Nehemia 13:4 - AHYERƐLƐ KRONGRON

⁴ Anzana ɛhe baasi ne, ɔsɔfo Eliasibo bɔ bɛyele ye kyɛ ɔnea Nyameɛ awuro sua bɔ bɛfa nningyein besie nu ne aso, bɔ ye nwoniɛ ole Tobia ne,

Nehemia 13:4 Iomraidhean Croise

Nehemia 12:10

Yesua awa ole Yoakim; Yoakim awa ole Eliasibo, Eliasibo awa ole Yowada,

Nehemia 12:44

Sɔ kyẽa ne, sua mɔ bɔ bɛfa akyɛdeɛ nemɔ, fieso aleɛ bɔ bekoli moa bɛkɔfa nemɔ, yeɛ buru nu ngyɛmuɛ ko nemɔ besie nu ne, bɛyele mmenia kyɛ bɛnea so. Mbɔtam berɛ nguro nemɔ, bɛ fieso nningyein kyɛfa bɔ mmeraa ne kyire kyɛ bɛfa bɛma asɔfo ne Lewifoɛ nemɔ ne, né odi kyɛ sɔ mmenia bɔ baye bɛ ne, bɛboaboa ye noa begua nu, ofikyɛ né Yudafoɛ bɛ nye gye asɔfo ne Lewifoɛ b’adwuma bɔ bɛyɔ ne anwo.

Nehemia 13:28

Ɔsɔfo panyi paa Eliasibo, ɔwa Yehoada, ye mma mmienzua nemɔ anu ko bɔ né ogya Horonniɛ Sanbalate ɔwa brasua ne, mvoane ye mvili me nyunu maa ɔhɔle.

Nehemia 2:10

Nakoso Horonniɛ Sanbalate ne Amonniɛ Tobia bɔ ɔte somvoɛ ne, bɛtele bɔ ɔkɔ so ne, ɔyɛle bɛ yea paa kyɛ ebie awa bɔ ɔbaapena Yisraelfoɛ bɛ yeeyɛlɛ ɔ.

Nehemia 3:1

Ɔsɔfo panyi paa Eliasibo ɔne ye mmango asɔfo nemɔ, bɛhyɛle ye bo bɛyɔle adwuma, na besili Mmoaen Pambim ne. Bɛtele Mmoaen Pambim ne anwo bɛyɛle ye krongron, na betuatuale ye anoa nemɔ. Bɛtele ye nwo alaa beedwuli Mmenia Ɛyaa Abandenden ne anwo ɔne Hananel abandenden ne anwo.

Nehemia 6:1

Na Sanbalate, Tobia, Araboniɛ Gesem ne pɔfoɛ ngaa nemɔ bɛtele kyɛ masi fasue ne mayie bɔ tokuro biala ɔnne ye neka fee ɔ (ɔwɔ nu kyɛ ɔbaadwu sɔ kyẽa nen, né nnya nduatuale pambim anoa nemɔ).