Nehemia 2:19 - AHYERƐLƐ KRONGRON

¹⁹ Nakoso Horonniɛ Sanbalate, Amonniɛ Tobia bɔ ɔte somvoɛ ne, yeɛ Araboniɛ Gesem bɛtele bɔ ɔkɔ so nen, bɛserele yɛ bɛgorole yɛ nwo kyɛ, “Na nzikyɛ yeɛ ɛmɔkyire ye? Ɛmɔyɛ Nana nwo lɔen anaa?”

Nehemia 2:19 Iomraidhean Croise

Nehemia 13:28

Ɔsɔfo panyi paa Eliasibo, ɔwa Yehoada, ye mma mmienzua nemɔ anu ko bɔ né ogya Horonniɛ Sanbalate ɔwa brasua ne, mvoane ye mvili me nyunu maa ɔhɔle.

Nehemia 2:10

Nakoso Horonniɛ Sanbalate ne Amonniɛ Tobia bɔ ɔte somvoɛ ne, bɛtele bɔ ɔkɔ so ne, ɔyɛle bɛ yea paa kyɛ ebie awa bɔ ɔbaapena Yisraelfoɛ bɛ yeeyɛlɛ ɔ.

Nehemia 4:1

Mmerɛ bɔ Sanbalate tele kyɛ yɛsi fasue ne, ye ahone huli, na ɔfɛle yaa paa. Ɔhane Yudafoɛ nemɔ anyinga,

Nehemia 6:6

Krataa ne anu dwirɛ ole kyɛ, “Bɛkekã ye wɔ maen maen so, na Gesem koso wafa wato so, kyɛ ɛne Yudafoɛ ɛmɔbɔ porɛ kyɛ ɛmɔkɔyɛ lɔen. Ye sɔ ti yeɛ esi fasue nen. Amaneɛ bɔ baabɔ yɛ ne kyire kyɛ ɛpena kyɛ ɛyɛ bɛ so hene.

Nehemia 6:9

Ofikyɛ né bɛ mukoraa bɛpena kyɛ benwunanwuna yɛ. Bɛdwene kyɛ, “Bɛkɔpa aba wɔ adwuma ne anwo, na bɛkɔyakyi ye yɔlɛ.” (Na mmɔle mbaeɛ kyɛ,) “Ao Nyameɛ, mesrɛ wɔ, ma me hue yɛ se.”

YOB NWOMAA NE 30:1

“Afei de, me sa nu ngwadaa mmaa mmaa yeɛ bɛgoro me nwo ɔ, na bɛ se mɔ po, ahaa né mebu bɛ kyɛ bɛmvata kyɛ bɛ ne ngyea bɔ bɛnea me mmoaen so ɔ bɛbɔ nu bɛyɔ adwuma ɔ.

Edwein 123:4

Mmenia bɔ bɛ nwo atɔ bɛ ne, bagoro yɛ kra nwo maa wafono yɛ, yeɛ anwomasoɛfoɛ bagua yɛ kra nyunu ase maa wafono yɛ.

Edwein 79:4

Yayɛ ngorohoɛ nikyee wɔ yɛ mmango mɔ nye so, bɛ bɔ bapɛ yɛ nwo bayia ne, bɛsere yɛ bɛkã yɛ anyinga.

Edwein 80:6

Maen maen bɔ bapɛ yɛ nwo bayia ne, amaa bedi yɛ nwo apereapereɛ, na yɛ pɔfoɛ mɔ bɛsere yɛ.

Edwein 80:7

Ao Asafo Nyameɛ, maa yɛsa yɛbra wɔ berɛ; te wɔ nyunu kyire yɛ, amaa ɔnate so yanya ngoa.

Yesaya 36:5

Ɛnwa nzɛ bɛ noa mbaen yeɛ bɛfa bɛko koɛ ɔ? Nwa yeɛ afa wɔ nwo ato ye so bɔ yiti ayɛ me nwo lɔen e?

Yeremia 20:8

Ofikyɛ mmerɛ biala medwudwo a, odi kyɛ metea nu, metea nu kyɛ, “Basabasayɔlɛ ne Ɛsɛkyelɛ oo!” Ɔnate AWURADE dwirɛ ti, me nyunu gua ase, na bɛsere me daa biala.

Yeremia 41:10

Yeɛ Yismael hyele ɛhemɔ nnure: mmenia ngaa bɔ baha Misepa ne amukoraa, ɛhene mma mmrasua, yeɛ mmenia ngaa amukoraa bɔ baha Misepa bɔ awɛmvoɛ nemɔ aso safohene Nebusaradan wafa bɛ wawura Ahikam awa Gedalia sa ne. Netania awa Yismael hyele bɛ nnure, na osili nu kyɛ ɔfa bɛ kɔ Amonfoɛ mɔ dɔ.

Mateo 9:24

osele kyɛ, “Ɛ́mɔma me ate, ofikyɛ abaayaa ne owwuli, na mmom walafe.” Na bɛserele ye.

Marko 5:40

Na Bɛserele ye. Nakoso ɔmane bɛ mukoraa befitele, na ɔfale akwadaa ne baba ne ye maame ne bɛ bɔ bɛboka ye so ne ɔne bɛ hɔle nekaa bɔ akwadaa ne la ne.

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Yohane 19:12

Na ofi sɔ mmerɛ ne, Pilato penane atee bɔ ɔkɔfa so kɔyakyi ye ɔ, nakoso Yudafoɛ nemɔ teateane nu kyɛ, “Sɛ ɛyakyi sɔ akoaa he a, ye de nna wɔ damvo ole Kaesare; na ebiala bɔ ɔyɛ ye nwo ɛhene ne, ɔko tia Kaesare.”

Asomafoɛ 24:5

Yanwu kyɛ sɔ akoaa he te busueniɛ bɔ ɔbɔ maen ɔ. Ɔfa manzoen toto Yudafoɛ amukoraa bɔ bɛwɔ ewiase amukoraa b’afia, na ye yeɛ ɔte Nasarɛtefoɛ fekue ne aso panyi ɔ.

Hebrifoɛ 11:36

Beguale ebiemɔ nyunu ase, na besa befini bɛ mbire, yeɛ ebiemɔ wora bɛbɔle bɛ panwu bɛfale bɛ beguale kuku nu.