Nehemia 3:5 - AHYERƐLƐ KRONGRON

⁵ Tekoafoɛ nemɔ, bɛtoale so bɛyɔle nekaa bɔ wasɛkye ne bie yé, nakoso bɛ mmenia titire nemɔ de, adwuma bɔ bɛ mene nemɔ hyirele bɛ ne, bamva bɛ sa banzɔ nu bie.

Nehemia 3:5 Iomraidhean Croise

2 Samuel 14:2

Yiti Yoabo somane maa bɛhɔle Tekoa bɛɛfale braa nworɛniɛ bie befili dɔ bɛwale. Na osele braa ne kyɛ, “Yɛ wɔ nwo kyɛ ɛwɔ ɛsɛen nu, kera ɛsɛen tena, nnɛpopa. Yɛ wɔ nwo kyɛ brasua bɔ ye nwoniɛ awu maa watena ɛsɛen nu wahyɛ ɔ.

2 Aberɛso Dwirɛ 11:6

Ɔbɔle Betlehem, Etam, Tekoa,

Nehemia 3:27

Tekoafoɛ mɔ bɛtoale ye deɛ ne aso bɛyɔle fasue ne yé wɔ abandenden piri ne ndendeneɛ so maa oodwuli Ofel fasue ne.

Nehemia 3:4

Hakose awa Yuriya ɔwa Meremote toale bɛ so yɔle nekaa bɔ wasɛkye ne bie yé. Mesesabɛl ɔwa Berekia awa Mesulam koso toale so yɔle nekaa bɔ wasɛkye ne bie yé. Baana awa Sadoke toale so yɔle nekaa bɔ wasɛkye ne bie yé.

Nehemia 3:6

Pasea awa Yowada ne Besodeya awa Mesulam bɛyɔle Pambim Daa ne yé. Begyinagyinane ye mbuna nemɔ, betuatuale ye anoa nemɔ, na bɛfale mberɛgoo bemiamiane mmuralɛ bɔ ɔbrambram ye si ne anu.

Yeremia 27:12

Sɔ dwirɛ ne amukoraa yeɛ nga ngyirele Yuda hene Sedekia ɔ. Ngane kyɛ, “Ɛ́mɔfa ɛmɔ kɔme bewura Babilɔn hene ye kɔnnua ne anu, ná ɛ́mɔso ye ne ye maen, amaa ɛmɔanya ɛmɔ ti badidi nu.

Yeremia 27:2

Bɔ AWURADE sele me ɛhe, “Fa nyamaa ne mmakaa yɔ kɔnnua ná fa to wɔ kɔme.

Yeremia 27:8

Nakoso ɔkɔwa kyɛ, sɛ maen bie anaa ahennie bie yɛ kyɛ ɔngɔso sɔ Babilɔn hene Nebukadenesa, ná ɔngɔfa ye kɔme ngowura Babilɔn hene kɔnnua ne anu a, ye de ngɔfa ngrandɛ, ɛhɔen ne ewue anwonyerɛ ngɔhwe sɔ maen ne aso, kɔpem kyɛ ngɔfa ye so ngɔbɔ sɔ maen ne tɔɔ ɔ, AWURADE noa dwirɛ ɛne.

Yeremia 6:1

Ao Benyaminfoɛ, ɛ́mɔnwati béfi Yerusalem bɛɛbɔ ɛmɔ nwo adwaa! Ɛ́mɔhu totorobɛndo ne wɔ Tekoa, na ɛ́mɔma nwosina frangaa otu hɔ anwuro wɔ Bete Hakerem, ofikyɛ musue ne amaneɛ piri bie waye ye ti wafi sorɔ dɔ.

Amose 1:1

Yuda hene Yusia aberɛ so, yeɛ Yisrael hene Yoase awa Yeroboam aberɛ so, afoɛ nyɔ koraka yeɛ aseɛ baawoso ne, Amose bɔ ɔboka Tekoa mmoaenneafoɛ nemɔ aso ne, edwirɛ bɔ onwuni ye fale Yisrael nwo ne, ye ɛhe.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Asomafoɛ 15:10

Na afei, nzu ati yeɛ ɛmɔso Nyameɛ bɛnea na bɛfa nningyein bɔ yɛ ne yɛ nana mɔ yangora ye soa bɛsoa agyidifoɛ ne ɔ?

1 Korintofoɛ 1:26

Afei aliɛmaa mɔ, ɛ́mɔkaye ɛmɔ frɛlɛ bɔ ɔfrɛle ɛmɔ ne. Sɛ ɛnea ye sona bue nu de a, ɛmɔ nu kãa bie yeɛ né bele dibea anaa bɛte nnehyeɛ ɔ.

Maenbulɛfoɛ 5:23

AWURADE abɔfo nwa: Ɛ́mɔnoma Merose, ɛ́mɔnoma nu ama paa, ofikyɛ bamma ammoka AWURADE, bamma ammoka AWURADE maa wango wandia anwoserɛfoɛ nemɔ.