Nehemia 3:26 - AHYERƐLƐ KRONGRON

²⁶ ɔne asɔneyɛɛ sua nu somvoɛ mɔ bɔ bɛte Ofel, bɛtoale so bɛyɔle fasue ne yé beedwuli Nzue Pambim bɔ ɔwɔ eyia afiteleɛ so ne ɔne abandenden bɔ ogyi sua ne aso ne, bɛ ndendeneɛ so.

Nehemia 3:26 Iomraidhean Croise

1 Aberɛso Dwirɛ 9:2

Bɛ bɔ belili moa besa bɛwale bɛ kuro bɛɛtenane b’aseɛ so ne, bɛte Yisraelfoɛ nemɔ bie, yeɛ afei asɔfo, Lewifoɛ yeɛ asɔneyɛɛ sua nu somvoɛ mɔ.

2 Aberɛso Dwirɛ 27:3

Yotam sili AWURADE awuro berɛ sorɔ dɔ pambim ne, na fasue bɔ ɔwɔ Ofel bokaa ne aso ne, ɔtoale so.

2 Aberɛso Dwirɛ 33:14

Nziɛ ye, ɔtole fasue wɔ Dawide kuro ne anwo wɔ Gihon eyia atɔleɛ so wɔ bɔnza ne anu, kɔpem Tire Pambim ne. Ɔfa pɛle Ofel nwo bra yiale, na ɔtole fasue ne maa ɔyɛle tendenn paa. Osa fale safohene mɔ tenatenane Yuda nguro bɔ bato bɛ nwo fasue nemɔ amukoraa so.

Nehemia 10:28

Maen ne ngaa ne, asɔfo nemɔ, Lewifoɛ nemɔ, anoa awɛmvoɛ nemɔ, edweintolɛfoɛ nemɔ, asɔneyɛɛ sua nu somvoɛ nemɔ, ɔne ebiala bɔ wahwe ye nwo wafi aseɛ ne aso ama nwo kyɛ okoli Nyameɛ mmeraa so ne, bɛ ne bɛ ye mɔ, bɛ mma mmienzua, bɛ mma mmrasua, ɔne ebiala bɔ ole nimdeɛ ne nworɛ ɔ,

Nehemia 11:21

Nakoso asɔneyɛɛ sua somvoɛ nemɔ de, né bɛte Ofel, na Siha ne Gisepa yeɛ né bɛnea asɔneyɛɛ sua nu somvoɛ nemɔ so ɔ.

Nehemia 12:37

Bedwuli Abura Pambim ne anwo ne, bɛhɔle bɛ nyunu tee bɛɛfole Dawide kuro atweleɛ bɔ ɔwɔ fasue ne anwuro dɔ ne, na bɛfale Dawide awuro ne anwuro dɔ beedwuli Nzue Pambim bɔ ɔwɔ eyia afiteleɛ ne anwo.

Nehemia 3:27

Tekoafoɛ mɔ bɛtoale ye deɛ ne aso bɛyɔle fasue ne yé wɔ abandenden piri ne ndendeneɛ so maa oodwuli Ofel fasue ne.

Nehemia 8:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena bɛ nguro nemɔ aso nen, Yisraelfoɛ amukoraa bɛbɔle nu bɛɛbɔle dwaa wɔ nekaa bɔ bɛbɔ dwaa wɔ Nzue Pambim ne anyunu. Na besele ahyerɛlɛniɛ Ɛsra kyɛ Mose mmeraa nwomaa bɔ AWURADE afa ama Yisrael ne, ɔfa bra.

Nehemia 8:16

Yiti mmenia ne hɔle bɛɛfale mmaen nemɔ bɛwale, na besisili b’asese mɔ wɔ bɛ sua nemɔ mmɔsoɛ so, b’awuro aluo, yeɛ Nyameɛ awuro aluo berɛ, yeɛ Nzue Pambim ne anwo nekaa bɔ bɛbɔ dwaa ɔne Efraim Pambim ne anwo nekaa bɔ bɛbɔ dwaa ne.

Nehemia 8:3

Ɛsra fale ye nye hyirele nekaa bɔ bɛbɔ dwaa ne wɔ Nzue Pambim ne anyunu berɛ, na ɔkengale nwomaa ne fili ngyerɛmɔ tutuutu oodwuli eyiagyina. Ɔkengale ye wɔ mmienzua ne mmrasua ne ngwadaa bɔ bɛte dwirɛ bɛkɔhora bɛkɔte ye bo ɔ, bɛ nyunu. Na maen ne amukoraa bɛyɛle asoɛ betiele mmeraa nwomaa ne anu dwirɛ.

Yesaya 32:14

Ofikyɛ ahemvie ne kɔkakyi dandue, kuro bɔ nu mmenia worawora ne, bekotu bekofi so; na ye pambaa ne ye abandenden kɔkakyi ngaka atenaleɛ daa, ɔkɔyɛ anika atenaleɛ kɔma eburo afunum mɔ, ɔne nekaa bɔ nyɛmmoa bedidi ɔ,