Nehemia 2:7 - AHYERƐLƐ KRONGRON

⁷ Yeɛ nzele Nana Atasɛsɛse kyɛ, “Nana, sɛ ɛpene so a, maa bɛhyerɛ ngrataa maa ngɔmva mma Asue si dɔ mbɔtam amrado nemɔ, maa bɛma me ate maa mbɛ nu ngɔ kɔpem kyɛ ngodwu Yuda ɔ.

Nehemia 2:7 Iomraidhean Croise

Ɛsra 6:6

“Yiti wɔ Tatenae bɔ ɛte asue Yufreti si mbɔtam amrado ne, ɛne Seta Bosenae ne ɛmɔ mmango maen mbanyi bɔ bɛwɔ asue Yufreti si mbɔtam dɔ ne, nnɛma ɛmɔsi asɔneyɛɛ sua ne silɛ nwo ate.

Ɛsra 7:21

“Me Nana Atasɛsɛse, mahyɛ mmeraa he mama fotoɛsoneafoɛ amukoraa bɔ bɛwɔ asue Yufreti si mbɔtam kyɛ, nikyee biala bɔ ɔsɔfo Ɛsra bɔ ɔte nyameɛso Nyameɛ ye mmeraa ahyerɛlɛniɛ ne okobisa kofi ɛmɔ berɛ ne, ɛ́mɔnea kyɛ ɛmɔkɔma ye sa kɔhã ye ndɛndɛ ɔ;

Ɛsra 8:22

Na ɔyɛle me nya kyɛ ngɔsrɛ Nana Atasɛsɛse kyɛ ɔma yɛ koɛhonɛfoɛ ne pɔngɔhanɛfoɛ bɔ bɛkɔbɔ yɛ nwo waen bekofi yɛ pɔfoɛ mɔ sa nu wɔ atunu ɔ, ofikyɛ né yali moa yahã yahyire ye kyɛ, “Sona biala bɔ ɔpena yɛ Nyameɛ si atee ne, Nyameɛ do ye ɔbɔ ye nwo waen. Nakoso ebiala bɔ ɔpo Nyameɛ nen, Nyameɛ tumi ne ye yaafɛlɛ ko tia ye.”

Ɛsra 8:36

Asa koso, Nana Atasɛsɛse mmeraa bɔ ɔhyerɛle ye krataa nu ne, bɛye bɛmane ye mbɔtam mbanyi mɔ ne amrado mɔ bɔ begyi ye gya nu wɔ asue Yufreti si dɔ mbɔtam ne. Na bɛ koso bɛfale bɛ mmokalɛ bɛtale maen ne ne Nyameɛ awuro ne si.

Nehemia 2:9

Yeɛ amrado mɔ bɔ bɛnea asue ne asi dɔ mbɔtam nemɔ aso ne, ngondwuli bɛ berɛ, na mvale Nana ngrataa nemɔ mmane bɛ. Né Nana Atasɛsɛse watu koɛhonɛfoɛ mbanyi ne pɔngɔhanɛfoɛ kyɛ bɛboka me so bɛ ne me bra.

Nehemia 3:7

Gibeonniɛ Melatia ne Merononiɛ Yadon, yeɛ Gibeonfoɛ ne Misepafoɛ bɔ bɛte mmenia bɔ bewura asue ne asi dɔ amrado ne abo ne, bɛtoale bɛ so bɛyɔle nekaa biemɔ bɔ né basɛkye ɔ yé.