Nehemia 13:25 - AHYERƐLƐ KRONGRON

²⁵ Na ndwili bɛ nyunu nnomale bɛ, mmole bɛ nu biemɔ ndutuli bɛ ti nwiaa, na mmaa bɛfale Nyameɛ dumaa bɛtale ndaen kyɛ, “Nnɛma ɛmɔfa ɛmɔ mma mmrasua nemɔ bɛma bɛ mma mmienzua nemɔ agyaa, yeɛ nnɛma ɛmɔde bɛ mma mmrasua nemɔ agyaa bɛma ɛmɔ mma mmienzua, yeɛ ɛmɔ bɔbɔ koso nnɛma ɛmɔgyigya bɛ.

Nehemia 13:25 Iomraidhean Croise

2 Ahemvo 2:24

Ɔpɛnene ye nye neane bɛ, na ɔfale AWURADE dumaa payele bɛ. Yeɛ kwabrafo beleɛ nyɔ fili eburo bɛɛtetele mmɛɛmaa nemɔ anu aburanna ne nyɔ nu pasapasa.

Ɛsra 10:5

Yeɛ Ɛsra dwɔsole, na ɔmane asɔfo mbanyi ne Lewifoɛ ne Yisrael amukoraa bɛtale ndaen kyɛ bekoli sɔ dwirɛ ne aso. Na bɛtale ndaen ne.

Ɛsra 7:26

Na sona biala bɔ wanni wɔ Nyameɛ mmeraa ne aso, ɔne me, Nana Atasɛsɛse me mmeraa so ne, ɔsɛ kyɛ bebua ye fɔ bɛtwe ye so ndɛndɛ: kyɛ bekobua ye ewue foɛ oo, anaa bɛkɔpɛ ye asue oo, anaa bekole ye nwo nningyein oo, anaa bɛkɔto ye kuku nu oo.”

Nehemia 13:11

Yiti ngane mbanyi nemɔ anyunu, na mmisale bɛ kyɛ, “Nzu ati yeɛ Nyameɛ awuro berɛ ɛsɔnenɛ adwuma ne, ɛmɔayakyi bagua berɛ ye?” Na mmoaboale Lewifoɛ ne edweintolɛfoɛ nemɔ noa maa besa bɛtoale b’adwuma so.

Nehemia 13:17

Yiti ngane Yuda atitire nemɔ nyunu kyɛ, “Nzikyɛ musue yeɛ ɛmɔbɔ ye? Ɛmɔgua afofikyẽa ne anwo fiɛ?

Nehemia 13:24

Bɛ mma nemɔ, né bɛ bue kã Asedɔde dwudwolɛ. Né bɛnde Yuda dwudwolɛ, na mmom mmenia biemɔ bɛ dwudwolɛ yeɛ né bɛkã ɔ.

Nehemia 5:13

Asa koso, esikaa abɔsoɛ bɔ ɔbɔ m’ataadeɛ ne anu ne, nye mboroporole nu. Na ngane kyɛ, “Ebiala bɔ wanni bɔhyɛ he aso ne, Nyameɛ ole ye sua ne ye agyapadeɛ ofi ye sa nu. Sɔaa yeɛ okole b’agyapadeɛ kofi bɛ sa nu maa bɛkɔbɔ hwea ɔ.” Yeɛ maen ne amukoraa sele kyɛ, “Yɛde yɛto nu”, na bɛyele AWURADE ayɛ. Na maen ne yɛle nikyee biala kyɛbɔ bahyɛ bɔ ne ala.

Nehemia 5:6

Ndele bɛ kwaadu ne sɔ dwirɛ bɔ ɔha bɛ ne, mvɛle yaa paa.

Edwein 119:53

Ɔnate bɔnefoɛ bɔ bɛpo wɔ mmeraa ne ati, m’ahone ahu paa.

Edwein 15:4

Sɔ sona ne, amumuyɛɛfoɛ bɛla ye nye so mbaen, na ɔfa anidie ma bɛ bɔ besuro AWURADE ɔ. Sɛ ɔta ndaen ma ye nwo kyere ye po a, ommu so;

Ɛksadɔso 34:16

Annea a, né agyigya bɛ mmrasua nemɔ bie ama wɔ mma mmienzua nemɔ. Na bɛ mma mmrasua nemɔ bɛbɔ adwaman bedi bɛ bosoen nemɔ asi a, bɛkɔma wɔ mma mmienzua nemɔ koso kɔbɔ adwaman koli bɛ bosoen nemɔ asi bie.

Anyandera 28:4

Bɛ bɔ bɛmva mmeraa bɛnyɛ huu ne, bɛbɔ bɔnefoɛ aba so, nakoso bɛ bɔ bedi mmeraa so ne de, bɛko betia bɔnefoɛ.

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Deuteronomi 6:13

Suro AWURADE wɔ Nyameɛ, ye yeɛ ɔsɛ kyɛ ɛso ye ɔ, na ye dumaa ngome yeɛ fa ta ndaen ɔ.

Deuteronomi 7:3

Nnɛma ɛmɔ ne bɛ begyigya bɛ nwo. Nnɛfa wɔ mma mmrasua ma bɛ mma mmienzua gya, yeɛ nnɛgya bɛ mma mmrasua ma wɔ mma mmienzua.

Yosua 23:12

Ofikyɛ sɛ ɛmɔanni nahorɛ, ná maen maen hemɔ anu mmenia bɔ baha wɔ ɛmɔ nwo wa ye, ɛmɔ ne bɛ bɔ afɛ, ná ɛmɔgyigya bɛ nwo, bɔ ɛmɔgya bɛ mmrasua ma bɛ koso begya ɛmɔ deɛ a,