Nehemia 2:13 - AHYERƐLƐ KRONGRON

¹³ Nzili nu kɔngɔen mvale Bɔnza Pambim ne anu ndrale Sasrabɔnzam mbombonzue ne anwo ngɔle Fofoɛ Pambim ne anwo, na ngɔneane Yerusalem fasue mɔ bɔ badwiri bɛ bagua ase, ɔne ye pambim mɔ bɔ bafa see bayerayera bɛ nemɔ.

Nehemia 2:13 Iomraidhean Croise

2 Aberɛso Dwirɛ 26:9

Afei koso, Yusia sisili abandenden wɔ Ndweasoɛ Pambim ne aso, Bɔnza nu Pambim ne aso, yeɛ Ndweasoɛ ne aso wɔ Yerusalem, na ɔbrambramone bɛ si.

Nehemia 1:3

Na bɛbɔle me amaneɛ kyɛ, “Mmenia bɔ bangye bɛ nnure bangɔ bie, ná bɛwɔ maen ne anu ne, amaneɛ ne animguaseɛ kandinga paa ato bɛ. Pɔfoɛ nemɔ babubu Yerusalem fasue ne bagua, yeɛ ye pambim nemɔ koso bato nu see bayera bɛ.”

Nehemia 12:31

Afei mmane Yuda mbanyi beegyinagyinane fasue ne aso, na nduli edweintolɛfoɛ kure mbiri nyɔ maa bɛtole sandene bɛtole ayɛyelɛ dwein. Kure ko fale fasue ne aso famaa so, na ɔfale ye nye hyirele Fofoɛ Pambim ne.

Nehemia 2:12

Ɛhe asi ye, ndwɔsole kɔngɔen. Né mmenia kãa bie yeɛ bɛboka me so ɔ. Na nikyee bɔ Nyameɛ akanyane me kyɛ nyɔ ma Yerusalem ne, mangã mangyire ebiala. Né kaka biala ɔbboka me so, sana kaka bɔ nde ye so ne ala.

Nehemia 2:15

Yiti mvo mvale bɔnza ne anwo kɔngɔen ngɔneaneane fasue ne. Afei ngakyili me nwo mmamvale Bɔnza Pambim ne anu, na nzale me si.

Nehemia 2:17

Yeɛ nga ngyirele bɛ kyɛ, “Ɛmɔanwu edwirɛ bɔ wato yɛ ye: kyɛbɔ Yerusalem wakakyi kurofoen, bɔ ye pambim nemɔ koso bato nu see ɔ. Ɛ́mɔdwɔso maa yɛsa yɛkyekye Yerusalem fasue ne, amaa yɛ nyunu wangɔ so wangua ase.”

Nehemia 2:3

Na nzele Nana kyɛ, “Nana, wɔ ngoa so oo! Ɔkɔyɛ sɛɛ bɔ me wora ngɔbɔ ɔ, wɔ aberɛ bɔ kuro bɔ me nana mɔ asieleɛ wɔ so ne, wabɔ bɔ bafa see bayera ye pambim mɔ ɔ?”

Yeremia 5:10

“Ɛ́mɔfo bɛhɔ ye bobe boo nemɔ anu bɛɛsɛkye bɛ, nakoso nnɛma ɛmɔsɛkye ye mukoraa bɔkɔɔ; ɛ́mɔpomba ye maen nemɔ, ofikyɛ nna AWURADE deɛ ɔ.