Nehemia 13:1 - AHYERƐLƐ KRONGRON

¹ Sɔ kyẽa ne, bɛkengale Mose nwomaa ne anu dwirɛ behyirele maen ne. Na benwuni kyɛ bahyerɛ ye wɔ nu kyɛ onni kyɛ Amonniɛ anaa Moaboniɛ biala ɔkɔ Nyameɛ badwa nu le,

Nehemia 13:1 Iomraidhean Croise

2 Ahemvo 23:2

Na ɔhɔle AWURADE awuro berɛ. Ɔne mmenia hemɔ yeɛ bɛhɔle ɔ: Yudafoɛ amukoraa, Yerusalemfoɛ amukoraa, asɔfo, ngɔmhyɛlɛfoɛ ne maen ne amu, kwahweabaa mɔ ne atitire mɔ. Na apam nwomaa bɔ benwuni ye wɔ AWURADE awuro berɛ ne, ɔkengale nu dwirɛ amukoraa maa betiele.

Nehemia 13:23

Sɔ mmerɛ ne anu, nwuni Yudafoɛ bɔ bagyigya Asedɔde, Amon ne Moabo mmrasua ɔ.

Nehemia 2:10

Nakoso Horonniɛ Sanbalate ne Amonniɛ Tobia bɔ ɔte somvoɛ ne, bɛtele bɔ ɔkɔ so ne, ɔyɛle bɛ yea paa kyɛ ebie awa bɔ ɔbaapena Yisraelfoɛ bɛ yeeyɛlɛ ɔ.

Nehemia 2:19

Nakoso Horonniɛ Sanbalate, Amonniɛ Tobia bɔ ɔte somvoɛ ne, yeɛ Araboniɛ Gesem bɛtele bɔ ɔkɔ so nen, bɛserele yɛ bɛgorole yɛ nwo kyɛ, “Na nzikyɛ yeɛ ɛmɔkyire ye? Ɛmɔyɛ Nana nwo lɔen anaa?”

Nehemia 4:3

Né Amonniɛ Tobia gyi Sanbalate nwo berɛ, na osele kyɛ, “Nyɔboɛ fasue bɔ besi ye, sɛ safuboa po fo so a, okodwiri kogua ase!”

Nehemia 8:2

Yiti ɔsɔfo Ɛsra fale mmeraa ne wale badwa ne anyunu, wɔ mmienzua ne mmrasua ne ngwadaa amukoraa bɔ bɛte dwirɛ a, bɛkɔhora bɛkɔte ye bo ɔ, bɛ nyunu, wɔ kyẽa bɔ oli moa wɔ bosome bɔ ɔtɔ so nzoo ne anu.

Nehemia 9:3

Bɛhɔle so begyinane bɛ gya so bɛkengale AWURADE bɛ Nyameɛ mmeraa nwomaa ne dɔnhwere nza, yeɛ bɛfale dɔnhwere nza bieku bɛhane bɛ bɔne, na bɛsɔnene AWURADE bɛ Nyameɛ.

Yesaya 34:16

Ɛ́mɔpena AWURADE nwomaa ne bɛ́kenga. Ɛhemɔ anu ko po ngomini, ebiala nne berɛ bɔ obiɛngo kɔhwere ye ɔ, ofikyɛ ahyɛdeɛ ne fi AWURADE noa nu, na ye Sunzum yeɛ waboaboa bɛ noa ɔ.

Yeremia 48:1

Bɔ Asafo AWURADE, Yisrael Nyameɛ kã fa Moabo nwo ɛhe: Nebo, wɔ yaakɔ oo! Ofikyɛ wabɔ! Kiriatim nyunu agua ase, na bahye ye bahɔ, anwoserɛ afealeɛ ne nyunu agua ase, na badwiri bagua.

Amose 1:13

AWURADE nwa nyoo, “Ɔnate Amonfoɛ b’amumuyɛɛ nza, eh, ɔne nna ne ati, mengɔhwe bɛ so hwenɛ ne mengosa; ofikyɛ mmerɛ bɔ bɛko bɛtrɛtrɛ bɛ wɛen nu ne, bɛpakyepakyele Gileade pemvoɛ mɔ kunu.

Numeri 22:5

Otuli ɛbɔfoɛ maa bɛhɔle Beɔ awa Balaam berɛ wɔ Petore bɔ ɔla asue Yufreti noa, wɔ Amawo aseɛ so ne. Na bɛtole bɛ sa bɛfrɛle ye kyɛ, “Mmenia bie fi Misraim bawa; bayɛ aseɛ so mitimiti, na baatena bapingye me.

Luka 10:26

Na Yesu bisale ye kyɛ, “Nzikyɛ yeɛ bahyerɛ ye wɔ mmeraa ne anu ɔ? Sɛɛ yeɛ ɔyɛ a ɛkenga ye ɔ?”

Asomafoɛ 13:15

Mmerɛ bɔ ebie kengale Mose mmeraa ne ɔne ngɔmhyɛlɛfoɛ nwomaa ne yiele nen, nyianu sua ne anu mbanyi bisale Pɔɔlo ne Banaba kyɛ, “Aliɛmaa mɔ, sɛ ɛmɔle foɛtulɛ dwirɛ bie bɛma mmenia ne a, ɛmɔhã.”

Asomafoɛ 15:21

Ɔnate kyɛ ofi tete yeɛ mmenia bɔ Mose mmeraa ne dawure wɔ nguro mukoraa so ɔ, na bɛkenga ye afofikyẽa biala wɔ nyianu sua nemɔ nu.”