Nehemia 4:15 - AHYERƐLƐ KRONGRON

¹⁵ Na yɛ pɔfoɛ mɔ tele kyɛ yate bɛ porɛ bɔ babɔ ne, na afei Nyameɛ ama bɛ nzusuleɛ ayɛ mbaen ne, yɛ mukoraa yɛsa yɛhɔle fasue ne anwo, na ebiala ɔɔtoale ye adwuma so.

Nehemia 4:15 Iomraidhean Croise

2 Samuel 15:31

Yeɛ ebie bɔle Dawide amaneɛ kyɛ, mmenia bɔ bɛ ne Absalom babɔ ye ti so porɛ ne, Ahitofel boka so. Na Dawide sele kyɛ, “AWURADE, mesrɛ wɔ, ma Ahitofel foɛtulɛ ne ɔyɛ ngwaseaa foɛtulɛ.”

2 Samuel 17:14

Yeɛ Absalom ne Yisraelfoɛ amukoraa besele kyɛ, “Akiniɛ Husae foɛ ne, ɔte paa tra Ahitofel deɛ ne.” Ofikyɛ né AWURADE ahyehyɛ kyɛ ɔkɔma Ahitofel foɛ bɔ ɔte paa ne kɔyɛ mbaen, amaa ɔnate so AWURADE aprapra amaneɛ wagua Absalom so.

Nehemia 4:16

Ofi sɔ kyẽa ne, me somvoɛ nemɔ, bɛ bue bɛyɔle fasuesilɛ adwuma ne, yeɛ bɛ bue koso betiratirale pealɛɛ, akokyɛm, agyaen ne akodeɛ mɔ, na mbanyi nemɔ beegyinagyinane Yuda awuro ama amukoraa bɛ si.

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Yesaya 8:10

Ɛmɔ de, ɛmɔhɔ agyina, nakoso ɔkɔyɛ mbaen, ɛ́mɔbɔ porɛ, nakoso ɔngɔyɛ yee, ofikyɛ Nyameɛ ne yɛ yeɛ yɛwɔ berɛ ɔ.

Marko 13:34

Ɔte kyɛ biaa bie bɔ otuli atee yakyili ye awuro berɛ, bɔ ɔfale ye awuro ne wurale ye ngoaa mɔ sa, bɔ ɔfale ebiala adwuma wura ye sa ngoko ngoko, ná ɔhyɛle anoa wɛmvoɛ ne kyɛ ɔwɛne ɔ.

Romanfoɛ 12:11

Nnɛmɔma ɛmɔ mmɔdenbɔlɛ ɔkɔ ase, ɛ́mɔyɛ hye wɔ sunzum nu, ná ɛ́mɔso Awurade.

1 Tɛsalonikafoɛ 4:11

ná ɛ́mɔbɔ mmɔden brɛbrɛ ɛmɔ nwo ase, ɛ́mɔdwene ɛmɔ nwo, ná ɛ́mɔfa ɛmɔ sa bɛyɔ adwuma, kyɛbɔ yɛhã yɛhyirele ɛmɔ ne;