Nehemia 4:7 - AHYERƐLƐ KRONGRON

⁷ Nakoso Sanbalate ne Tobia yeɛ Arabofoɛ, Amonfoɛ ne Asedɔdefoɛ bɛtele kyɛ Yerusalem fasue ne silɛ ɔkɔ so, ná yahyɛ ye bo yɛtuatua nu ndokuro nen, bɛfɛle yaa paa,

Nehemia 4:7 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

2 Ahemvo 24:2

Na AWURADE somane koɛhonɛfoɛ ɛlɔen fili Kaldeafoɛ, Siriafoɛ, Moabofoɛ ne Amonfoɛ nu maa bɛhɔle Yehoakim so. Ɔmaa bɛɛfale koɛ bɛtetale Yuda maen ne kyɛ bɛsɛkye ye, kyɛbɔ AWURADE dwirɛ bɔ ɔnate ye somvoɛ ngɔmhyɛlɛfoɛ so hane ne, ɔte ne ala.

2 Aberɛso Dwirɛ 20:1

Ɛhe asi ne, Moabofoɛ ne Amonfoɛ bɔ Meyunimfoɛ bie boka bɛ so ɔ, bɛfale koɛ bɛɛtoale Yehosafate.

Ɛsra 5:8

Nana, yɛbɔ wɔ amaneɛ kyɛ, yɛhɔle Yuda mbɔtam dɔ, nekaa bɔ Nyameɛ piri ne, ye awuro ne ɔwɔ ne. Nyɔboɛ mbiri mbiri yeɛ bɛ́fa bési ɔ, na basa bafa mbuna bagyinagyina ye fasue ne anu. Bayere bɛ nwo paa yeɛ bɛ́yɔ adwuma ne ɔ, na ɔkɔ so paa.

Nehemia 2:10

Nakoso Horonniɛ Sanbalate ne Amonniɛ Tobia bɔ ɔte somvoɛ ne, bɛtele bɔ ɔkɔ so ne, ɔyɛle bɛ yea paa kyɛ ebie awa bɔ ɔbaapena Yisraelfoɛ bɛ yeeyɛlɛ ɔ.

Nehemia 2:19

Nakoso Horonniɛ Sanbalate, Amonniɛ Tobia bɔ ɔte somvoɛ ne, yeɛ Araboniɛ Gesem bɛtele bɔ ɔkɔ so nen, bɛserele yɛ bɛgorole yɛ nwo kyɛ, “Na nzikyɛ yeɛ ɛmɔkyire ye? Ɛmɔyɛ Nana nwo lɔen anaa?”

Nehemia 4:1

Mmerɛ bɔ Sanbalate tele kyɛ yɛsi fasue ne, ye ahone huli, na ɔfɛle yaa paa. Ɔhane Yudafoɛ nemɔ anyinga,

Nehemia 4:6

Yiti yɛsili fasue ne, na yɛtoatoale ye mukoraa so maa ɔhã sili, na kyɛbɔ odi kyɛ ɔkɔ anwuro ne, yɛsili maa odwuli ye afia, ofikyɛ mmenia ne yele bɛ kunu bɛyɔle adwuma ne.

Nehemia 4:8

na bɛ mukoraa bɛbɔle porɛ kyɛ bɛkwaafa koɛ bɛteta Yerusalem ná bɛyɛ basabasa wɔ kuro ne anu.

Nehemia 6:16

Na yɛ pɔfoɛ nemɔ amukoraa bɛtele nen, maen maen amukoraa bɔ bapɛ yɛ nwo bayia ne, esuronyi tɔle bɛ so, na bɛ nyunu guale ase paa. Ofikyɛ benwuni kyɛ yɛ Nyameɛ yeɛ waboka maa yayɔ sɔ adwuma he ɔ.

Yeremia 25:20

ne amanvrafoɛ amukoraa, Yuse aseɛ so ahemvo amukoraa, Filisti aseɛ so ahemvo amukoraa, yeɛ Asekelɔn, Gasa, Ekron ne Asedɔde ngaa ne;

Yeremia 41:10

Yeɛ Yismael hyele ɛhemɔ nnure: mmenia ngaa bɔ baha Misepa ne amukoraa, ɛhene mma mmrasua, yeɛ mmenia ngaa amukoraa bɔ baha Misepa bɔ awɛmvoɛ nemɔ aso safohene Nebusaradan wafa bɛ wawura Ahikam awa Gedalia sa ne. Netania awa Yismael hyele bɛ nnure, na osili nu kyɛ ɔfa bɛ kɔ Amonfoɛ mɔ dɔ.

Amose 1:13

AWURADE nwa nyoo, “Ɔnate Amonfoɛ b’amumuyɛɛ nza, eh, ɔne nna ne ati, mengɔhwe bɛ so hwenɛ ne mengosa; ofikyɛ mmerɛ bɔ bɛko bɛtrɛtrɛ bɛ wɛen nu ne, bɛpakyepakyele Gileade pemvoɛ mɔ kunu.

Amose 1:8

Ngɔpɛ Asedɔdefoɛ asue ngofi berɛ, na bɔ otira hɔtɔ ne, ngɔpɛ ye asue ngofi Asekelɔn. Ngɔhwe Ekron so, na Filistifoɛ ngaa nemɔ kowuwu,” AWURADE Nyameɛ noa dwirɛ ɛne.

Amose 3:9

Ɛ́mɔbɔ ye dawure wɔ Asedɔde anwoserɛ afealeɛ nemɔ anu, yeɛ Misraim aseɛ so anwoserɛ afealeɛ nemɔ anu, ná ɛmɔhã kyɛ, “Ɛ́mɔboaboa ɛmɔ noa wɔ Samaria mmokaa nemɔ aso, ɛ́mɔnea basabasa mbiri mbiri bɔ ɔkɔ so wɔ nu ɔ, ɔne nhyɛsoɛ bɔ ɔkɔ so wɔ nu ɔ.”

Asomafoɛ 5:33

Na bɛtele sɔ dwirɛ nen, b’ahone huli, na bɛbɔle porɛ kyɛ bekohũ asomafoɛ nemɔ.

Nyekyire 12:17

Afei sasrabɔnzam ne fɛle braa ne so yaa, na ɔɔfale koɛ toale ye bosofoɛ ngaa bɔ bedi Nyameɛ ahyɛdeɛ so, ná betira Yesu Kristo adanzeɛ nu ne.

1 Samuel 11:2

Nakoso Amonniɛ Nahase buale bɛ kyɛ, “Sɛ ngɔpene so kyɛ me ne ɛmɔ kɔyɛ apam a, sana metu ebiala nye famaa ne, maa ɔyɛ animguaseɛ ka Yisrael amukoraati.”