Nehemia 3:21 - AHYERƐLƐ KRONGRON

²¹ Hakose awa Yuriya ɔwa Meremote, ɔyɔle fasue ne nekaa bie fite Eliasibo awuro ne anoa maa oodwuli Eliasibo awuro ne ye ti dɔ paa.

Nehemia 3:21 Iomraidhean Croise

1 Aberɛso Dwirɛ 4:8

Kose wole Anubo ne Sobeba; na Harum awa Ahahel ye abusuafoɛ bɛte Kose boso ama.

Ɛsra 2:61

Ebiemɔ koso bɛte asɔfo mɔ bɛ bosofoɛ: bɛ ole Habaya, Hakose, yeɛ Basilae (bɔ ogyale Gileadeniɛ Basilae ye mma mmrasua nemɔ nu ko, bɔ ɔnate so onyane sɔ dumaa nen).

Ɛsra 8:33

Ye ɛlɛnna ne aso, yɛkarili ɛdwetɛ ne, sikaa kɔkorɛ ne, ɔne nningyein ne wɔ yɛ Nyameɛ awuro berɛ, na yɛfa yɛwurale Yuria awa ɔsɔfo Meremote sa. Né Finehase awa Eleasa boka ye so wɔ berɛ. Né Yesua awa Yosabade ne Binuyi awa Noadia bɔ bɛte Lewifoɛ ne koso bɛboka bɛ so wɔ berɛ.

Nehemia 3:1

Ɔsɔfo panyi paa Eliasibo ɔne ye mmango asɔfo nemɔ, bɛhyɛle ye bo bɛyɔle adwuma, na besili Mmoaen Pambim ne. Bɛtele Mmoaen Pambim ne anwo bɛyɛle ye krongron, na betuatuale ye anoa nemɔ. Bɛtele ye nwo alaa beedwuli Mmenia Ɛyaa Abandenden ne anwo ɔne Hananel abandenden ne anwo.

Nehemia 3:20

Sabae awa Baruku yɔle fasue ne nekaa bie bɔ ofi Ndweasoɛ ne aso bɔ ɔkwaadwu ɔsɔfo panyi Eliasibo awuro ne anoa ne yé.

Nehemia 3:22

Asɔfo nemɔ bɔ bɛwɔ mbɔtam berɛ ne, bɛtoale Hakose deɛ ne aso bɛyɔle fasue ne yé.

Nehemia 3:4

Hakose awa Yuriya ɔwa Meremote toale bɛ so yɔle nekaa bɔ wasɛkye ne bie yé. Mesesabɛl ɔwa Berekia awa Mesulam koso toale so yɔle nekaa bɔ wasɛkye ne bie yé. Baana awa Sadoke toale so yɔle nekaa bɔ wasɛkye ne bie yé.

Nehemia 7:63

Ebiemɔ koso bɛte asɔfo mɔ bɛ bosofoɛ: Bɛ ole Hobaya, Hakose, yeɛ Basilae (bɔ ogyale Gileadeniɛ Basilae ye mma mmrasua nemɔ nu ko, bɔ ɔnate so maa ɔfale bɛ dumaa ne bie ne).