Nehemia 13:9 - AHYERƐLƐ KRONGRON

⁹ Afei nhyɛle maa bɛpetene sua nemɔ anu, na mmaa bɛfale Nyameɛ awuro ngukue nemɔ ne aburoo afɔleɛ ne, ɔne ɛyɛɛ ne besa beeguale sua nemɔ anu.

Nehemia 13:9 Iomraidhean Croise

2 Aberɛso Dwirɛ 29:5

Na osele bɛ kyɛ, “Lewifoɛ, ɛ́mɔtie me! Ɛ́mɔpete ɛmɔ anwo, ɛ́mɔpete AWURADE ɛmɔ nana mɔ Nyameɛ awuro ne anwo, ná ɛ́mɔyeye akyiwadeɛ nningyein ne béfi nekaa krongron berɛ.

Nehemia 10:37

Yɛkɔfa ɛhemɔ yɛkɔbrɛ asɔfo nemɔ maa bɛkɔfa bekogua Nyameɛ awuro berɛ pumbu nemɔ anu: yɛ mɔle nu paa paa ne, y’akyɛdeɛ mɔ, bakaa biala so mmaa, nzaa ne ngoo. Yɛ fieso aleɛ wora, yɛkɔfa buru nu ngyɛmuɛ ko yɛkɔbrɛ Lewifoɛ nemɔ, ofikyɛ Lewifoɛ yeɛ odi kyɛ bede buru nu ngyɛmuɛ ko ne befi yɛ nguraa nemɔ amukoraa nu ɔ.

Nehemia 12:45

Bɛyɔle bɛ Nyameɛ solɛ adwuma ne, ɔne bɛ nwo petenɛ sɔnenɛ adwuma ne, kyɛbɔ edweintolɛfoɛ ne awɛmvoɛ nemɔ bɛyɔle ne, kyɛbɔ ahyɛdeɛ bɔ Dawide ne ɔwa Solomon bɛhyɛle ne, ɔte ne ala.

Hesekiel 40:38

Né pumbu bie wɔ berɛ bɔ ye anoa ne ɔwɔ anoa piri mbuna nemɔ anwo, wɔ nekaa bɔ benwunzi naen yeralɛ afɔleɛ nwo ne.