Nehemia 4:2 - AHYERƐLƐ KRONGRON

² na ɔhane wɔ ye mmango nemɔ ɔne Samaria koɛhonɛfoɛ nemɔ anyunu kyɛ, “Yudafoɛ bɔ bɛ nwo anwumvoin hemɔ, nzikyɛ yeɛ bɛyɔ ye? Aso bekosa bɛkɔtoto nningyein ye anaa? Aso bɛkɔbɔ afɔleɛ anaa? Aso bekoyie adwuma ye ɛlɛho? Nyɔboɛ bɔ wadwiri wagua wahonhɔn wahɔ anwuro bɔ see ayera ye ye, aso bekonya nyɔboɛ bekofi nu?”

Nehemia 4:2 Iomraidhean Croise

Ɛsra 4:4

Na afei mmenia bɔ bɛwɔ sɔ aseɛ ne aso ne, bebuli Yudafoɛ nemɔ aba nu, na bɛmaa besurole kyɛ bekosi sua ne ɔ.

Nehemia 12:27

Mmerɛ bɔ betu Yerusalem fasue ne bewura Nyameɛ sa ne, bɛpenane Lewifoɛ nemɔ wɔ nekaa bɔ bɛtete amukoraa. Na bɛfale bɛ bɛwale Yerusalem kyɛ bɛfa ahurusililɛ ne asennaa dweintolɛ, bɛbɔ firikyiwa, adengum ne sangoo bɛboka dwumadie ne wɔ anigye so.

Nehemia 12:43

Sɔ kyẽa ne, bɛbɔle afɔleɛ mbiri mbiri belili ahurusi, ofikyɛ Nyameɛ maa bele anigye belili ahurusi. Mmrasua mbanyi nemɔ bɛ ne ngwadaa nemɔ koso bɛgyele bɛ nye. Anigye bɔ bɛgyele wɔ Yerusalem ne, né bɛte ye dedeede.

Nehemia 4:10

Nakoso Yudafoɛ sele kyɛ, “Bɛ bɔ bɛsesa kungumaboɔ ne befi berɛ ne, b’anwoserɛ so ate, na kungumaboɔ ne somaa ti, yɛngora yɛnyɔ fasue ne nwo adwuma.”

Nehemia 6:15

Yiti yɛyiele fasue ne tolɛ bosome bɔ bɛfrɛ ye Elul ne, ye kyẽa bɔ ɔtɔ so aburanyɔ ne nnu ne aso. Yɛfale ngyẽa aburannu ne nyɔ yeɛ yɛtole ɔ.

Edwein 83:4

Bɛnwa, “Ɛmɔbra maa yɛnua bɛ maen ne aboso, amaa ɔnate so ebiala wangaye Yisrael dumaa ko.”

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Yeremia 33:24

“Aso ɛttele kyɛ maen he bɛkekã kyɛ, ‘AWURADE apo mmusua nyɔ bɔ ɔneaneane nu yele bɛ ne’ ɔ? Ye sɔ ati, mmenia abu me maen animtia bɔ bemmu bɛ ko kyɛ bɛtte maen ɔ.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Habakuku 3:2

Ao AWURADE, mate wɔ nga, na nzurole. Ao AWURADE, kanyane w’adwuma wɔ mmerɛ ye anu, wɔ mmerɛ ye anu maa benwu ye, na wɔ yaafɛlɛ nu po, nwu anwumvoin.

Sakaria 12:8

Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

1 Korintofoɛ 1:27

Nakoso Nyameɛ fale bɔ ewiase bu ye kyɛ ɔte ngwaseasɛm ne kyɛ ɔfa gua ewiase nworɛfoɛ nyunu ase; na ɔfale bɔ ewiase bu ye kyɛ ɔyɛ mmerɛ ne, kyɛ ɔfa gua anwoserɛfoɛ nyunu ase,