Nehemia 2:3 - AHYERƐLƐ KRONGRON

³ Na nzele Nana kyɛ, “Nana, wɔ ngoa so oo! Ɔkɔyɛ sɛɛ bɔ me wora ngɔbɔ ɔ, wɔ aberɛ bɔ kuro bɔ me nana mɔ asieleɛ wɔ so ne, wabɔ bɔ bafa see bayera ye pambim mɔ ɔ?”

Nehemia 2:3 Iomraidhean Croise

1 Ahemvo 1:31

Yeɛ Bahyeba kotole fale ye nyunu butuli berɛ wɔ Nana Dawide nyunu. Na ɔhane kyɛ, “Me mene Nana Dawide, wɔ ngoa so oo!”

2 Ahemvo 25:8

Nebukadenesa lili Babilɔn hene ne, ye afoɛ bɔ ɔtɔ so buru ne ngona ne anu, bosome bɔ ɔtɔ so nnu ne anu, ye ɛlɛsoo ne aso, Nebusaradan bɔ ɔte Babilɔn hene awɛmvoɛ nemɔ aso safohene, ná osa te ye mbanyi nemɔ anu ko ne, ɔhɔle Yerusalem.

2 Aberɛso Dwirɛ 21:20

Olili hene ne, né wali afoɛ aburasa ne nyɔ, na ɔtenane bia so afoɛ mmɔtwɛ wɔ Yerusalem. Na ye wue ne, wanyɛ ebiala yea. Besiele ye wɔ Dawide kuro, nakoso banzie ye wɔ ahemvo asieleɛ so.

2 Aberɛso Dwirɛ 28:27

Ahase toale ye mbanyi mɔ. Besiele ye wɔ Yerusalem kuro ne anu. Nakoso banzie ye wɔ Yisrael mbanyi asieleɛ. Na ɔwa Hesekia lili ye bia.

2 Aberɛso Dwirɛ 32:33

Hesekia toale ye mbanyi mɔ. Besiele ye wɔ pambaa bɔ ɔwɔ Dawide boso ama asieleɛ so ne aso. Yuda amukoraa ne Yerusalemfoɛ amukoraa bɛyɛle ye sɛen kama paa, na ɔwa bienzua Manase lili ye bia.

2 Aberɛso Dwirɛ 36:19

Bɛyerale Nyameɛ awuro ne, bebubuli Yerusalem fasue ne beguale, bɛyerale Yerusalem ahemvie nemɔ amukoraa, na nu nningyein bɔ ye nyɔboɛ yɛ se ne, bɛyerale ye mukoraa.

Nehemia 1:3

Na bɛbɔle me amaneɛ kyɛ, “Mmenia bɔ bangye bɛ nnure bangɔ bie, ná bɛwɔ maen ne anu ne, amaneɛ ne animguaseɛ kandinga paa ato bɛ. Pɔfoɛ nemɔ babubu Yerusalem fasue ne bagua, yeɛ ye pambim nemɔ koso bato nu see bayera bɛ.”

Nehemia 2:13

Nzili nu kɔngɔen mvale Bɔnza Pambim ne anu ndrale Sasrabɔnzam mbombonzue ne anwo ngɔle Fofoɛ Pambim ne anwo, na ngɔneane Yerusalem fasue mɔ bɔ badwiri bɛ bagua ase, ɔne ye pambim mɔ bɔ bafa see bayerayera bɛ nemɔ.

Ɛseta 8:6

Ofikyɛ, musue bɔ ɔbaato me mmenia ye mɔ ye, meyɛ sɛɛ né mahora mafa me nye manea? Yeɛ meyɛ sɛɛ né mahora mafa me nye manea me mmenia bɔ benua bɛ boso ɔ?”

Edwein 102:14

Ofikyɛ ye nyɔboɛ mɔ bedi mu ma wɔ somvoɛ mɔ, na wɔ somvoɛ benwu ye mvuture anwumvoin.

Edwein 102:15

Maen maen mɔ bekosuro wɔ dumaa ne, na aseɛ so ahemvo amukoraa bekosuro w’animnyam ne.

Edwein 137:6

Sɛ mangaye wɔ a, ma me temverema ɔmata me nnaalɔ, sɛ manguro Yerusalem dwirɛ mandra nikyee biala bɔ ɔma me anigye paa hɔ a!

Edwein 38:7

Me nwo yerayera me wuronyiwuronyi, me nwo ndɔ me wɔ me wereɛ nu.

Yeremia 52:12

Babilɔn hene Nebukadenesa ye ahennie afoɛ bɔ ɔtɔ so buru ne ngona ne, bosome bɔ ɔtɔ so nnu ne, ye eleburu ne aso, awɛmvoɛ nemɔ aso safohene Nebusaradan bɔ osa te Babilɔn hene ye mbanyi nemɔ anu ko ne, ɔhɔle Yerusalem.

Awuye 2:9

Ye pambim nemɔ bamimi bahɔ ase, wasɛkye mmuralɛ bɔ ɔbrambram ye si nemɔ, na wabubu nu; ye hene ne ye mbanyi mɔ baali maen maensofoɛ mɔ nu. Mmeraa ne, ɔnne berɛ ko. Ye ngɔmhyɛlɛfoɛ koso, bennya nyekyire bemvi AWURADE berɛ.

Daniel 2:4

Yeɛ Kaldeafoɛ nemɔ buale Nana wɔ Aramaeke dwudwolɛ nu kyɛ, “Nana, wɔ ngoa so oo! Wɔ somvoɛ mɔ, kã laleɛ ne yɛ, na yɛkohyire ye bo.”

Daniel 3:9

Besele Nana Nebukadenesa kyɛ, “Nana, wɔ ngoa so oo!

Daniel 5:10

Na mmerɛ bɔ ɛhemmaa ne tele edwirɛ bɔ ɛhene ne ne ye mbanyi mɔ begu so bɛkekã nen, ɔwale ɛpoentolɛ sua ne anu, na osele kyɛ, “Nana, wɔ ngoa so oo! Nnɛma edwirɛ ne ha wɔ, yeɛ nnɛma wɔ nyunu yɛ bosaa.

Daniel 6:21

Yeɛ Daniel buale ɛhene ne kyɛ, “Nana, wɔ ngoa so oo!

Daniel 6:6

Yeɛ mbanyi so neafoɛ nemɔ ne mbɔtam mbanyi nemɔ, bɛbɔle nu bɛhɔle ɛhene ne berɛ, na besele ye kyɛ, “Nana Dario, wɔ ngoa so oo!

Lewitikɔso 26:31

Ngɔma ɛmɔ nguro nemɔ kɔbɔ, ná masɛkye ɛmɔ nekaa krongron nemɔ, na me nye ngɔgye ɛmɔ afɔleɛ fonafona nemɔ anwo.