Nehemia 3:16 - AHYERƐLƐ KRONGRON

¹⁶ Nehemia bɔ ye baba ole Bete Sure manzini ne bue so amrado Azebuke ne, ɔtoale Salum deɛ ne aso. Nekaa bie bɔ ɔwɔ Dawide ɛbaa nu berɛ ndendeneɛ so ne, ɔyɔle ye yé, maa oodwuli ɛkwaa bɔ bahyɛ da bapɛ ne, ɔne koɛhonɛfoɛ ahoneserɛfoɛ b’awuro ne ndendeneɛ so.

Nehemia 3:16 Iomraidhean Croise

2 Ahemvo 20:20

Afei Hesekia nwo dwirɛ ngaa ne, ye koɛhonɛ nu anwoserɛ, kyɛbɔ ɔpɛle ɛkwaa fale dodobɛen tole nu mane nzue fale nu hɔle Yerusalem kuro ne anu ne, amba, bahyerɛ ye wɔ Yuda ahemvo nwo dwirɛ nwomaa ne anu.

1 Aberɛso Dwirɛ 2:45

Samae wole Mayɔn, yeɛ Mayɔn wole Bete Sure.

2 Aberɛso Dwirɛ 11:7

Bete Sure, Soko, Adulam,

2 Aberɛso Dwirɛ 16:14

Asieleɛ kumaa bɔ wapɛ wato berɛ wɔ Dawide kuro kyɛ owu a besie ye wɔ nu ne, besiele ye wɔ nu. Mba bɔ bɛdedale ye wɔ so ne, ayirefona ahoroɔ bɔ bɛfa bɛpetene so ne, sona bɔ ole ye nwo nimdeɛ yeɛ ɔfrafrale nningyein fa yɔle ɔ. Na bɛsɔle buruburugya bɛfa bɛyɛle ye sɛen.

Nehemia 2:14

Yeɛ ndoale so ngɔle Abura Pambim ne anwo ne Ɛhene Ɛkwaa ne anwo, na kaka bɔ nde so ne wanya nekaa fee wamva.

Nehemia 3:12

Halohese bɔ ɔte Yerusalem manzini ne bue so amrado ne, ɔwa Salum ne Salum mma mmrasua mɔ, bɛtoale so bɛyɔle nekaa bɔ wasɛkye ne bie yé.

Nehemia 3:14

Na Malkiya bɔ ye baba ole Bete Hakerem manzini Rekabo amrado ne, ɔyɔle Fofoɛ Pambim ne yé. Osa sili na otuatuale ye anoa nemɔ, na ɔfale mberɛgoo omiamiane mmuralɛ bɔ ɔbrambram ye si ne anu.

Nehemia 3:17

Lewifoɛ nemɔ toale ye so bɛyoyɔle nekaa biemɔ yé: Bani awa Rehum koso toale Hasabia bɔ ɔte Keila manzini ne bue so safohene ne aso. Ɔtoale so yɔle nekaa biemɔ bɔ basɛkye wɔ ye manzini ne anu ne yé.

Nehemia 3:9

Hure awa Refaya bɔ ɔte Yerusalem manzini ne bue so amrado ne, ɔtoale bɛ so yɔle nekaa bɔ wasɛkye ɔ ne bie yé.

Nworɛ Dwirɛhanɛniɛ 2:6

Mbepɛle abura mɔ, na nzesale nu nzue nguaguale mmakaa bɔ malua bɔ benyi frɔmfrɔm ne aso.

Edwein Nu Dwein 3:7

Nea ye sɛko ne, Solomon deɛ ne ɔ! Mmienzua anwoserɛfoɛ aburasia yeɛ bapɛ ye nwo bayia ɔ, befi Yisrael mmienzua anwoserɛfoɛ nu.

Yesaya 22:11

Fasue nyɔ ne, ɛmɔpɛle abura wɔ b’afia maa nzue bɔ ɔwɔ ɛkwaa daa ne anu ooguale nu, nakoso bɔ ɔyɔle ɛkwaa ne de, ɛmɔammisa ye berɛ mmokalɛ, yeɛ ye bɔ ɔhyehyɛle ye dadadada ne, ɛmɔammu ye.

Yesaya 22:9

Na ɛmɔnwuni kyɛ Dawide kuro fasue ne, wapakyepakye pee, na ɛmɔsesale aseɛnwo dɔ abura ne anu nzue besiele.

Yesaya 7:3

Nakoso AWURADE sele Yesaya kyɛ, “Kɔ ná koyia Ahase, ɛne ɛwa Sea-Yasubo wɔ anwuro dɔ ɛkwaa ne noa, wɔ atapoɛ atee ne aso dɔ,

Asomafoɛ 2:29

“Aliɛmaa mɔ, odi kyɛ mepakye nu mekã yɛ nana Dawide nwo dwirɛ mekyire ɛmɔ, kyɛ owuli, na besiele ye; na ye asieleɛ wɔ yɛ wa kekesaala ye.

Yosua 15:58

Halehul, Bete Sure, Gedɔ,