ne ye ahyɛdeɛ amukoraa so.

Nehemia 10:30

Yɛngɔfa yɛ mma mmrasua ngɔma aseɛ ne aso ama agyaa, yeɛ yɛngɔma yɛ mma mmienzua ngogyigya bɛ mma mmrasua.

Nehemia 10:31

Na aseɛ ne aso ama, sɛ bɛfa bɛ nningyein anaa b’aleɛ biala bɛba kyɛ bɛbayɛ ye atɔen afofikyẽa a, yɛngɔtɔ ngofi bɛ brɛ afofikyẽa anaa kyẽa krongron biala. Afei, afoɛ bɔ ɔtɔ so nzoo ne, yɛngɔyɛ boo wɔ aseɛ ne aso. Afei yɛkɔfa kerɛ biala bɔ ebiala ma yɛ ɔ yɛkɔhyɛ ye.

Nehemia 13:25

Na ndwili bɛ nyunu nnomale bɛ, mmole bɛ nu biemɔ ndutuli bɛ ti nwiaa, na mmaa bɛfale Nyameɛ dumaa bɛtale ndaen kyɛ, “Nnɛma ɛmɔfa ɛmɔ mma mmrasua nemɔ bɛma bɛ mma mmienzua nemɔ agyaa, yeɛ nnɛma ɛmɔde bɛ mma mmrasua nemɔ agyaa bɛma ɛmɔ mma mmienzua, yeɛ ɛmɔ bɔbɔ koso nnɛma ɛmɔgyigya bɛ.

Nehemia 5:11

B’aseɛ mɔ, bɛ bobe boo mɔ, bɛ olive boo mɔ, b’awuro mɔ, bosea nwo nzihoɛ, aburoo, nzaa ne ngoo bɔ ɛmɔale bafi bɛ berɛ ne, ɛnɛ deinn ɛ́mɔsa bɛfa bɛma bɛ.”

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”