Nehemia 4:20 - AHYERƐLƐ KRONGRON

²⁰ Yiti nekaa biala bɔ ɛmɔkɔte totorobɛndo nga ne, ɛmɔhã bɛ nwo bɛbra yɛ nwo berɛ. Yɛ Nyameɛ kɔho kɔma yɛ.”

Nehemia 4:20 Iomraidhean Croise

1 Aberɛso Dwirɛ 19:12

Na Yoabo sele kyɛ, “Sɛ Siriafoɛ b’anwoserɛ bo me so a, baaboka me; yeɛ sɛ Amonfoɛ koso b’anwoserɛ bo wɔ so a, ngɔɔboka wɔ.

Nehemia 4:19

Na nga ngyirele atitire nemɔ, mbanyi nemɔ ne maen ne ngaa ne kyɛ, “Adwuma ne te piri, na ɔtrɛ paa, na yɛ koso yɛmbingyembingye yɛ nwo wɔ fasue ne anwo; yɛ nu atete.

Nehemia 4:21

Yiti yɛyerele yɛ nwo yɛyɔle adwuma ne, na yɛ nu bue betiratirale pealɛɛ fi alebahyene maa oodwuli mmerɛ bɔ nzramaa fite ɔ.

Ɛksadɔso 14:14

AWURADE kɔho kɔma ɛmɔ, yiti ɛmɔ de, ɛ́mɔyɛ konn.”

Ɛksadɔso 14:25

Ɔmane bɛ teaseɛnam nemɔ gya sɛkyesɛkyele bɔ né bɛngora ndɛ kɔ ɔ. Yiti Misraimfoɛ sele kyɛ, “Ɛ́mɔma yɛ́nwati yɛ́fi Yisraelfoɛ mɔ nwo wa, ofikyɛ AWURADE gyi bɛ si ɔko tia Misraim.”

Sakaria 14:3

Na afei AWURADE kotu kɔtengyɛ ɔne sɔ maen maen nemɔ bɛkɔɔho, kyɛbɔ ɔhone koɛ wɔ koɛ kyẽa ne ala.

Deuteronomi 1:30

Na AWURADE ɛmɔ Nyameɛ bɔ oli ɛmɔ nyunu ne, ye bɔbɔ ɔkɔho kɔma ɛmɔ, kyɛbɔ ɔho mane ɛmɔ wɔ Misraim bɔ ɛmɔ nye tua ne.

Deuteronomi 20:4

Ofikyɛ AWURADE ɛmɔ Nyameɛ yeɛ ɔne ɛmɔ nate ɔ, kyɛ ɔne ɛmɔ pɔfoɛ mɔ kwaaho ma ɛmɔ, ná odi ngonim ma ɛmɔ.’

Deuteronomi 3:22

Nnɛma ɛmɔsuro bɛ, ofikyɛ AWURADE ɛmɔ Nyameɛ yeɛ ɔko ma ɛmɔ ɔ.’

Yosua 23:10

Ɛmɔ nu sona ko kora foa mmenia apee, ofikyɛ AWURADE ɛmɔ Nyameɛ yeɛ ɔko ma ɛmɔ ɔ, kyɛbɔ ɔhyɛle ɛmɔ bɔ ne.