Nehemia 13:22 - AHYERƐLƐ KRONGRON

²² Na mvale ahyɛdeɛ mmane Lewifoɛ nemɔ kyɛ bɛpete bɛ nwo ná bɛbra bɛɛwɛne pambim nemɔ, amaa ɔnate so bama afofikyẽa ne wayɛ krongron. Ao me Nyameɛ, kaye me wɔ sɔ nikyee he anwo koso, na nwu me anwumvoin, kyɛbɔ wɔ ɔdɔ bɔ onni ngasi ne ye piri te ɔ.

Nehemia 13:22 Iomraidhean Croise

2 Ahemvo 20:3

“Ao AWURADE, kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ wɔ wɔ nyunu ne, mesrɛ wɔ, fa wɔ nye to.” Na Hesekia suni hahii.

2 Ahemvo 23:4

Nana Yosia fale ahyɛdeɛ mane ɔsɔfo panyi Hilkia, asɔfo bɔ belili so nemɔ, yeɛ afei fotoɛ so neafoɛ nemɔ kyɛ bɛnea AWURADE asɔneyɛɛ sua ne anu bɛyeye nningyein hemɔ befite: ngukue amukoraa bɔ bɛfa bɛsɔne Baal, bɔ bɛfa bɛsɔne Asera ɔne bɔ bɛfa bɛsɔne ewienu abɔdeɛ pembepembe amukoraa ne. Ɔyerale bɛ wɔ Yerusalem kuro ne asi dɔ wɔ Kidron mvofoen ne anu dɔ, na ɔsesale bɛ nzoen hɔle Betel.

2 Aberɛso Dwirɛ 29:24

Asɔfo nemɔ huhuni bɛ, na bɛfale bɛ mogya bɛbɔle bɔne nwo afɔleɛ wɔ afɔleɛ bokyea ne aso; bɛfa bɛyɛle mbata bɛmane Yisrael amukoraa. Ofikyɛ Nana Hesekia hyɛle kyɛ odi kyɛ bɛbɔ naen yeralɛ afɔleɛ ne bɔne nwo afɔleɛ bɛma Yisrael amukoraa.

2 Aberɛso Dwirɛ 29:27

Na Nana Hesekia fale ahyɛdeɛ mane bɛ kyɛ bɛbɔ naen yeralɛ afɔleɛ ne wɔ afɔleɛ bokyea ne aso. Bɛhyɛle naen yeralɛ afɔleɛ ne bɔlɛ ne abo nen, bɛhyɛle ye bo behuli totorobɛndo bɛbɔle Yisrael hene Dawide edweintolɛ nningyein ne bɛtole dwein bɛfa bɛyele AWURADE ayɛ.

2 Aberɛso Dwirɛ 29:30

Nana Hesekia ne ye mbanyi nemɔ, bɛfale ahyɛdeɛ mane Lewifoɛ ne kyɛ, edwein bɔ Dawide ne Asafe bɔ ɔse ase ne bahyehyɛ bato berɛ ne, bɛ́to bɛ́ye AWURADE ayɛ’.” Bele anigye bɛtole ayɛyelɛ dwein, na bɛbɔle bɛ nu ase bɛsɔnene Nyameɛ.

Nehemia 12:10

Yesua awa ole Yoakim; Yoakim awa ole Eliasibo, Eliasibo awa ole Yowada,

Nehemia 12:30

Na asɔfo nemɔ ne Lewifoɛ petene bɛ bɔbɔ bɛ nwo, na bɛpetene mmenia ne, pambim nemɔ, ɔne fasue ne anwo.

Nehemia 13:14

Ao me Nyameɛ, kaye me wɔ ɛhe anwo. Me Nyameɛ, me nningyein paa bɔ mayɔ ɔfa wɔ sua ne ɔne nu ɛsɔnenɛ adwuma ne anwo ne, nnɛma wɔ wora fi.

Nehemia 13:31

na mmerɛ bɔ odi kyɛ bɛfa afɔleɛ bɔlɛ eyein ɔne fieso aleɛ bɔ bali moa bafa bɛba ne, nyɛle ye nwo nhyehyɛleɛ ndole berɛ. Ao me Nyameɛ, kaye me maa oyie me yé.

Nehemia 5:19

Ao me Nyameɛ, kaye paa amukoraa bɔ mayɔ mama maen he ɔ.

Edwein 130:7

Ao Yisrael, fa wɔ wora wura AWURADE nu! Ofikyɛ AWURADE yeɛ ole ɔdɔ bɔ onni ngasi ɔ, na ye yeɛ ɔpepɛ de sona mmorosoɛ ɔ.

Edwein 5:7

Nakoso, ɔnate wɔ ɔdɔ bɔ onni ngasi ne ati, ngɔwa w’awuro; ɔnate kyɛ mesuro wɔ ne ati, ngɔfa me nye ngohyire w’asɔneyɛɛ sua krongron ne ngɔsɔne wɔ.

Edwein 51:1

Ao Nyameɛ, gyina wɔ ɔdɔ bɔ onni ngasi ne aso ná nwu me anwumvoin, gyina w’anwumvoinnwunɛ kandinga ne aso, ná kyikyi me mmeraatolɛ.

Yesaya 38:3

“Ao AWURADE, mesrɛ wɔ ala, fa wɔ nye to kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ ɔ wɔ wɔ nyunu ne.” Na Hesekia suni hahii.

Yesaya 49:23

Ahemvo mɔ, bɛkɔyɛ wɔ baba mɔ bɔ bɛtete wɔ ɔ, yeɛ bɛ hemmaa mɔ kɔyɛ wɔ maame mɔ bɔ bɛma wɔ nyɔfone ɔ. Bɛkɔfa bɛ nyunu bekobutu ase bekobu ndwerɛ wɔ wɔ nyunu, ná batafe wɔ gya bo mvuture. Na afei ekonwu kyɛ me ole AWURADE, na bɛ bɔ bɛfa bɛ nye bɛto me so ne, bɛ nyunu ngogua ase.”

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

Deuteronomi 5:12

“ ‘Di afofikyẽa ne, ná yɛ ye krongron, kyɛbɔ AWURADE wɔ Nyameɛ ahyɛ wɔ ne.