Nehemia 2:17 - AHYERƐLƐ KRONGRON

¹⁷ Yeɛ nga ngyirele bɛ kyɛ, “Ɛmɔanwu edwirɛ bɔ wato yɛ ye: kyɛbɔ Yerusalem wakakyi kurofoen, bɔ ye pambim nemɔ koso bato nu see ɔ. Ɛ́mɔdwɔso maa yɛsa yɛkyekye Yerusalem fasue ne, amaa yɛ nyunu wangɔ so wangua ase.”

Nehemia 2:17 Iomraidhean Croise

Ɛsra 9:9

Ɔwɔ nu kyɛ yayɛ nganga de, nakoso yɛ Nyameɛ anye ye sa wamvi yɛ bo wɔ yɛ ngangayɛlɛ ne anu. Mmom, wama Pɛsia ahemvo banwu yɛ anwumvoin. Na ɔnate so bama yɛ ate kyɛ yɛsa yɛsi yɛ Nyameɛ awuro ne, kyɛ yɛhyehyɛ ye nekaa bɔ wabubu ne, na wabɔ yɛ nwo waen wɔ Yuda ne Yerusalem.

Nehemia 1:3

Na bɛbɔle me amaneɛ kyɛ, “Mmenia bɔ bangye bɛ nnure bangɔ bie, ná bɛwɔ maen ne anu ne, amaneɛ ne animguaseɛ kandinga paa ato bɛ. Pɔfoɛ nemɔ babubu Yerusalem fasue ne bagua, yeɛ ye pambim nemɔ koso bato nu see bayera bɛ.”

Nehemia 2:13

Nzili nu kɔngɔen mvale Bɔnza Pambim ne anu ndrale Sasrabɔnzam mbombonzue ne anwo ngɔle Fofoɛ Pambim ne anwo, na ngɔneane Yerusalem fasue mɔ bɔ badwiri bɛ bagua ase, ɔne ye pambim mɔ bɔ bafa see bayerayera bɛ nemɔ.

Nehemia 2:16

Né mbanyi nemɔ, bɛnze nekaa bɔ ngɔle ɔ, yeɛ bɛnze nikyee bɔ ngɔnyɔle ɔ. Yudafoɛ, asɔfo nemɔ, atitirefoɛ nemɔ, mbanyi nemɔ, bɛ ne mmenia ngaa nemɔ bɔ odi kyɛ bɛyɔ adwuma ne, né nya mmɔle bɛ amaneɛ.

Nehemia 3:15

Na Salum bɔ ye baba ole Misepa manzini amrado Kolhose ne, ɔyɔle Mbombonzue Pambim ne, osa sili, ɔkatale so, na otuatuale ye anoa nemɔ, na bɛfale mberɛgoo bemiamiane mmuralɛ bɔ ɔbrambram ye si ne anu. Na Sela Ɛkwaa fasue bɔ ɔwɔ Nana ye turo ne anu ne, osili alaa oodwuli atweleɛ bɔ ɔtoro kɔ Dawide kuro ne anu nwo.

Edwein 102:15

Maen maen mɔ bekosuro wɔ dumaa ne, na aseɛ so ahemvo amukoraa bekosuro w’animnyam ne.

Edwein 44:13

Amaa yɛ mmango mɔ bɛkã yɛ anyinga, na maen maen bɔ bapɛ yɛ nwo bayia ne, amaa bɛsere yɛ bɛgoro yɛ nwo.

Edwein 44:14

Amaa yakakyi ngorohoɛ dwirɛ wɔ maen maen mɔ bɛ noa nu, bɛ bɔ bapɛ yɛ nwo bayia ne, ɛmaa besobi bɛ noa begua yɛ so.

Edwein 79:12

Ao AWURADE, ngorohoɛ bɔ maen maen bɔ bapɛ yɛ nwo bayia bɛgoro wɔ nwo ne, tua bɛ so kerɛ pɛen nzoo.

Edwein 79:4

Yayɛ ngorohoɛ nikyee wɔ yɛ mmango mɔ nye so, bɛ bɔ bapɛ yɛ nwo bayia ne, bɛsere yɛ bɛkã yɛ anyinga.

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Awuye 2:2

AWURADE asɛkye Yakob atenaleɛ amukoraa, na wannwu bɛ anwumvoin. Ye yaafɛlɛ nu, wadwiri Yuda awa brasua n’anwoserɛ afealeɛ mɔ wagua ase. Wahã bɛ wagua ase, wagua ahennie ne, ɔne nu mbanyi mɔ nwo fiɛ.

Awuye 3:51

Me nye ma me wora bɔ, ɔnate me kuro mma mmrasua amukoraa bɛ ti.

Hesekiel 5:14

Afei koso, ngɔbɔ wɔ tɔɔ, yeɛ ngogua wɔ nyunu ase wɔ maen maen bɔ bapɛ wɔ nwo bayia nemɔ anu, ɔne ebiala bɔ ɔpɛ nu kɔ ɔ ye nyunu.

Mika 7:11

Kyẽa bɔ odi kyɛ besi wɔ fasue nemɔ nen, sɔ kyẽa ne yeɛ bɛkɔtrɛ ɛwɛen ne anu bɛkɔhɔ dedeede ɔ.

1 Samuel 11:2

Nakoso Amonniɛ Nahase buale bɛ kyɛ, “Sɛ ngɔpene so kyɛ me ne ɛmɔ kɔyɛ apam a, sana metu ebiala nye famaa ne, maa ɔyɛ animguaseɛ ka Yisrael amukoraati.”