Nehemia 5:10 - AHYERƐLƐ KRONGRON

¹⁰ Afei koso, mene nniɛma mɔ ne me somvoɛ mɔ yɛma bɛ esikaa ne aleɛ. Ɛ́mɔma yɛyakyi nzihoɛlelɛ ne.

Nehemia 5:10 Iomraidhean Croise

Nehemia 10:32

Afei koso, yɛde yɛto yɛ nwo so kyɛ, afoɛ biala yɛ nu biala kotua ɛtoɔ sekel ko nu ngyɛmuɛ nza maa bɛkɔfa bɛkɔyɛ Nyameɛ awuro berɛ ɛsɔnenɛ adwuma hemɔ:

Nehemia 5:11

B’aseɛ mɔ, bɛ bobe boo mɔ, bɛ olive boo mɔ, b’awuro mɔ, bosea nwo nzihoɛ, aburoo, nzaa ne ngoo bɔ ɛmɔale bafi bɛ berɛ ne, ɛnɛ deinn ɛ́mɔsa bɛfa bɛma bɛ.”

Nehemia 5:7

Na ndwene ye nwo alaa nen, mmɔle atitire ne mbanyi nemɔ kwaadu nzele bɛ kyɛ, “Ɛmɔde nzihoɛ befi ɛmɔ bɔbɔ deinn ɛmɔ aliɛma mɔ berɛ!” Na mmɔle dwaa kandinga kyɛ mene bɛ koli,

Nehemia 5:9

Yiti ngane kyɛ, “Nikyee bɔ ɛmɔyɔ ne, ɔtte mayee. Aso onni kyɛ ɛmɔsuro yɛ Nyameɛ, amaa ɔnate so maen maen mɔ bɔ bɛte yɛ pɔfoɛ ne, bangoro yɛ nwo ɔ?

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Yesaya 58:6

“Aso nna akɔngyere he yeɛ ɔsɔ me nye ɔ: kyɛ ɛmɔkɔsangye nzɛmmɔne ngɔnzɔngɔnzɔ, kyɛ ɛmɔkɔsangye mmenia kɔnnua nyamaa, kyɛ ɛmɔkɔma bɛ bɔ ɛmɔhyɛ bɛ so ɔ bekonya bɛ fawɔnwodi, ɔne kyɛ ɛmɔkobubu kɔnnua biala ɔ?

Hesekiel 18:13

ɔbɔ bosea fa nzihoɛ si ye nwo, anaa ode bie boka so a, aso okonya ngoa anaa? Ongonya ngoa. Wabɔ sɔ akyiwadeɛ bra ne amukoraa; ewue yeɛ okowu ɔ, na ye bɔbɔ ye mogya kɔbɔ ye ti so.

Hesekiel 18:7

ɔnhyɛ obiɛngo so; na mmom sɛ ebie fa nikyee si ye berɛ awowaa a, osa fa ye nikyee ma ye, ɔmva ebie nningyein patapaa so, na mmom ɔfa ye aleɛ ma bɔ ɛhɔen ku ye ɔ, ɔma bɔ ye nwo la so ɔ ɛtena,

Hesekiel 18:8

ɔmmɔ bosea mva nzihoɛ nzi ye nwo, anaa onne bie mva mmoka so, ɔtwe ye nwo fi amumuyɛɛ nwo, obua mmenia afia ndɛen bɔ ɔtengyɛ ɔ,

Mika 2:1

Bɛ bɔ besusu amumuyɛɛ nwo, ná bɛdwene bɔne nwo wɔ bɛ bɛen so ne, bɛ yaakɔ! Aleɛ kye a, bɛyɔ sɔ, ofikyɛ ye nwo tumi wura bɛ sa.

2 Korintofoɛ 5:11

Ɔnate kyɛ yɛse kyɛbɔ Awurade nwo suronyi si te ɔ ne ati, yɛbɔ mmɔden kyɛ yɛkɔma mmenia kosuro ye ɔ. Nyameɛ se kyɛbɔ yɛsi yɛte ɔ, na mede medi kyɛ ɛmɔ tiboa koso ma ɛmɔse kyɛbɔ yɛsi yɛte ɔ.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Deuteronomi 15:2

Kyɛbɔ ɛkɔmaa ɔkɔfa ye nwo koli ɛhe: ebiala bɔ wafa nikyee wafɛmo oliɛngo Yisraelniɛ nen, odi kyɛ ɔfa kyɛ ye. Nnɛmaa ɔhyɛ oliɛngo Yisraelniɛ anaa oliɛma kyɛ otua, ofikyɛ batu basie berɛ bama AWURADE kyɛ ɔte kerɛ-fahyɛlɛ afoɛ.