Nehemia 2:5 - AHYERƐLƐ KRONGRON

⁵ Yeɛ mmuale Nana kyɛ, “Nana, sɛ ɛpene so, ná anya alo wɔ somvoɛ de a, ye de mesrɛ kyɛ ma me ate maa ngɔ Yuda, kuro bɔ me nana mɔ b’asieleɛ wɔ so ne aso, ná nza ngɔngyekye kuro ne.”

Nehemia 2:5 Iomraidhean Croise

2 Samuel 14:22

Yoabo tole ye nwo yele aseɛnwo berɛ, ɔfale ye nyunu butuli berɛ wɔ Dawide nyunu, na ɔsrɛle Nyameɛ saleɛ mane Nana Dawide. Osele kyɛ, “Nana, me mene, ɛnɛ kyẽa ye, wɔ somvoɛ, manwu ye kyɛ ale me ato nu, ofikyɛ Nana, ayɔ wɔ somvoɛ abisadeɛ ama ye.”

Ɛsra 5:17

Nana Dario, sɛ ɔngɔha wɔ a, maa bɛneanea ahemvie ngrataa bɔ bafa basie Babilɔn ne anu bɛnea, kyɛ, aso Nana Karose hyɛle mmeraa kyɛ besi Nyameɛ awuro bɔ ɔwɔ Yerusalem ne bieku anaa. Nana, bɔ w’adwene kyire wɔ wɔ edwirɛ he anwo ne, soma maa bɛɛhã behyire yɛ.”

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Nehemia 2:6

Na Nana Atasɛsɛse bisale me kyɛ (sɔ mmerɛ ne, né ɛhemmaa ne ɔte ye nwo berɛ), “Ekoli ɛlɛnyɛɛ, ná kyinzu yeɛ ekosa kɔwa ɔ?” Yiti Nana Atasɛsɛse mane me ate, na nhyɛle kyẽa bɔ ngosa ngɔwa ɔ.

Ɛseta 1:19

Nana, sɛ ɛkɔpene so a, hyɛ mmeraa, ná maa bɛhyerɛ bɛboka Pɛsia ne Medese mmeraa bɔ bɛngora ye sesã ne aso, kyɛ, Onni kyɛ Nana Wasiti ba Nana Ahasuro nyunu le ko. Afei koso, Nana, fa Wasiti hemmaa dibea ne ma brasua foforɛ bɔ ɔte paa tra Wasiti ɔ.

Ɛseta 5:8

Nana, sɛ anwu me anwumvoin a, yeɛ sɛ ɛpene so kyɛ ɛkɔyɔ m’abisadeɛ kɔma me, ɔne kyɛ ɛkɔma me sa kɔha bɔ mepena ɔ de a, ye de, Nana, ɛpoen bieku bɔ ɛhema ngɔto ngɔma wɔ ne Haman ne, mesrɛ wɔ ala, ɛmɔbra ye bo, na ngɔfa me dwirɛ ne ngɔto wɔ nyunu.”

Ɛseta 7:3

Yeɛ Nana hemmaa Ɛseta buale kyɛ, “O, Nana, sɛ anwu me anwumvoin, yeɛ sɛ ɛpene so a, maa nya me ti nnidi nu. M’abisadeɛ ne, ye ɛne; yeɛ bɔ mepena koso ole kyɛ, me mmenia konya bɛ ti bekodidi nu ɔ.

Ɛseta 8:5

na ɔhane kyɛ, “Nana, sɛ ɛpene so, sɛ anwu me anwumvoin a, Nana, sɛ ɛnea ná ɔte paa a, yeɛ sɛ masɔ wɔ nye a, ye de ngrataa bɔ Agaginiɛ Hamedata ɔwa Haman nyane adwene tɛɛ hyerɛle fa hyɛle mmeraa kyɛ behũ Yudafoɛ bɔ bɛwɔ wɔ manzini amukoraa nu ne, hyɛ mmeraa maa bɛpɛ nu.

Anyandera 3:4

Na ɛhe kɔmaa Nyameɛ ne mmenia bɛkɔlo wɔ, ná babɔ wɔ dumaa paa.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Mateo 23:27

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔte kyɛ asieleɛ bɔ bafa ewure bahura ye nwo ɔ, bɔ ye nwo bɔ enwu ye ne ɔyɛ nyemene, nakoso nu dɔ de, efuin mmowue ne efiɛ amukoraa ayi ye tɛkyɛ.

Rutu 2:13

Yeɛ Rutu sele kyɛ, “Me mene, kɔ so do me sɔ ala, ofikyɛ akyekye me wora. Ɔwɔ nu kyɛ nna w’afaneɛ nemɔ bie ole me, nakoso ɛne w’afaneɛ adwudwo nyemene so.”