Nehemia 13:31 - AHYERƐLƐ KRONGRON

³¹ na mmerɛ bɔ odi kyɛ bɛfa afɔleɛ bɔlɛ eyein ɔne fieso aleɛ bɔ bali moa bafa bɛba ne, nyɛle ye nwo nhyehyɛleɛ ndole berɛ. Ao me Nyameɛ, kaye me maa oyie me yé.

Nehemia 13:31 Iomraidhean Croise

Nehemia 10:34

Afei koso, y’asɔfo, Lewifoɛ ne maen ne, yagua serewa yafa yaye mmerɛ bɔ afoɛ biala anu yɛ nu biala ye abusua kɔfa eyein kɔwa Nyameɛ awuro maa bɛkɔyera ye wɔ AWURADE yɛ Nyameɛ afɔleɛ bokyea ne aso, kyɛbɔ bahyerɛ ye wɔ mmeraa ne anu ne.

Nehemia 10:35

Yale yato yɛ nwo so kyɛ afoɛ noa biala, yɛ fieso aleɛ bɔ yɛkoli moa yɛkɔfa biala, yeɛ aseɛ ne aso bakaa biala, ye mmaa bɔ yɛkoli moa yɛkɔte ne, yɛkɔfa yɛkɔwa AWURADE awuro.

Nehemia 10:38

Na ɔsɔfo ne, bɔ ɔte Aarɔn bosoniɛ ne, sɛ Lewifoɛ nemɔ bede buru nu ngyɛmuɛ ko ne a, odi kyɛ ɔboka bɛ so. Na buru nu ngyɛmuɛ ko ne, odi kyɛ Lewifoɛ nemɔ bɛfa nu buru nu ngyɛmuɛ ko bɛba yɛ Nyameɛ awuro berɛ pumbu mɔ bɔ bɛfa nningyein besie nu nemɔ anu.

Nehemia 13:14

Ao me Nyameɛ, kaye me wɔ ɛhe anwo. Me Nyameɛ, me nningyein paa bɔ mayɔ ɔfa wɔ sua ne ɔne nu ɛsɔnenɛ adwuma ne anwo ne, nnɛma wɔ wora fi.

Nehemia 13:22

Na mvale ahyɛdeɛ mmane Lewifoɛ nemɔ kyɛ bɛpete bɛ nwo ná bɛbra bɛɛwɛne pambim nemɔ, amaa ɔnate so bama afofikyẽa ne wayɛ krongron. Ao me Nyameɛ, kaye me wɔ sɔ nikyee he anwo koso, na nwu me anwumvoin, kyɛbɔ wɔ ɔdɔ bɔ onni ngasi ne ye piri te ɔ.

Nehemia 5:19

Ao me Nyameɛ, kaye paa amukoraa bɔ mayɔ mama maen he ɔ.

Edwein 106:4

Ao AWURADE, sɛ ɛdo wɔ maen a, kaye me bie; sɛ ɛpepɛ de bɛ a, de me bie;

Edwein 25:7

Ao AWURADE, ɔnate wɔ paayɛlɛ ne ati, nnɛkaye me ngwadaa nu bɔne, ɔne me mmeraatolɛ; gyina wɔ ɔdɔ bɔ onni ngasi ne aso ná kaye me!

Luka 23:42

Na osele kyɛ, “Yesu, sɛ ɛba w’ahennie nu a, kaye me.”