Nehemia 12:45 - AHYERƐLƐ KRONGRON

⁴⁵ Bɛyɔle bɛ Nyameɛ solɛ adwuma ne, ɔne bɛ nwo petenɛ sɔnenɛ adwuma ne, kyɛbɔ edweintolɛfoɛ ne awɛmvoɛ nemɔ bɛyɔle ne, kyɛbɔ ahyɛdeɛ bɔ Dawide ne ɔwa Solomon bɛhyɛle ne, ɔte ne ala.

Nehemia 12:45 Iomraidhean Croise

2 Ahemvo 7:10

Yiti bɛɛfrɛfrɛle kuro berɛ pambim awɛmvoɛ nemɔ bɛbɔle bɛ amaneɛ kyɛ, “Yɛhɔle Siriafoɛ asikyeleɛ ne anu, nakoso yannwu sona fee, yeɛ yande sona fee nga wɔ dɔ. Bɔ yɛnwuni ala yeɛ ole mbɔngɔ ne afunum mɔ bɔ bamendamenda bɛ ɔ, ɔne b’ɛtena sua mɔ kyɛbɔ bɛyakyili bɛ berɛ bɛhɔle ne ala.”

1 Aberɛso Dwirɛ 23:28

Na b’adwuma ole kyɛ odi kyɛ bɛboka Aarɔn boso ama nemɔ wɔ AWURADE awuro berɛ ɛsɔnenɛ adwuma ne anu, odi kyɛ bɛnea aluo berɛ ne pumbu nemɔ aso, odi kyɛ bɛte nningyein krongron nemɔ amukoraa nwo, ná bɛboka Nyameɛ awuro berɛ ɛsɔnenɛ adwuma biala yɔlɛ nu.

1 Aberɛso Dwirɛ 26:26

Nana Dawide ne mbanyi bɔ bɛlela mmusua mmusua nemɔ noa, koɛhonɛfoɛ apee apee so safohene nemɔ, ɛyaa ɛyaa so safohene nemɔ, yeɛ safohene ngaa nemɔ, bɛ nningyein bɔ batu basie berɛ bama AWURADE ne nekaa bɔ besie sɔ nningyein nemɔ ne, sɔ Selomite ye, ɔne oliɛma mmienzua mɔ yeɛ né bɛnea so ɔ.

2 Aberɛso Dwirɛ 23:6

Onni kyɛ ɛ́mɔma ebiala wura AWURADE awuro berɛ, sana asɔfo nemɔ ne Lewifoɛ bɔ bɛyɔ ɛsɔnenɛ adwuma nemɔ ala. Bɛ de bɛkɔhora bekowura nu, ofikyɛ bɛ de bɛte krongron. Nakoso mmenia ngaa nemɔ de, odi kyɛ bedi AWURADE ahyɛdeɛ ne aso.