Nehemia 11:3 - AHYERƐLƐ KRONGRON

³ Mbɔtam mbanyi ne, né bɛtete Yerusalem. Nakoso Yuda nguro ngaa nemɔ aso de, Yisraelfoɛ ngaa ne, asɔfo, Lewifoɛ, asɔneyɛɛ sua nu somvoɛ ne Solomon somvoɛ nemɔ bɛ boso ama nemɔ, né ebiala te ye bɔbɔ ye aseɛ so.

Nehemia 11:3 Iomraidhean Croise

Ɛsra 2:1

Mmenia bɔ Babilɔn hene Nebukadenesa hyele bɛ nnure hɔle Babilɔn nen, bɔ befili mbɔtam berɛ besa bɛhɔle Yerusalem ne bɛ nguro nemɔ aso wɔ Yuda nen, bɛ ɛhe.

Ɛsra 2:43

Asɔneyɛɛ sua nu somvoɛ mɔ: Bɛte mmenia hemɔ bɛ boso ama: Siha, Hasufa, Tabayote,

Ɛsra 2:70

Afei asɔfo nemɔ, Lewifoɛ ne mmenia ne biemɔ bɛtenatenane Yerusalem ne ye nwo nguro nemɔ aso. Afei edweintolɛfoɛ ne anoa awɛmvoɛ ne asɔneyɛɛ sua nu somvoɛ nemɔ koso bɛɛtenatenane bɛ nguro nemɔ aso, na Yisraelfoɛ ngaa ne amukoraa bɛɛtenatenane bɛ nguro nemɔ aso.

Nehemia 11:20

Na Yisraelfoɛ ngaa ne, bɛ ne asɔfo ne Lewifoɛ ngaa ne, né bɛwɔ Yuda nguro ne amukoraa so bɔ ebiala ɔte ye aseɛ deɛ so ɔ.

Nehemia 11:4

Yuda abusua kure ne, yeɛ Benyamin abusua kure ne ne bɛ nu biemɔ tete Yerusalem. Yuda abusua kure ne anu ama nemɔ bɛ ɛhe: Ataya bɔ ye baba ole Yusia bɔ ye baba ole Sakaria bɔ ye baba ole Amaria bɔ ye baba ole Sefatia bɔ ye baba ole Mahalaleel bɔ ɔte Pɛrɛse bosoniɛ ne;

Nehemia 7:39

Asɔfo bɔ besa bɛwale ne, bɛ somaa ɛhe: Yedaya boso ama bɔ bɛte Yesua awuro ama ne: ɛyaa ngona aburasoo ne nza.

Nehemia 7:43

Lewifoɛ bɔ besa bɛwale ne, bɛ somaa ɛhe: Hodewa boso ama Yesua ne Kadimiɛl b’awuro ama: aburasoo ne nna.

Nehemia 7:46

Asɔneyɛɛ sua nu somvoɛ nemɔ bɛte mmenia hemɔ bɛ boso ama: Siha, Hasufa, Tabayote,

Nehemia 7:6

Mmenia bɔ Babilɔn hene Nebukadenesa hyele bɛ nnure hɔle Babilɔn nen, bɛ bɔ befili mbɔtam mbɔtam nemɔ anu besa bɛwale Yerusalem ne Yuda, bɔ ebiala sa hɔle ye kuro nen, bɛ ɛhe.

Nehemia 7:7

Mmenia hemɔ yeɛ belili bɛ nyunu bɛ ne bɛ wale ɔ: Serubabɛl, Yesua, Nehemia, Asaria, Raamia, Nahamani, Modekae, Bilsan, Mispere, Bigiwae, Nehum, yeɛ Baana. Yisrael mmienzua bɔ befili nnurehyelɛ nu bɛwale ne, bɛ somaa ɛhe:

Nehemia 7:73

Yiti asɔfo nemɔ, Lewifoɛ nemɔ, anoa awɛmvoɛ nemɔ, edweintolɛfoɛ, mmenia nemɔ anu bie, asɔneyɛɛ sua nu somvoɛ nemɔ ne Yisraelfoɛ amukoraa, bɛtenatenane bɛ nguro mɔ so.