Nehemia 4:1 - AHYERƐLƐ KRONGRON

¹ Mmerɛ bɔ Sanbalate tele kyɛ yɛsi fasue ne, ye ahone huli, na ɔfɛle yaa paa. Ɔhane Yudafoɛ nemɔ anyinga,

Nehemia 4:1 Iomraidhean Croise

Nehemia 13:28

Ɔsɔfo panyi paa Eliasibo, ɔwa Yehoada, ye mma mmienzua nemɔ anu ko bɔ né ogya Horonniɛ Sanbalate ɔwa brasua ne, mvoane ye mvili me nyunu maa ɔhɔle.

Nehemia 2:10

Nakoso Horonniɛ Sanbalate ne Amonniɛ Tobia bɔ ɔte somvoɛ ne, bɛtele bɔ ɔkɔ so ne, ɔyɛle bɛ yea paa kyɛ ebie awa bɔ ɔbaapena Yisraelfoɛ bɛ yeeyɛlɛ ɔ.

Nehemia 2:19

Nakoso Horonniɛ Sanbalate, Amonniɛ Tobia bɔ ɔte somvoɛ ne, yeɛ Araboniɛ Gesem bɛtele bɔ ɔkɔ so nen, bɛserele yɛ bɛgorole yɛ nwo kyɛ, “Na nzikyɛ yeɛ ɛmɔkyire ye? Ɛmɔyɛ Nana nwo lɔen anaa?”

Nehemia 6:15

Yiti yɛyiele fasue ne tolɛ bosome bɔ bɛfrɛ ye Elul ne, ye kyẽa bɔ ɔtɔ so aburanyɔ ne nnu ne aso. Yɛfale ngyẽa aburannu ne nyɔ yeɛ yɛtole ɔ.

Nehemia 6:16

Na yɛ pɔfoɛ nemɔ amukoraa bɛtele nen, maen maen amukoraa bɔ bapɛ yɛ nwo bayia ne, esuronyi tɔle bɛ so, na bɛ nyunu guale ase paa. Ofikyɛ benwuni kyɛ yɛ Nyameɛ yeɛ waboka maa yayɔ sɔ adwuma he ɔ.

Yeremia 38:19

Yeɛ Nana Sedekia sele Yeremia kyɛ, “Mesuro Yudafoɛ bɔ baafa bɛ nwo bama Kaldeafoɛ ne. Annea a, né Kaldeafoɛ bafa me bawura bɛ sa maa bagoro me nwo.”

Mateo 2:16

Na Herode nwuni kyɛ nworɛfoɛ nemɔ balakalaka ye nen, ɔfɛle yaa hahii. Na ɔsomane maa beehuhuni ngwadaa mmienzua amukoraa bɔ bali afoɛ nyɔ ne bɛ bɔ bendwu ɔ, bɔ bɛwɔ Betlehem ne ye mbɔtam amukoraa; kyɛbɔ mmerɛ bɔ ɔtele dwirɛ ne fili nworɛfoɛ nemɔ berɛ ne osi kyire ne.

Mateo 27:29

bɛfale mmowue bɛnwone abotire bɛbɔle ye, na bɛfale elemmire bewurale ye sa famaa nu; yeɛ bebuli ndwerɛ wɔ ye nyunu bɛgorole ye nwo kyɛ, “Yudafoɛ Hene, wɔ ngoa so oo!”

Asomafoɛ 5:17

Ɔsɔfo panyi paa ne, ɔne bɛ bɔ bɛboka ye so bɔ befi Sadusiifoɛ fekue ne anu ne, bɛ nye borole asomafoɛ nemɔ, yiti bɛyɛle adwene kyɛ bɛkɔyɔ ye nwo nikye.

Hebrifoɛ 11:36

Beguale ebiemɔ nyunu ase, na besa befini bɛ mbire, yeɛ ebiemɔ wora bɛbɔle bɛ panwu bɛfale bɛ beguale kuku nu.