Nehemia 2:4 - AHYERƐLƐ KRONGRON

⁴ Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Nehemia 2:4 Iomraidhean Croise

2 Samuel 15:31

Yeɛ ebie bɔle Dawide amaneɛ kyɛ, mmenia bɔ bɛ ne Absalom babɔ ye ti so porɛ ne, Ahitofel boka so. Na Dawide sele kyɛ, “AWURADE, mesrɛ wɔ, ma Ahitofel foɛtulɛ ne ɔyɛ ngwaseaa foɛtulɛ.”

1 Ahemvo 3:5

Gibeon berɛ, AWURADE yele ye nwo ali hyirele Solomon kɔngɔen wɔ laleɛ nu. Na Nyameɛ sele kyɛ, “Bisa bɔ ekuro ɔ maa nyɔ mma wɔ.”

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Nehemia 1:4

Na ndele sɔ dwirɛ ne nen, ndenane ase nzuni, nnili aworabɔlɛ ngyẽa pee, na nyɛle akɔngyere mmɔle mbaeɛ wɔ nyameɛso Nyameɛ ne nyunu.

Nehemia 1:5

Na ngane kyɛ, “Ao AWURADE, nyameɛso Nyameɛ, Nyameɛ piri bɔ wɔ nwo yɛ suro bɔ edi apam so ná ɛye ɔdɔ bɔ onni ngasi ali kyire bɛ bɔ bekuro wɔ dwirɛ ná bedi wɔ mmeraa dwirɛ ne aso ne,

Nehemia 2:20

Yeɛ mmuale bɛ kyɛ, “Nyameɛso Nyameɛ, ye yeɛ ɔkɔmaa yɛkoli ngonim ɔ. Yɛte ye ngoaa mɔ, na yɛkodwɔso yɛkosi. Nakoso ɛmɔ de, ɛmɔlle kyɛfa anaa agyapadeɛ anaa ngayeɛ biala wɔ Yerusalem nu.”

Nehemia 2:5

Yeɛ mmuale Nana kyɛ, “Nana, sɛ ɛpene so, ná anya alo wɔ somvoɛ de a, ye de mesrɛ kyɛ ma me ate maa ngɔ Yuda, kuro bɔ me nana mɔ b’asieleɛ wɔ so ne aso, ná nza ngɔngyekye kuro ne.”

Ɛseta 5:3

Yeɛ Nana Ahasuro bisale ye kyɛ, “Nana hemmaa Ɛseta, nzu ɔ? Nzikyɛ yeɛ ɛpena ɔ? Sɛ m’ahennie ye bue po a, ngɔfa ngɔma wɔ.”

Ɛseta 5:6

Bɛwɔ so bɛno nzaa nen, Nana Ahasuro bisale Ɛseta kyɛ, “W’abisadeɛ ne ole nzu? Ka, na ngɔfa ngɔma wɔ. Nzu yeɛ ɛpena ɔ? Sɛ m’ahennie ye bue po a, wɔ sa kɔha ye.”

Ɛseta 7:2

Ye elenyɔ ne aso, bɛwɔ ɛpoentolɛ ne abo ne, Nana Ahasuro bisale Ɛseta bieku kyɛ, “Nana hemmaa Ɛseta, w’abisadeɛ ne ole nzu? Ka, na ngɔfa ngɔma wɔ. Nzu yeɛ ɛpena ɔ? Sɛ m’ahennie ye bue po a, wɔ sa kɔha ye.”

Edwein 136:26

Ao, ɛ́mɔfa asennaa bɛ́ma nyameɛso Nyameɛ ne, ofikyɛ ye ɔdɔ bɔ onni ngasi ne, ɔwɔ berɛ afebɔɔ.

Anyandera 3:6

Wɔ bra mukoraa, maa Nyameɛ bra nu, na okohyire wɔ atee maa ɛkɔfa so.

Marko 10:51

Na Yesu bisale ye kyɛ, “Nzu yeɛ ɛpena kyɛ meyɔ mema wɔ ɔ?” Na anyesiniwaaniɛ ne buale ye kyɛ, “Kyerɛkyerɛniɛ, mepena kyɛ menwu nikye.”

Asomafoɛ 23:19

Na safohene ne sɔle aberandeɛ ne sa fale ye hɔle ahameɛ, na obisale ye kyɛ, “Nzikyɛ dwirɛ yeɛ ele ye kã kyire me ɔ?”

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.