Nehemia 3:7 - AHYERƐLƐ KRONGRON

⁷ Gibeonniɛ Melatia ne Merononiɛ Yadon, yeɛ Gibeonfoɛ ne Misepafoɛ bɔ bɛte mmenia bɔ bewura asue ne asi dɔ amrado ne abo ne, bɛtoale bɛ so bɛyɔle nekaa biemɔ bɔ né basɛkye ɔ yé.

Nehemia 3:7 Iomraidhean Croise

2 Samuel 21:2

Ye sɔ ne ati, Nana Dawide tole ye sa frɛle Gibeonfoɛ ɔne bɛ dwudwole. (Gibeonfoɛ de, né bɛtte Yisraelfoɛ ne bie, na mmom bɛte Amorifoɛ bɛ bosofoɛ. Ɔwɔ nu kyɛ Yisraelfoɛ tale ndaen kyɛ bengohu bɛ, nakoso Sɔɔlo bɔle mmɔden kyɛ okohu bɛ kɔmaa bɛ boso konua, ofikyɛ né Sɔɔlo ɔko ma Yisrael ne Yuda.)

1 Aberɛso Dwirɛ 27:30

Yismaelniɛ Obil yeɛ né ɔnea afupɔngɔ nemɔ aso ɔ. Merononiɛ Yedeya yeɛ né ɔnea afunum nemɔ aso ɔ. Mmoaen ne mbɔngye ne, Hagriteniɛ Yasise yeɛ né ɔnea bɛ so ɔ.

2 Aberɛso Dwirɛ 16:6

Yeɛ Nana Asa maa bɛboale Yudafoɛ amukoraati bɛ noa, na nyɔboɛ ne ndaboa bɔ né Baasa ɔfa otua Rama kuro ne, bɛsesa bɛhɔle. Na Nana Asa fa kyekyele Geba ne Misepa.

Ɛsra 4:11

Krataa bɔ bɛhyerɛ bɛɛmane Nana Atasɛsɛse ne, nu dwirɛ ɛhe): “Yɛfa krataa he yɛbrɛ Nana Atasɛsɛse. Wɔ somvoɛ mɔ bɔ yɛwɔ asue Yufreti si dɔ mbɔtam ne aso ne, yɛbisa wɔ bisabisa.

Nehemia 3:19

Yesua bɔ ɔnea Misepa kuro ne aso ne, ɔwa Esere ɔtoale Bawayi deɛ ne aso. Nekaa foforɛ bie bɔ ɔwɔ pambaa bɔ besie akodeɛ wɔ so ne ndendeneɛ so ne, ɔyɔle ye yé.