Nehemia 13:15 - AHYERƐLƐ KRONGRON

¹⁵ Sɔ mmerɛ ne, nwuni ye wɔ Yuda kyɛ mmenia betwi nzaa, yeɛ afei bɛsoa aburoo bɛteta afunum mɔ si afofikyẽa. Sɔ ala yeɛ né bɛfa nzaa, bobe, borɔdoma ne nningyein ahoroɔ bɛsoa ngaka nemɔ bɛba Yerusalem afofikyẽa ɔ, na mmɔle bɛ kɔkɔ kyɛ nnɛmaa bɛtɔne nningyein afofikyẽa.

Nehemia 13:15 Iomraidhean Croise

2 Aberɛso Dwirɛ 24:19

Nakoso AWURADE somane ngɔmhyɛlɛfoɛ maa besele bɛ kyɛ besa bɛbra ye berɛ. Bɛbɔle Yudafoɛ kɔkɔ, nakoso bandɛ so.

Nehemia 10:31

Na aseɛ ne aso ama, sɛ bɛfa bɛ nningyein anaa b’aleɛ biala bɛba kyɛ bɛbayɛ ye atɔen afofikyẽa a, yɛngɔtɔ ngofi bɛ brɛ afofikyẽa anaa kyẽa krongron biala. Afei, afoɛ bɔ ɔtɔ so nzoo ne, yɛngɔyɛ boo wɔ aseɛ ne aso. Afei yɛkɔfa kerɛ biala bɔ ebiala ma yɛ ɔ yɛkɔhyɛ ye.

Nehemia 10:32

Afei koso, yɛde yɛto yɛ nwo so kyɛ, afoɛ biala yɛ nu biala kotua ɛtoɔ sekel ko nu ngyɛmuɛ nza maa bɛkɔfa bɛkɔyɛ Nyameɛ awuro berɛ ɛsɔnenɛ adwuma hemɔ:

Nehemia 13:16

Tirofoɛ bɔ ne bɛte kuro ne aso ne, bɛ koso bɛfale tiré ne dwaa nningyein ahoroɔ bɛɛtɔnene bɛ afofikyẽa bɛmane Yudafoɛ wɔ Yerusalem.

Nehemia 13:21

Na mmɔle bɛ kɔkɔ mmisale bɛ kyɛ, “Nzi ati yeɛ ɛmɔda fasue ne asi maa aleɛ kye ɔ’? Sɛ ɛmɔyɔ sɔ bieku a, ngɔhye ɛmɔ.” Ofi sɔ mmerɛ ne, bamma afofikyẽa ko.

Nehemia 9:29

Na ɛbɔle bɛ kɔkɔ bɔ ɔnate so bekosa bekooli wɔ mmeraa ne aso ɔ. Nakoso bɛyɛle anwomasoɛ, yeɛ banni wɔ mmeraa dwirɛ so, na mmom wɔ nhyehyɛleɛ bɔ sona di so a onya ngoa ne, bɛyɔle bɔne bebuli so. Bɛpemone b’awaen beguale wɔ so, bɛsoale bɛ kɔm so kyeinn, na bandie wɔ dwirɛ.

YOB NWOMAA NE 39:12

Aso ede ye di kyɛ okosa kɔwa, kyɛ ɔkɔfa w’aburoo ne kɔwa nekaa bɔ bɛboro aburoo ɔ?

Edwein 50:7

“Ao me maen, tie na mebaadwudwo. Ao Yisrael, ngɔbɔ wɔ kwaadu. Me ole Nyameɛ, wɔ Nyameɛ.

Ɛksadɔso 31:12

Na AWURADE sele Mose kyɛ,

Ɛksadɔso 31:16

Yiti ɔsɛ kyɛ Yisraelfoɛ di afofikyẽa ne aso, beli so wɔ b’aworɛ ndoatoasoɛ amukoraa nu, kyɛ ɔte apam afebɔɔ.

Ɛksadɔso 34:21

“Fa elesia yɔ adwuma, nakoso kyẽa bɔ ɔtɔ so nzoo ne de, de wɔ nwome; sɛ eboosonɛ anaa mmakaammaa telɛ mmerɛ po a, de wɔ nwome.

Ɛksadɔso 35:2

Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte afofikyẽa krongron ma ɛmɔ, ɔte nwomelelɛ kyẽa bɔkɔɔ ma AWURADE. Na ebiala bɔ ɔkɔyɔ adwuma sɔ kyẽa nen, ɔsɛ kyɛ beku ye.

Anyandera 28:4

Bɛ bɔ bɛmva mmeraa bɛnyɛ huu ne, bɛbɔ bɔnefoɛ aba so, nakoso bɛ bɔ bedi mmeraa so ne de, bɛko betia bɔnefoɛ.

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Yeremia 17:24

“ ‘Nakoso AWURADE nwa nyoo: Sɛ ɛmɔtie me dwirɛ nahorɛ nu, ná ɛmɔamva nningyein bamva kuro ye pambim nemɔ anu banwura nu afofikyẽa, na mmom ɛmɔsie afofikyẽa ne krongron, ná ɛmɔanyɔ adwuma biala sɔ kyẽa ne a,

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Yeremia 42:19

Ɛmɔ, Yudafoɛ bɔ ɛmɔaha ɔ, AWURADE ahã ahyire ɛmɔ kyɛ, ‘Nnɛma ɛmɔkɔ Misraim!’ Ɛ́mɔkaye kyɛ ɛnɛ kyẽa ye, mabɔ ɛmɔ kɔkɔ.

Hesekiel 20:13

Nakoso Yisrael awuro ama yɛle me nwo lɔen wɔ ɛserɛ ne aso; banni m’ahyɛdeɛ so, na mmom bɛpole me mmeraa bɔ sɛ sona di so a onya ngoa ne; na beguale m’afofingyẽa nemɔ nwo fiɛ piri paa. “Yeɛ ngane kyɛ: Ngɔma m’ahone kohu bɛ so wɔ ɛserɛ ne aso, ná mahuhu bɛ.

Amose 8:5

ná ɛmɔkã kyɛ, “Kyinzu yeɛ ɛsraen foforɛ ne kɔpɛ nu maa yɛkɔtɔne aburoo ɔ; yeɛ mmerɛ beni yeɛ afofikyẽa ne kɔpɛ nu kɔhɔ, maa yɛkobukyebukye atokoɔ pata anoa nemɔ ɔ? Yɛkosi olonka ne abo, ná yama sekel ne ayɛ piri, ná yafa tonyi bɔ bawura nu ɔ yasisi mmenia ɔ.

Mika 6:3

“Ao me maen, mayɔ wɔ nzu? Nzikyɛ anwo yeɛ mayɛ wɔ so tɔsom ɔ? Bɔ me kwaadu e!

Asomafoɛ 2:40

Na Petro fale edwirɛ tole dwirɛ nwo dwudwole pee, na otuli bɛ foɛ kyɛ, “Ɛ́mɔhwe ɛmɔ nwo béfi ɛnɛmmafoɛ nzɛmmɔnefoɛ hemɔ anwo!”

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Galatiafoɛ 5:3

Na mebɔ kɔkɔ bieku kyɛ, sona biala bɔ ɔkɔmaa bɛkɔpɛ ye bienzua ne, mmeraa ne kyekye ye, na ɔsɛ kyɛ odi ye mukoraa so.

Ɛfesofoɛ 4:17

Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

Deuteronomi 8:19

Na sɛ ɛma wɔ wora fi AWURADE wɔ Nyameɛ, ná ekodi nyameɛ foforɛ biemɔ si, ná ɛso bɛ, ɛsɔne bɛ a, ye de mébɔ wɔ kɔkɔ kitii ɛnɛ kyẽa ye kyɛ, ewue yeɛ ekowu ɔ.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.