Nehemia 13:18 - AHYERƐLƐ KRONGRON

¹⁸ Aso nna sɔ yeɛ ɛmɔ nana mɔ bɛyɔle ɔ, bɔ ɔnate so yɛ Nyameɛ ɔpraprale musue he amukoraa oguale yɛ ne kuro he aso ɔ’?” Nakoso ɛmɔtɛgua afofikyẽa ne anwo fiɛ maa ɔnate so Nyameɛ ɔtɛfɛ Yisrael so yaa.

Nehemia 13:18 Iomraidhean Croise

Nehemia 10:32

Afei koso, yɛde yɛto yɛ nwo so kyɛ, afoɛ biala yɛ nu biala kotua ɛtoɔ sekel ko nu ngyɛmuɛ nza maa bɛkɔfa bɛkɔyɛ Nyameɛ awuro berɛ ɛsɔnenɛ adwuma hemɔ:

Ɛksadɔso 31:12

Na AWURADE sele Mose kyɛ,

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Yeremia 44:22

AWURADE wangora wammu ye nye wangua ɛmɔ bɔne yɔleɛ, ɔne akyiwadeɛ bɔ ɛmɔyɔle ne aso. Yiti ɛmɔ maen akakyi kurofoen, anwodwiri nikye ɔne ɛnomalɛ nikye bɔ sona fee ɔtte so ɔ, kyɛbɔ ɔte ɛnɛ ye.

Yeremia 44:23

Ɔnate kyɛ ɛmɔayera ɛyɛɛ, ɔne kyɛ ɛmɔayɔ bɔne batia AWURADE, ná ɛmɔandie AWURADE noa dwirɛ, yeɛ ɛmɔanni ye mmeraa, ye ahyɛdeɛ ne ye nhyehyɛleɛ so ne ati, yeɛ sɔ amaneɛ he wato ɛmɔ kyɛbɔ ɔte ɛnɛ ye.”

Yeremia 44:9

Aso ɛmɔ wora afi ɛmɔ nana mɔ bɛ bɔne, Yuda ahemvo mɔ bɛ bɔne, bɛ ye mɔ bɛ bɔne, ɛmɔ bɔbɔ ɛmɔ bɔne, yeɛ ɛmɔ aye mɔ bɔne bɔ bayɔ ye wɔ Yuda aseɛ so, ɔne Yerusalem mmorɔnoɛ so ne?

Hesekiel 23:26

Bɛkɔpa wɔ nwo tena, ná basesa wɔ mbembenanneɛ nyemenenyemene ne koso bahɔ.

Hesekiel 23:8

Ye gyandera bra bɔ ɔbɔle fili mmerɛ bɔ né ɔwɔ Misraim ne, wanyakyi; ofikyɛ ofi ye mmaayaa nu yeɛ mmienzua ne ye bala basosɔ ye ababunu nyɔfone nu, ná bɛ ne ye babɔ adwaman ɔ.

Lewitikɔso 26:18

Na sɛ ɛhe amukoraa si ye po, ɛmɔanyɛ sotie bamma me a, ɔnate ɛmɔ bɔne ti, ngɔhɔ so ngɔhwe ɛmɔ so mmɔhoɛ nzoo.

Lewitikɔso 26:28

ye de nne ɛyaa piri ngodwɔso ngotia ɛmɔ, na ɔnate ɛmɔ bɔne ti, me bɔbɔ ngɔhwe ɛmɔ so pɛen nzoo.

Amose 8:5

ná ɛmɔkã kyɛ, “Kyinzu yeɛ ɛsraen foforɛ ne kɔpɛ nu maa yɛkɔtɔne aburoo ɔ; yeɛ mmerɛ beni yeɛ afofikyẽa ne kɔpɛ nu kɔhɔ, maa yɛkobukyebukye atokoɔ pata anoa nemɔ ɔ? Yɛkosi olonka ne abo, ná yama sekel ne ayɛ piri, ná yafa tonyi bɔ bawura nu ɔ yasisi mmenia ɔ.

Numeri 32:14

Afei ɛmɔ, bɔnefoɛ boso ama, ɛmɔasi ɛmɔ nana mɔ gya nu, ɛmɔahɔ so bahu AWURADE ahone maa wafɛ Yisrael so yaa piri paa.