Nehemia 2:18 - AHYERƐLƐ KRONGRON

¹⁸ Ngane kyɛbɔ me Nyameɛ walo me wagyina me si, ɔne edwirɛ bɔ Nana Atasɛsɛse wahã wahyire mene ngyirele bɛ. Na bɛhane kyɛ, “Ɛ́mɔma yɛdwɔso yɛsi!” Yiti bɛfale bɛ nwo belele sɔ adwuma paa ne anu.

Nehemia 2:18 Iomraidhean Croise

2 Samuel 2:7

Yiti ɛ́mɔgyina pindinn ná ɛ́mɔmia ɛmɔ nye; ofikyɛ ɛmɔ mene Sɔɔlo awu, na Yuda awuro ama bapopa me ngoo bafa me bali bɛ so hene.”

1 Aberɛso Dwirɛ 11:10

Dawide koɛhonɛfoɛ ne, bɛ nu atitire mɔ ɛhe. Bɛ ne Yisrael amukoraa begyinane ye si pindinn wɔ ye ahennie nu, kyɛ bɛmaa odi hene, kyɛbɔ AWURADE dwirɛ bɔ ɔhã fale Yisrael nwo ne, ɔte ne ala.

1 Aberɛso Dwirɛ 19:13

Gyina pindinn. Na ɔnate yɛ maen, ɔne yɛ Nyameɛ nguro nemɔ ati, ɛ́mɔma yɛhyire yɛ bienzua. Mesrɛ kyɛ AWURADE ɔyɔ bɔ okuro ɔ.”

2 Aberɛso Dwirɛ 32:5

Hesekia hyɛle ye bo yɔle adwuma serɛ, na fasue bɔ né wabu wagua ase ne, besili ye mukoraa, na osisili abandenden siesiele so. Osili fasue bieku wɔ ye si. Sua bɔ bɛfrɛ ye Milo bɔ ɔwɔ Dawide kuro berɛ ne, ɔyɔle ye yé, na ɔyɔle akodeɛ ne akokyɛm pee.

Ɛsra 6:22

Bele anigye belili Paanoo Kabrɛdi aluolue ne ɛlɛsoo. Bɛ nye gyele, ofikyɛ né AWURADE ama Asiria hene anwu bɛ anwumvoin, bɔ ɔnate so ɔbokale bɛ wɔ Nyameɛ, Yisrael Nyameɛ ne, ye awuro ne silɛ nu ɔ.

Nehemia 2:8

Afei, Nana, kyerɛ krataa maa ngɔma Asafe bɔ ɔnea wɔ ɛhɔayeɛ ne aso ne, kyɛ ɔma me mmakaa maa mva nyɔ asɔneyɛɛ sua abandenden pambim mbuna nemɔ, kuro berɛ fasue pambim nemɔ ɔne awuro bɔ mekwaatena nu ne anoa nemɔ.” Na nningyein bɔ nzrɛle ne, Nana Atasɛsɛse fa mane me, ofikyɛ né me Nyameɛ bɔ ɔdo sona ne, né ogyi me si.

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

1 Samuel 23:16

Yeɛ Sɔɔlo awa Yonatan sili nu hɔle Dawide berɛ wɔ Horese, na ɔkyekyele Dawide wora kyɛ Nyameɛ kɔbɔ ye nwo waen.