Nehemia 2:20 - AHYERƐLƐ KRONGRON

²⁰ Yeɛ mmuale bɛ kyɛ, “Nyameɛso Nyameɛ, ye yeɛ ɔkɔmaa yɛkoli ngonim ɔ. Yɛte ye ngoaa mɔ, na yɛkodwɔso yɛkosi. Nakoso ɛmɔ de, ɛmɔlle kyɛfa anaa agyapadeɛ anaa ngayeɛ biala wɔ Yerusalem nu.”

Nehemia 2:20 Iomraidhean Croise

2 Aberɛso Dwirɛ 26:5

Mmerɛ bɔ Sakaria te ngoa nu ne, Yusia sole Nyameɛ. Sakaria hyirehyirele ye kyɛ odi kyɛ ɔfa Nyameɛ surolɛ ɔbɔ ye bra. Na mmerɛ bɔ ɔsole AWURADE ne amukoraa, Nyameɛ maa oyiele ye yé.

Ɛsra 4:3

Nakoso Serubabɛl ne Yesua ne Yisrael mmusua mbanyi ngaa nemɔ buale bɛ kyɛ, “Yɛngɔma ɛmɔ ngɔboka yɛ so wɔ yɛ Nyameɛ awuro ne ye silɛ nu, na mmom yɛ ngome yeɛ yɛkosi AWURADE Yisrael Nyameɛ awuro ne ɔ, kyɛbɔ Pɛsia hene Karose ahyɛ kyɛ yɛyɔ ne ala.”

Nehemia 1:4

Na ndele sɔ dwirɛ ne nen, ndenane ase nzuni, nnili aworabɔlɛ ngyẽa pee, na nyɛle akɔngyere mmɔle mbaeɛ wɔ nyameɛso Nyameɛ ne nyunu.

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Ɛseta 4:11

“Nana somvoɛ amukoraa, yeɛ ye manzini nemɔ nu ama bɛse kyɛ, sɛ Nana wando ye sa wamvrɛ wɔ, ná ɛkɔ ye nyunu wɔ ahemvie ne akunu dɔ a, kyɛ bienzua oo, anaa brasua oo, ye nwo mmeraa te komapɛ, bekohu sɔ sona ne. Sana sona bɔ Nana konwu ye anwumvoin kɔfa ye sikaa kɔkorɛ hɔtɔ kɔtengyɛ ye so ne, ye yeɛ okonya ye ti okodidi nu ɔ. Eleburasa ɛhe, ɔffrɛle me kyɛ mmra ye nyunu.”

Edwein 102:17

Okotie sona bɔ olle bie ɔ ye mbaeɛ, ná ɔngɔpo bɛ mbaeɛ.

Edwein 122:6

Ɛ́mɔbɔ mbaeɛ kyɛ Yerusalem onya asomdwee: “Bɛ bɔ bekuro wɔ dwirɛ ne, mesrɛ kyɛ oyie bɛ yé.

Edwein 20:5

Maa yɛfa ahurusililɛ yɛbɔ wɔ ngoalelɛ nwo ese, ná yɛpagya yɛ frangaa wɔ yɛ Nyameɛ dumaa nu. AWURADE ɔ́yɔ w’abisadeɛ amukoraa ɔ́ma wɔ.

Edwein 35:27

Bɛ bɔ bɛ kunu a ahaa babua me be ne, maa bɛbɔ ese beli ahurusi ná bɛ nye gye, ná bɛhã ye daa kyɛ, AWURADE te piri, na ye nye gye ye somvoɛ ye yeeyɛlɛ nwo.”

Edwein 51:18

Maa ɔyɛ wɔ anigye kyɛ ɛkɔma Sion konya ngɔsoɛ ɔ; si Yerusalem fasue nemɔ.

Ɛksadɔso 28:29

“Yiti mmerɛ biala bɔ Aarɔn kɔhɔ nekaa krongron ne anu nen, Yisrael mma mmienzua nemɔ bɛ dumaa bɔ ɔwɔ ndɛenbualɛ aguasoɛ ne anu ne, ɔkɔsoa ye wɔ ye ahone so, maa ɔkɔyɛ AWURADE nyunu ngayeɛ daa.

Nworɛ Dwirɛhanɛniɛ 7:18

Ɔte paa kyɛ ɛkɔsɔ foɛtulɛ bɔ oli moa ne anu, bɔ ɛngɔyakyi bɔ ɔtɔ so nyɔ ne koso anu ɔ. Ofikyɛ sona bɔ osuro Nyameɛ ne, ɔkɔhwe ye nwo kofi ye mukoraa nwo.

Yesaya 56:5

ngɔma bɛ ngayeɛ nikyee ne dumaa wɔ m’awuro ɔne me fasue ne akunu, na sɔ nningyein nemɔ bedi mu bɛtra mmaa mmienzua ne mmaa mmrasua. Ngɔma bɛ dumaa afebɔɔ bɔ ongomini le ɔ.

Lewitikɔso 2:2

ná ɔ́fa brɛ Aarɔn mma mmienzua nemɔ bɔ bɛ yeɛ bɛte asɔfo ne. Odi kyɛ ɔsa esam paa bɔ ngoo ne ɛyɛɛ fra ye ne ye sa bum ko, ná ɔsɔfo ne ɔ́yera kãa bɔ wasa ne wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 24:7

Fa ɛyɛɛ paa gua folii biala so, maa ɔ́yɛ ngayeɛ nikye bɔ ɔboka paanoo ne aso ɔ, ná ɔ́yɛ afɔleɛ bɔ bɛbɔ ye see so bɛma AWURADE ɔ.

Sakaria 6:14

Na abotire nemɔ kɔyɛ ngayeɛ nikyee kɔma Helem, Tobiya, Yedaya ne Sefania awa Hen wɔ AWURADE asɔneyɛɛ sua ne anu.

Numeri 10:10

Afei koso, ngyẽa bɔ ɛmɔfa bɛgye bɛ nye, ɔne ɛmɔ aluolue ngyẽa, ɔne kyẽa bɔ bosome kofi ne, ɛ́mɔhu totorobɛndo nemɔ wɔ mmerɛ bɔ ɛmɔbɔ ɛmɔ naen yeralɛ afɔleɛ ɔne ɛmɔ asomdwee afɔleɛ ɔ. Bɛkɔyɛ ngayeɛ nikyee bɛkɔma ɛmɔ wɔ AWURADE ɛmɔ Nyameɛ nyunu: Me ole AWURADE ɛmɔ Nyameɛ.

Asomafoɛ 10:31

na osele me kyɛ, ‘Kɔneleo, Nyameɛ ate wɔ mbaeɛbɔlɛ, na ye wora offili w’adɔeɛ bɔ ayɔ ama ehiafoɛ ɔ.

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

Asomafoɛ 8:21

Yɛ dwumadie ne ɛbboka so, yeɛ elle kyɛfa biala koso wɔ nu, ɔnate kyɛ wɔ nzusuleɛ ndengyɛ wɔ Nyameɛ nyunu.