Nehemia 3:14 - AHYERƐLƐ KRONGRON

¹⁴ Na Malkiya bɔ ye baba ole Bete Hakerem manzini Rekabo amrado ne, ɔyɔle Fofoɛ Pambim ne yé. Osa sili na otuatuale ye anoa nemɔ, na ɔfale mberɛgoo omiamiane mmuralɛ bɔ ɔbrambram ye si ne anu.

Nehemia 3:14 Iomraidhean Croise

2 Samuel 4:2

Sɔɔlo awa ne, ye mmenia bɔ bɛbɔ apaa ne, né ole mmenia nyɔ bɔ bɛla bɛ noa ɔ. Ko dumaa li Baana, yeɛ ko wora li Rekabo. Bɛte Benyaminniɛ Rimon bɔ ofi Beerote ne ye mma. Né mmenia bu Beerote kyɛ ɔte Benyaminfoɛ kuro.

2 Ahemvo 10:15

Yehu fili berɛ ne, onwuni Rekabo awa Yehonadabo kyɛ ɔbaayia ye. Yehu bisale ye ahye, na Yehu bisale ye kyɛ, “Aso me nwo adwene paa wɔ wɔ ti anu kyɛbɔ wɔ nwo adwene paa wɔ me ti anu ye?” Yehonadabo buale kyɛ, “Yoo, ɔte sɔ ala.” Na Yehu sele kyɛ, “Sɛ ɔte sɔ de a, ye de soma me sa nu.” Yiti osomane ye sa nu. Na Yehu bokale maa ɔfo ɔɔtenane teaseɛnam ne anu.

1 Aberɛso Dwirɛ 6:40

bɔ ye baba ole Mikayɛl, bɔ ye baba ole Baaseya, bɔ ye baba ole Malkiya,

Nehemia 12:31

Afei mmane Yuda mbanyi beegyinagyinane fasue ne aso, na nduli edweintolɛfoɛ kure mbiri nyɔ maa bɛtole sandene bɛtole ayɛyelɛ dwein. Kure ko fale fasue ne aso famaa so, na ɔfale ye nye hyirele Fofoɛ Pambim ne.

Nehemia 2:13

Nzili nu kɔngɔen mvale Bɔnza Pambim ne anu ndrale Sasrabɔnzam mbombonzue ne anwo ngɔle Fofoɛ Pambim ne anwo, na ngɔneane Yerusalem fasue mɔ bɔ badwiri bɛ bagua ase, ɔne ye pambim mɔ bɔ bafa see bayerayera bɛ nemɔ.

Nehemia 3:9

Hure awa Refaya bɔ ɔte Yerusalem manzini ne bue so amrado ne, ɔtoale bɛ so yɔle nekaa bɔ wasɛkye ɔ ne bie yé.

Yeremia 6:1

Ao Benyaminfoɛ, ɛ́mɔnwati béfi Yerusalem bɛɛbɔ ɛmɔ nwo adwaa! Ɛ́mɔhu totorobɛndo ne wɔ Tekoa, na ɛ́mɔma nwosina frangaa otu hɔ anwuro wɔ Bete Hakerem, ofikyɛ musue ne amaneɛ piri bie waye ye ti wafi sorɔ dɔ.