Nehemia 4:6 - AHYERƐLƐ KRONGRON

⁶ Yiti yɛsili fasue ne, na yɛtoatoale ye mukoraa so maa ɔhã sili, na kyɛbɔ odi kyɛ ɔkɔ anwuro ne, yɛsili maa odwuli ye afia, ofikyɛ mmenia ne yele bɛ kunu bɛyɔle adwuma ne.

Nehemia 4:6 Iomraidhean Croise

1 Aberɛso Dwirɛ 29:14

“Na me ole nwa, yeɛ me maen koso ole nwa, bɔ yahora yabɔ sɔ akyɛdeɛ afɔleɛ he ɔ? Ofikyɛ nikyee bɔ yɛle biala, wɔ yeɛ ɛfa mane yɛ ɔ, na wɔ bɔbɔ wɔ nikyee yeɛ yafa yabrɛ wɔ ɔ.

1 Aberɛso Dwirɛ 29:3

Sɔ nningyein nemɔ bɔ mapena magua berɛ kyɛ bɛfa besi awuro krongron ne, ɛhe asi ye, mabɔ me bɔbɔ me sikaa kɔkorɛ ne ɛdwetɛ fotoɛ mato berɛ. Na ɔnate kyɛ m’ahone la me Nyameɛ awuro ne anwo ne ati, mefa mekyɛ, kyɛ bɛfa besi me Nyameɛ awuro ne.

2 Aberɛso Dwirɛ 29:36

Na Hesekia ne maen ne amukoraa bɛ nye gyele ɔnate bɔ Nyameɛ wayɔ wama maen ne ati. Ofikyɛ Nyameɛ aboka bɛ maa bayɔ ɛhe amukoraa ndɛndɛ.

Nehemia 4:5

Nnebu wɔ nye gua b’amumuyɛɛ so. Nnɛma bɛ bɔne kyikyi fi wɔ nyunu, ofikyɛ bagyina suasilɛfoɛ nemɔ nyunu bawura wɔ apue maa afɛ yaa.”

Nehemia 4:7

Nakoso Sanbalate ne Tobia yeɛ Arabofoɛ, Amonfoɛ ne Asedɔdefoɛ bɛtele kyɛ Yerusalem fasue ne silɛ ɔkɔ so, ná yahyɛ ye bo yɛtuatua nu ndokuro nen, bɛfɛle yaa paa,

Nehemia 6:15

Yiti yɛyiele fasue ne tolɛ bosome bɔ bɛfrɛ ye Elul ne, ye kyẽa bɔ ɔtɔ so aburanyɔ ne nnu ne aso. Yɛfale ngyẽa aburannu ne nyɔ yeɛ yɛtole ɔ.

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Edwein 122:3

Yerusalem, bakyekye ye kyɛ kuro bɔ bakyekye bama nu amia ɔ.

Hagae 1:14

Na AWURADE kanyane Sɛtiɛl awa Serubabɛl bɔ ɔte Yuda amrado ne ye sunzum, ɔne Yehosadake awa ɔsɔfo panyi Yosua sunzum, yeɛ maen mmaa ngaa ne amukoraa bɛ sunzum. Yiti bɛwale bɛɛyɔle Asafo AWURADE, bɛ Nyameɛ n’awuro ne nwo adwuma,

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.