Nehemia 12:43 - AHYERƐLƐ KRONGRON

⁴³ Sɔ kyẽa ne, bɛbɔle afɔleɛ mbiri mbiri belili ahurusi, ofikyɛ Nyameɛ maa bele anigye belili ahurusi. Mmrasua mbanyi nemɔ bɛ ne ngwadaa nemɔ koso bɛgyele bɛ nye. Anigye bɔ bɛgyele wɔ Yerusalem ne, né bɛte ye dedeede.

Nehemia 12:43 Iomraidhean Croise

2 Aberɛso Dwirɛ 20:13

Sɔ mmerɛ ne, Yuda amukoraa begyinane AWURADE nyunu; bɛ ne bɛ ngwadaa ne bɛ ye mɔ ne bɛ mma mɔ.

2 Aberɛso Dwirɛ 20:27

Yeɛ Yuda ne Yerusalemfoɛ amukoraati, bɔ Yehosafate la bɛ noa ɔ, bele anigye besa bɛwale Yerusalem, ofikyɛ AWURADE maa belili bɛ pɔfoɛ mɔ so ngonim.

2 Aberɛso Dwirɛ 7:10

Bosome nzoo ne, ye kyẽa bɔ ɔtɔ so aburanyɔ ne nza ne aso, otuli mmenia ne apo maa bɛhɔle b’awuro. Bele anigye ne aworakyekyerɛ yeɛ bɛhɔle ɔ, ɔnate paa bɔ AWURADE ayɔ ama Dawide ne Solomon ɔne ye maen Yisrael ne ati.

Ɛsra 3:13

Ye sɔ ne ati, anigye esebɔlɛ ne, ɔne esue hahii ne betu bɛfrale, bɔ né mmenia ne ngora nnwu nzonzoleɛ bɔ ɔla b’afia ɔ, ofikyɛ mmenia ne yɛle dede bɔ né sɛ ɛwɔ dedeede a ɛte ɔ.

Nehemia 12:27

Mmerɛ bɔ betu Yerusalem fasue ne bewura Nyameɛ sa ne, bɛpenane Lewifoɛ nemɔ wɔ nekaa bɔ bɛtete amukoraa. Na bɛfale bɛ bɛwale Yerusalem kyɛ bɛfa ahurusililɛ ne asennaa dweintolɛ, bɛbɔ firikyiwa, adengum ne sangoo bɛboka dwumadie ne wɔ anigye so.

Nehemia 12:42

yeɛ Maaseya, Semaya, Eleasa, Yusi, Yehohanan, Malkiya, Elam ne Esere koso beegyinane berɛ bie. Na edweintolɛfoɛ ne tole dwein, na né Yesrahia yeɛ ɔla bɛ noa ɔ.

YOB NWOMAA NE 34:29

Na sɛ ɔyɛ konn a, nwa yeɛ ɔkɔhora kobua ye fɔ ɔ? Sɛ ɔfa ye nyunu fea a, nwa yeɛ okonwu ye ɔ? Nakoso, kyɛ maen oo, kyɛ sona oo, ɔnea bɛ so,

Edwein 27:6

Afei ɔmaa medi ngonim wɔ me pɔfoɛ mɔ bɔ bapɛ me nwo bayia ɔ so, ná ngɔfa esebɔlɛ ngɔbɔ afɔleɛ wɔ ye tena sua ne anu. Ngɔto anigye dwein ngɔye AWURADE ayɛ.

Edwein 28:7

AWURADE te m’anwoserɛ ne m’akokyɛm, ye yeɛ me nye la ye so ɔ; yiti ɔboka me, na me nye gye. Ngɔfa me dweintolɛ ngɔla ye ase.

Edwein 9:2

Ɔnate wɔ ti ngɔma me nye kɔgye, ná mali ahurusi; ao, Anwuro Anwuro Nyameɛ, ngɔto wɔ dumaa nwo ayɛyelɛ dwein.

Edwein 92:4

Ofikyɛ wɔ AWURADE, ɛnate bɔ ayɔ ɔ so ɛma me nye agye; medi ahurusi meto wɔ sa noa adwuma ne anwo dwein.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yeremia 31:13

Yeɛ ndaluwa kɔfa anigye bekogo abilie ne, mmerandeɛ ne nworowaa bɛ nye kɔgye kɔbɔ nu; ofikyɛ ngɔma bɛ suɛ kɔkakyi ahurusililɛ, ngɔkyekye bɛ wora, na ngɔma bɛ nye kɔgye kofi b’aworabɔlɛ nu.

Yeremia 33:11

ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga; yeɛ bɛ bɔ bɛto dwein bɛfa ayɛyelɛ afɔleɛ bɛba AWURADE awuro berɛ ɔ, bɛ nga kyɛ, Ɛ́mɔye Asafo AWURADE ayɛ, ofikyɛ AWURADE te paa, na ye ɔdɔ bɔ onni ngasi ne, ɔwɔ berɛ afebɔɔ!’ Ofikyɛ bɛ bɔ bahye bɛ nnure bafi aseɛ ye aso bahɔ ne, ngosa ngɔfa bɛ ngɔwa, kyɛ daa ne ala, AWURADE noa dwirɛ ɛne.

Numeri 10:10

Afei koso, ngyẽa bɔ ɛmɔfa bɛgye bɛ nye, ɔne ɛmɔ aluolue ngyẽa, ɔne kyẽa bɔ bosome kofi ne, ɛ́mɔhu totorobɛndo nemɔ wɔ mmerɛ bɔ ɛmɔbɔ ɛmɔ naen yeralɛ afɔleɛ ɔne ɛmɔ asomdwee afɔleɛ ɔ. Bɛkɔyɛ ngayeɛ nikyee bɛkɔma ɛmɔ wɔ AWURADE ɛmɔ Nyameɛ nyunu: Me ole AWURADE ɛmɔ Nyameɛ.

Mateo 21:15

Nakoso asɔfo mbanyi ne ahyerɛlɛfoɛ nemɔ nwuni anwanwadeɛ mɔ bɔ ɔyɔle ne, ɔne ngwadaa bɔ bɛteatea nu wɔ asɔneyɛɛ sua nu berɛ kyɛ, “Hosana hã Dawide Awa ne” nen, wanyɛ bɛ fɛ koraa.

Mateo 21:9

Na ɛlɔen bɔ beli ye nyunu ne, bɛ ne bɛ bɔ beli ye si ne, bɛbɔle ese kyɛ, “Hosana hã Dawide Awa ne! Saleɛ ole bɔ ɔnate Awurade dumaa nu ɔ́ba ye! Hosana wɔ anwuro anwuro!”

Yohane 16:22

Na ɛmɔ koso, kekesaala ye de, ɛmɔdi aworabɔlɛ, nakoso ngonwu ɛmɔ bieku, na ɛmɔ ahone kɔtɔ ɛmɔ kunu; na ɛmɔ anigye ne, ebiala ngole ngofi ɛmɔ sa nu.

Ɛfesofoɛ 5:19

Ɛ́mɔfa sangoo dwein, ayɛyelɛ dwein ne sunzum nu dwein bedwudwo behyirehyire ɛmɔ nwo; ná ɛ́mɔfa ɛmɔ ahone amukoraa bɛto Awurade nwo dwein;

Yakobo 5:13

Ɛmɔ nu bie onwu amaneɛ anaa? Maa ɔbɔ mbaeɛ. Ebie nye agye anaa? Maa ɔto ayɛyelɛ dwein.

1 Samuel 4:5

Na mmerɛ bɔ AWURADE apam alaka ne dwuli asikyeleɛ ne anu ne, Yisrael amukoraa bɔle ese mane aseɛ wosole.