Nehemia 3:30 - AHYERƐLƐ KRONGRON

³⁰ Selemia awa Hanania ne Hanun bɔ ɔte Salafe awa bienzua bɔ ɔtɔ so nzia ne, bɛtoale ye deɛ ne aso bɛyɔle fasue ne yé. Berekia awa Mesulam ɔyɔle fasue ne nekaa bɔ ɔwɔ ye pumbu ndendeneɛ so ne yé.

Nehemia 3:30 Iomraidhean Croise

Nehemia 13:13

Na nyele ɛhemɔ kyɛ bɛnea sua bɔ bɛfa nningyein besie nu nemɔ aso: ɔsɔfo Selemia, ahyerɛlɛniɛ Sadoke, yeɛ Lewiniɛ Pedaya. Hanan bɔ ye baba ole Sakure bɔ ye baba ole Matania ne, ɔkɔboka bɛ wɔ sɔ adwuma ne anu, ofikyɛ sɔ mmenia nemɔ, mmenia de bɛ di kyɛ bedi nahorɛ. Na b’adwuma ole kyɛ bɛkɔhyɛ aleɛ ne nningyein bɛkɔma b’eliɛma mɔ ɔ.

Nehemia 3:29

Yimere awa Sadoke yɔle fasue ne yé wɔ nekaa bɔ ɔwɔ ye bɔbɔ ye awuro ne ndendeneɛ so ɔ. Sekania awa Semaya bɔ ɔnea Eyia Afiteleɛ Pambim ne aso ne, ɔyɔle fasue ne yé toale Sadoke deɛ ne aso.

Nehemia 3:31

Malkiya bɔ ɔte esikaa kɔkorɛ dwumvoɛ nemɔ anu ko ne, ɔtoale Mesulam deɛ ne aso. Ɔyɔle pambim ne yé alaa odwuli asɔneyɛɛ sua somvoɛ ne dwadifoɛ mɔ awuro wɔ Dwaabɔlɛ Pambim ne ndendeneɛ so, kɔpem ndweasoɛ so aborɔsaen pumbu ne.

Nehemia 3:4

Hakose awa Yuriya ɔwa Meremote toale bɛ so yɔle nekaa bɔ wasɛkye ne bie yé. Mesesabɛl ɔwa Berekia awa Mesulam koso toale so yɔle nekaa bɔ wasɛkye ne bie yé. Baana awa Sadoke toale so yɔle nekaa bɔ wasɛkye ne bie yé.

Nehemia 6:18

Né Yudafoɛ pee bata ndaen kyɛ bɛ ne Tobia kɔyɛ ko, ofikyɛ né Tobia ɔye ye baba ole Ara awa Sekania. Yeɛ né Tobia awa bienzua Yehohanan koso wagya Berekia awa Mesulam ɔwa brasua.