Nehemia 13:23 - AHYERƐLƐ KRONGRON

²³ Sɔ mmerɛ ne anu, nwuni Yudafoɛ bɔ bagyigya Asedɔde, Amon ne Moabo mmrasua ɔ.

Nehemia 13:23 Iomraidhean Croise

1 Ahemvo 11:1

Nana Solomon hurole maen maen foforɛ mɔ so mmrasua pee bokale Faro awa brasua ne aso. Mmrasua nemɔ te Moabofoɛ, Amonfoɛ, Edomfoɛ, Sidonfoɛ ne Hitifoɛ.

Ɛsra 10:10

Afei ɔsɔfo Ɛsra dwɔso gyinane sele bɛ kyɛ, “Ɛmɔabu mmeraa ne aso, kyɛ ɛmɔagyigya Amaenmaensofoɛ mmrasua ɔ, na ɛmɔnate ɛhe aso bama Yisrael foɛlilɛ ne wayɛ piri paa.

Ɛsra 10:44

Né sɔ mmenia ne amukoraa bagyigya Amaenmaensofoɛ mmrasua, na né bɛ nu biemɔ bɛ ne bɛ bawowo.

Nehemia 10:30

Yɛngɔfa yɛ mma mmrasua ngɔma aseɛ ne aso ama agyaa, yeɛ yɛngɔma yɛ mma mmienzua ngogyigya bɛ mma mmrasua.

Nehemia 10:31

Na aseɛ ne aso ama, sɛ bɛfa bɛ nningyein anaa b’aleɛ biala bɛba kyɛ bɛbayɛ ye atɔen afofikyẽa a, yɛngɔtɔ ngofi bɛ brɛ afofikyẽa anaa kyẽa krongron biala. Afei, afoɛ bɔ ɔtɔ so nzoo ne, yɛngɔyɛ boo wɔ aseɛ ne aso. Afei yɛkɔfa kerɛ biala bɔ ebiala ma yɛ ɔ yɛkɔhyɛ ye.

Nehemia 13:1

Sɔ kyẽa ne, bɛkengale Mose nwomaa ne anu dwirɛ behyirele maen ne. Na benwuni kyɛ bahyerɛ ye wɔ nu kyɛ onni kyɛ Amonniɛ anaa Moaboniɛ biala ɔkɔ Nyameɛ badwa nu le,

Nehemia 13:24

Bɛ mma nemɔ, né bɛ bue kã Asedɔde dwudwolɛ. Né bɛnde Yuda dwudwolɛ, na mmom mmenia biemɔ bɛ dwudwolɛ yeɛ né bɛkã ɔ.

Nehemia 13:27

Aso odi kyɛ yɛtie ɛmɔ dwirɛ ná yɛyɔ sɔ bɔne kandinga he ná yɛgyigya amanvrafoɛ mmrasua yɛfa yɛyɔ yɛ Nyameɛ nwo lɔen anaa?”

Nehemia 4:7

Nakoso Sanbalate ne Tobia yeɛ Arabofoɛ, Amonfoɛ ne Asedɔdefoɛ bɛtele kyɛ Yerusalem fasue ne silɛ ɔkɔ so, ná yahyɛ ye bo yɛtuatua nu ndokuro nen, bɛfɛle yaa paa,

Ɛksadɔso 34:11

Di bɔ ɛnɛ méhyɛ wɔ ne aso. Tie, ngɔfoa Amorifoɛ, Kanaanfoɛ, Hitifoɛ, Perisifoɛ, Hiwifoɛ ne Yebusifoɛ ngofi wɔ nyunu.

2 Korintofoɛ 6:14

Nnɛma ɛmɔfa bɛ nwo bɛbɔ mmenia bɔ benne benni ɔ, ofikyɛ abiɛngoɛfalɛ beni yeɛ ɔla tenenee ne amumuyɛɛ b’afia ɔ? Anaakyɛ abiɛngoɛfalɛ beni yeɛ ɔla kanea ne awosii b’afia ɔ?

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Rutu 1:4

Begyigyale Moabo mmrasua; ko li Ɔpa, yeɛ ko koso li Rutu. Ye si ye, bɛtenane berɛ kɔyɛ afoɛ buru ne,

1 Samuel 5:1

Mmerɛ bɔ Filistifoɛ lele Nyameɛ apam alaka ne fili Yisrael sa nu nen, bɛfa befili Ebenesa bɛhɔle Asedɔde.