Nehemia 4:8 - AHYERƐLƐ KRONGRON

⁸ na bɛ mukoraa bɛbɔle porɛ kyɛ bɛkwaafa koɛ bɛteta Yerusalem ná bɛyɛ basabasa wɔ kuro ne anu.

Nehemia 4:8 Iomraidhean Croise

2 Samuel 10:12

Gyina pindinn. Na ɔnate yɛ maen, ɔne yɛ Nyameɛ nguro nemɔ ati, maa yɛhyire yɛ bienzua. Mesrɛ kyɛ AWURADE ɔyɔ bɔ okuro ɔ.”

2 Aberɛso Dwirɛ 32:7

“Ɛ́mɔgyina pindinn ná ɛ́mɔma ɛmɔ hue yɛ se. Nnɛma ɛmɔsuro, yeɛ nnɛma ɛmɔ kunu tete ɛmɔ wɔ Asiria hene ne ɛlɔen bɔ bɛboka ye so ne, bɛ nyunu. Ofikyɛ bɔ ogyi yɛ si ne, ɔte piri tra bɔ ogyi ye si ɔ.

Nehemia 1:5

Na ngane kyɛ, “Ao AWURADE, nyameɛso Nyameɛ, Nyameɛ piri bɔ wɔ nwo yɛ suro bɔ edi apam so ná ɛye ɔdɔ bɔ onni ngasi ali kyire bɛ bɔ bekuro wɔ dwirɛ ná bedi wɔ mmeraa dwirɛ ne aso ne,

Nehemia 4:7

Nakoso Sanbalate ne Tobia yeɛ Arabofoɛ, Amonfoɛ ne Asedɔdefoɛ bɛtele kyɛ Yerusalem fasue ne silɛ ɔkɔ so, ná yahyɛ ye bo yɛtuatua nu ndokuro nen, bɛfɛle yaa paa,

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Deuteronomi 1:29

Nakoso nzele ɛmɔ kyɛ, “Nnɛma ɛmɔ kunu tete ɛmɔ, yeɛ nnɛma ɛmɔsuro bɛ.