Nehemia 12:44 - AHYERƐLƐ KRONGRON

⁴⁴ Sɔ kyẽa ne, sua mɔ bɔ bɛfa akyɛdeɛ nemɔ, fieso aleɛ bɔ bekoli moa bɛkɔfa nemɔ, yeɛ buru nu ngyɛmuɛ ko nemɔ besie nu ne, bɛyele mmenia kyɛ bɛnea so. Mbɔtam berɛ nguro nemɔ, bɛ fieso nningyein kyɛfa bɔ mmeraa ne kyire kyɛ bɛfa bɛma asɔfo ne Lewifoɛ nemɔ ne, né odi kyɛ sɔ mmenia bɔ baye bɛ ne, bɛboaboa ye noa begua nu, ofikyɛ né Yudafoɛ bɛ nye gye asɔfo ne Lewifoɛ b’adwuma bɔ bɛyɔ ne anwo.

Nehemia 12:44 Iomraidhean Croise

1 Aberɛso Dwirɛ 23:28

Na b’adwuma ole kyɛ odi kyɛ bɛboka Aarɔn boso ama nemɔ wɔ AWURADE awuro berɛ ɛsɔnenɛ adwuma ne anu, odi kyɛ bɛnea aluo berɛ ne pumbu nemɔ aso, odi kyɛ bɛte nningyein krongron nemɔ amukoraa nwo, ná bɛboka Nyameɛ awuro berɛ ɛsɔnenɛ adwuma biala yɔlɛ nu.

1 Aberɛso Dwirɛ 26:20

Lewifoɛ nemɔ anu, Nyameɛ awuro berɛ nekaa bɔ besie nningyein, ɔne nekaa bɔ besie nningyein bɔ batu basie berɛ bama Nyameɛ ne, Ahiya yeɛ né ɔnea so ɔ.

1 Aberɛso Dwirɛ 9:26

Pambim wɛmvoɛ titire nna nemɔ, né bɛte Lewifoɛ, na bɛ yeɛ né bɛnea pumbu nemɔ ne AWURADE awuro fotoɛ nemɔ aso ɔ.

Nehemia 10:36

Afei koso, yɛkɔfa yɛ bamuɛbaa mmienzua mɔ ne yɛ nandwie mɔ, mmoaen mɔ ne abɔngye mɔ bɛ mma mɔ bɔ oli moa ne yɛkɔhɔ yɛ Nyameɛ awuro yɛkɔɔma asɔfo bɔ bɛyɔ Nyameɛ awuro berɛ ɛsɔnenɛ adwuma ne, kyɛbɔ bahyerɛ ye wɔ mmeraa ne anu ne.

Anyandera 8:34

Sona bɔ otie me, bɔ ɔwɛne daa biala wɔ me pambim nu, ná ɔnwondɛ wɔ m’anoa nu ne, onya saleɛ.

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Numeri 3:10

Tu Aarɔn ne ye mma mmienzua mɔ sie berɛ, na bɛ yeɛ odi kyɛ bɛyɔ sɔfo adwuma ne ɔ. Sɛ ebie mbaen kɔ ɔsɔfo adwuma ne anwo a, odi kyɛ beku ye.”

Romanfoɛ 12:7

sɛ ɔte ɛsolɛ a, ɛmɔma yɛso; sɛ ɔte ngyerɛkyerɛ a, ɛmɔma yɛhyirehyire;

Deuteronomi 18:8

Ɔsɛ kyɛ onya ye kyɛfa pɛpɛɛpɛ odi, kyɛ asɔfo ngaa ne ala, ɔwɔ nu kyɛ wanya sikaa wafi ɔse agyapadeɛ bɔ bayɛ ye atɔen ne anu de.