Nehemia 13:13 - AHYERƐLƐ KRONGRON

¹³ Na nyele ɛhemɔ kyɛ bɛnea sua bɔ bɛfa nningyein besie nu nemɔ aso: ɔsɔfo Selemia, ahyerɛlɛniɛ Sadoke, yeɛ Lewiniɛ Pedaya. Hanan bɔ ye baba ole Sakure bɔ ye baba ole Matania ne, ɔkɔboka bɛ wɔ sɔ adwuma ne anu, ofikyɛ sɔ mmenia nemɔ, mmenia de bɛ di kyɛ bedi nahorɛ. Na b’adwuma ole kyɛ bɛkɔhyɛ aleɛ ne nningyein bɛkɔma b’eliɛma mɔ ɔ.

Nehemia 13:13 Iomraidhean Croise

2 Ahemvo 12:15

Nakoso mmenia bɔ bɛfale esikaa ne bewurale bɛ sa kyɛ bɛfa betuatua adwumayɔlɛfoɛ ne kerɛ ne, bamma bammu ye nwo ngondaa, ofikyɛ né bedi nahorɛ.

2 Ahemvo 12:16

Foɛlilɛ afɔleɛ, ɔne bɔne nwo afɔleɛ esikaa ne de, bamva bangɔ AWURADE awuro berɛ bie; né ɔte asɔfo nemɔ deɛ.

2 Ahemvo 22:7

Nakoso esikaa bɔ bafa bawura bɛ sa ne, onni kyɛ bɛmaa bebu ye nwo ngondaa, ofikyɛ bedi nahorɛ.”

Nehemia 10:12

Sakure, Serebia, Sebania,

Nehemia 10:38

Na ɔsɔfo ne, bɔ ɔte Aarɔn bosoniɛ ne, sɛ Lewifoɛ nemɔ bede buru nu ngyɛmuɛ ko ne a, odi kyɛ ɔboka bɛ so. Na buru nu ngyɛmuɛ ko ne, odi kyɛ Lewifoɛ nemɔ bɛfa nu buru nu ngyɛmuɛ ko bɛba yɛ Nyameɛ awuro berɛ pumbu mɔ bɔ bɛfa nningyein besie nu nemɔ anu.

Nehemia 11:22

Lewifoɛ bɔ né bɛtete Yerusalem ne, Yusi yeɛ né ɔnea bɛ so ɔ. Ɔse ole Bani bɔ ye baba ole Hasabia bɔ ye baba ole Matania bɔ ye baba ole Mika bɔ ɔte Asafe bosofoɛ edweintolɛfoɛ nemɔ anu ko ne. Asafe bosofoɛ ne, bɛ yeɛ né bɛnea Nyameɛ awuro berɛ adwuma ne aso ɔ.

Nehemia 12:35

yeɛ né asɔfo nemɔ bie behu totorobɛndo: Sakaria bɔ ye baba ole Yonatan bɔ ye baba ole Semaya bɔ ye baba ole Matania bɔ ɔse Mikaya bɔ ye baba ole Sakure bɔ ye baba ole Asafe ne,

Nehemia 12:44

Sɔ kyẽa ne, sua mɔ bɔ bɛfa akyɛdeɛ nemɔ, fieso aleɛ bɔ bekoli moa bɛkɔfa nemɔ, yeɛ buru nu ngyɛmuɛ ko nemɔ besie nu ne, bɛyele mmenia kyɛ bɛnea so. Mbɔtam berɛ nguro nemɔ, bɛ fieso nningyein kyɛfa bɔ mmeraa ne kyire kyɛ bɛfa bɛma asɔfo ne Lewifoɛ nemɔ ne, né odi kyɛ sɔ mmenia bɔ baye bɛ ne, bɛboaboa ye noa begua nu, ofikyɛ né Yudafoɛ bɛ nye gye asɔfo ne Lewifoɛ b’adwuma bɔ bɛyɔ ne anwo.

Nehemia 3:30

Selemia awa Hanania ne Hanun bɔ ɔte Salafe awa bienzua bɔ ɔtɔ so nzia ne, bɛtoale ye deɛ ne aso bɛyɔle fasue ne yé. Berekia awa Mesulam ɔyɔle fasue ne nekaa bɔ ɔwɔ ye pumbu ndendeneɛ so ne yé.

Nehemia 7:2

mvale Yerusalem nwurale nniɛma Hanani ɔne Hanania bɔ ɔnea abandenden ne aso ne, bɛ sa. Ofikyɛ né ɔte nahorɛniɛ bɔ osuro Nyameɛ tra kyɛbɔ mmenia pee besuro Nyameɛ ɔ.

Nehemia 8:4

Yeɛ ahyerɛlɛniɛ Ɛsra gyinane taboa simbini bie bɔ nyianu ne ati bahyɛ da babobɔ ɔ so. Na mmenia hemɔ gyinagyinane ye ngyɛnu: Matitia, Sema, Anaya, Yuria, Hilkia ne Maaseya gyinane ye sa famaa so, yeɛ Pedaya, Misael, Malkiya, Hasum, Hasbadana, Sakaria ne Mesulam koso begyinane ye sa bɛen so.

Luka 12:42

Na Awurade buale kyɛ, “Nwa ole awuro so neafoɛ nahorɛniɛ ne nworɛniɛ ne, bɔ ye mene kɔfa ye awuro berɛ ngoaa mɔ kowura ye sa, kyɛ ɔma bɛ b’aleɛ wɔ mmerɛ bɔ ɔsɛ ɔ nu ɔ?

Asomafoɛ 4:35

bɛbrɛle asomafoɛ ne; na bɛ koso bɛhyɛ bɛmane ebiala nyane bie, kyɛbɔ ohia ɔ.

Asomafoɛ 6:1

Na sɔ mmerɛ ne anu, bɔ né asuafoɛ nemɔ bɛ́kɔ so bɛ́sone pee ne, Helafoɛ nemɔ bɛyɛlɛ nwuhunwuhu betiale Hebrifoɛ nemɔ, ofikyɛ né bebu bɛ nye begua Helafoɛ akunafoɛ mmrasua mɔ so, sɛ ɔba daa biala nningyein hyɛlɛ nu a.

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

1 Korintofoɛ 4:2

Afei koso, bɔ bɛpena ye wɔ somvoɛ mɔ nwo ole kyɛ bekoli nahorɛ ɔ.

1 Timoteo 1:12

Meda y’Awurade Kristo Yesu bɔ wama me anwoserɛ ne ase; ofikyɛ wabu me nahorɛniɛ wafa me wawura ɛsolɛ adwuma ne anu.

1 Timoteo 3:10

Maa beli moa beso bɛ bɛnea koraka, na sɛ edwirɛ biala nne bɛ nwo a, né afei bamaa bayɛ asomvoɛ.