Nehemia 3:15 - AHYERƐLƐ KRONGRON

¹⁵ Na Salum bɔ ye baba ole Misepa manzini amrado Kolhose ne, ɔyɔle Mbombonzue Pambim ne, osa sili, ɔkatale so, na otuatuale ye anoa nemɔ, na bɛfale mberɛgoo bemiamiane mmuralɛ bɔ ɔbrambram ye si ne anu. Na Sela Ɛkwaa fasue bɔ ɔwɔ Nana ye turo ne anu ne, osili alaa oodwuli atweleɛ bɔ ɔtoro kɔ Dawide kuro ne anu nwo.

Nehemia 3:15 Iomraidhean Croise

2 Samuel 5:9

Dawide tenane anwoserɛ afealeɛ ne anu, na ɔtole berɛ dumaa Dawide kuro. Dawide tole kuro ne anwo fasue bra yiale, fite nekaa bɔ bɛfrɛ ye Milo ne maa oodwuli kuro ne anu.

2 Ahemvo 25:4

Na Babilɔnfoɛ ɛlɔen ne bɛbɔngyele kuro berɛ fasue ne anu tokuro. Ɔwɔ nu kyɛ né Babilɔn ɛlɔen ne bapɛ kuro ne anwo bayia de, nakoso kɔngɔen, Nana Sedekia ne ye koɛhonɛfoɛ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu bɛhɔle. Pambim ne pingye Nana Sedekia turo ne. Bɛfale bɛ nye behyirele asue Yɔɔdan bɔnza ne anu dɔ.

2 Aberɛso Dwirɛ 32:30

Gihon asue kumaa ne, ye sorɔ dɔ ne, Hesekia ye ala yeɛ otuale ye, na ɔkakyili asue ne nye neane aseɛnwo dɔ maa ɔɔfale Dawide kuro berɛ eyia atɔleɛ so. Bɔ Hesekia yɔle biala oyiele ye yé.

Nehemia 12:37

Bedwuli Abura Pambim ne anwo ne, bɛhɔle bɛ nyunu tee bɛɛfole Dawide kuro atweleɛ bɔ ɔwɔ fasue ne anwuro dɔ ne, na bɛfale Dawide awuro ne anwuro dɔ beedwuli Nzue Pambim bɔ ɔwɔ eyia afiteleɛ ne anwo.

Nehemia 2:14

Yeɛ ndoale so ngɔle Abura Pambim ne anwo ne Ɛhene Ɛkwaa ne anwo, na kaka bɔ nde so ne wanya nekaa fee wamva.

Nehemia 2:17

Yeɛ nga ngyirele bɛ kyɛ, “Ɛmɔanwu edwirɛ bɔ wato yɛ ye: kyɛbɔ Yerusalem wakakyi kurofoen, bɔ ye pambim nemɔ koso bato nu see ɔ. Ɛ́mɔdwɔso maa yɛsa yɛkyekye Yerusalem fasue ne, amaa yɛ nyunu wangɔ so wangua ase.”

Nehemia 3:12

Halohese bɔ ɔte Yerusalem manzini ne bue so amrado ne, ɔwa Salum ne Salum mma mmrasua mɔ, bɛtoale so bɛyɔle nekaa bɔ wasɛkye ne bie yé.

Nehemia 3:14

Na Malkiya bɔ ye baba ole Bete Hakerem manzini Rekabo amrado ne, ɔyɔle Fofoɛ Pambim ne yé. Osa sili na otuatuale ye anoa nemɔ, na ɔfale mberɛgoo omiamiane mmuralɛ bɔ ɔbrambram ye si ne anu.

Nehemia 3:19

Yesua bɔ ɔnea Misepa kuro ne aso ne, ɔwa Esere ɔtoale Bawayi deɛ ne aso. Nekaa foforɛ bie bɔ ɔwɔ pambaa bɔ besie akodeɛ wɔ so ne ndendeneɛ so ne, ɔyɔle ye yé.

Nehemia 3:7

Gibeonniɛ Melatia ne Merononiɛ Yadon, yeɛ Gibeonfoɛ ne Misepafoɛ bɔ bɛte mmenia bɔ bewura asue ne asi dɔ amrado ne abo ne, bɛtoale bɛ so bɛyɔle nekaa biemɔ bɔ né basɛkye ɔ yé.

Nehemia 3:9

Hure awa Refaya bɔ ɔte Yerusalem manzini ne bue so amrado ne, ɔtoale bɛ so yɔle nekaa bɔ wasɛkye ɔ ne bie yé.

Nworɛ Dwirɛhanɛniɛ 2:6

Mbepɛle abura mɔ, na nzesale nu nzue nguaguale mmakaa bɔ malua bɔ benyi frɔmfrɔm ne aso.

Yesaya 8:6

“Ɔnate kyɛ maen he apo Siloa asue bɔ ɔsẽ dinn ne, ná bama Resin ne Remalia awa ne nwo suronyi atɔ bɛ so ne ati,

Yeremia 40:6

Yeɛ Yeremia hɔle Ahikam awa Gedalia berɛ wɔ Misepa, na ɔne ye bɛɛtenane wɔ mmenia bɔ bayakyi bɛ wɔ aseɛ ne aso nemɔ anu.

Luka 13:4

Anaa mmenia buru ne mmɔtwɛ bɔ Siloam abandenden bu guale bɛ so huni bɛ ne, ɛmɔdwene kyɛ né bɛte bɔnefoɛ bɛtra mmenia amukoraa bɔ bɛte Yerusalem anaa?

Yohane 9:7

na osele ye kyɛ, “Kɔ, ná konwunzi so wɔ ɛkwaa Siloam nu,” (bɔ ye bo kyire: Bɔ basoma ye ɔ). Yiti osili nu hɔle oonwunzini so, na osa wale nen, né onwu nikye.

Maenbulɛfoɛ 20:1

Afei Yisraelfoɛ ngaa amukoraa, ofi Dan bɔ ɔkwaadwu Beɛ Hyeba, bɔ Gileade mbɔtam boka so ɔ, bɛbɔle nu bɛwale AWURADE nyunu wɔ Misepa.

Maenbulɛfoɛ 20:3

(Yeɛ Benyaminfoɛ tele kyɛ Yisraelfoɛ bahɔ Misepa.) Na Yisraelfoɛ bisale kyɛ, “Sɔ musue dwirɛ he, ɔyɛ sɛɛ bɔ osili ɔ? Ɛ́mɔhã behyire yɛ.”