Nehemia 12:24 - AHYERƐLƐ KRONGRON

²⁴ Lewifoɛ mbanyi bɔ né bɛlela bɛ noa ɛhe: Hasabia, Serebia, yeɛ Yesua bɔ ye baba ole Kadimiɛl ne, bɛ ne b’eliɛma mɔ bɔ né begyina bɛ ndendeneɛ so besuro ayɛyelɛ ne asennaa dwein ne aso, kyɛbɔ Nyameɛ sona Dawide hyɛle ne. Kure ko to ye deɛ yie a, né ko koso wato ye deɛ.

Nehemia 12:24 Iomraidhean Croise

1 Ahemvo 17:24

Yiti braa ne sele Elia kyɛ, “Afei de manwu kyɛ ɛte Nyameɛ sona, na amba AWURADE dwirɛ yeɛ otua wɔ noa ɔ.”

1 Aberɛso Dwirɛ 16:4

Otuli Lewifoɛ nemɔ bie siele berɛ kyɛ bɛsɔne wɔ AWURADE apam alaka ne anyunu, na bɛsrɛ AWURADE Yisrael Nyameɛ saleɛ, na afei bɛla AWURADE ase ná bɛye ye ayɛ.

2 Aberɛso Dwirɛ 8:14

Solomon gyinane ye baba Dawide nhyehyɛleɛ so fale asɔfo kure kure nemɔ b’adwuma wurale bɛ sa. Afei ɔfa wurale Lewifoɛ nemɔ sa kyɛ beli maen ne nyunu maa bɛto dwein bɛye AWURADE ayɛ, ná bɛboka asɔfo nemɔ wɔ bɛ daa daa ɛsɔnenɛ adwumayɔlɛ nu. Afei koso, pambim awɛmvoɛ nemɔ, ɔfale kure biala ye pambim deɛ wurale ye sa, kyɛbɔ Nyameɛ sona Dawide hyɛle ne.

Ɛsra 2:40

Lewifoɛ mɔ: Yesua ne Kadimiɛl bɛ boso ama bɔ bɛte Hodawia awuro ama ne: bɛte aburasoo ne nna.

Nehemia 11:17

yeɛ Matania bɔ olili bɛ nyunu maa bɛbɔle mbaeɛ bɛtole ayɛyelɛ dwein, bɔ ye baba ole Mika bɔ ye baba ole Sabidi bɔ ye baba ole Asafe ne, ɔne Bakebukia bɔ ye abusuafoɛ nemɔ anu, Matania nne berɛ a, ye yeɛ ɔwɔ berɛ ne, yeɛ Aboda bɔ ye baba ole Samua bɔ ye baba ole Galal bɔ ye baba ole Yedutun ne.

Nehemia 12:23

Lewifoɛ nemɔ, bɔ bɛte bɛ nana mɔ sasofoɛ mbanyi ne, bɛhyerɛle bɛ dumaa wɔ abakɔsɛm nwomaa ne anu maa oodwuli Yohanan bosoniɛ Eliasibo aberɛ so.

Nehemia 12:36

ne ye abusuafoɛ Semaya, Asarel, Milalae, Gilalae, Mayi, Netanɛl, Yuda ne Hanani. Né betiratira Nyameɛ sona Dawide ye nningyein bɔ ɔfa bɔ edwein ne, na né ahyerɛlɛniɛ Ɛsra oli bɛ nyunu.

Nehemia 8:7

Afei koso Yesua, Bani, Serebia, Yamin, Akubo, Sabetae, Hodia, Maaseya, Kelita, Asaria, Yosabade, Hanan ne Pelaya bɔ bɛte Lewifoɛ ne, behyirehyirele mmeraa ne anu behyirele mmenia ne. Sɔ mmerɛ ne, né mmenia ne bɛtɛgyigyi berɛ.

Nehemia 9:4

Afei Yesua, Bani, Kadimiɛl, Sebania, Buni, Serebia, Bani ne Kenani begyinane Lewifoɛ b’atweleɛ ne aso, na bele komviɛ piri bɛteane nu bɛsrɛle AWURADE bɛ Nyameɛ.

Deuteronomi 33:1

Saleɛ bɔ Nyameɛ sona Mose fa yirayirale Yisraelfoɛ koraka yeɛ owu ne ɛhe:

1 Timoteo 6:11

Na wɔ, Nyameɛ sona, wɔ de, twe wɔ nwo fi ɛhemɔ anwo, ná fa tenenee, nyamesom paa, gyidie, ɔdɔ, animia ne anwobrɛaseɛ sie wɔ nye so.

2 Timoteo 3:17

amaa ɔnate so Nyameɛ sona wayɛ pɛpɛɛpɛ bɔ bama ye ndeteyɛɛ bɔ odi mu ɔ bama nnwumaa paa amukoraa.

Yosua 14:6

Afei Yudafoɛ wale Yosua berɛ wɔ Gilgal, na Kalebo bɔ ɔse ole Kenisiniɛ Yefune ne, osele Yosua kyɛ, “Wɔ bɔbɔ ala ɛse edwirɛ bɔ AWURADE ha fale me ne wɔ nwo hyirele Nyameɛ sona Mose wɔ Kadese Banea ɔ.