Nehemia 11:19 - AHYERƐLƐ KRONGRON

¹⁹ Pambim awɛmvoɛ bɔ bɛ ole Akubo, Talmon ne bɛ mmango pambim awɛmvoɛ nemɔ ne, bɛ somaa te ɛyaa ko aburasoo ne nyɔ.

Nehemia 11:19 Iomraidhean Croise

2 Ahemvo 7:10

Yiti bɛɛfrɛfrɛle kuro berɛ pambim awɛmvoɛ nemɔ bɛbɔle bɛ amaneɛ kyɛ, “Yɛhɔle Siriafoɛ asikyeleɛ ne anu, nakoso yannwu sona fee, yeɛ yande sona fee nga wɔ dɔ. Bɔ yɛnwuni ala yeɛ ole mbɔngɔ ne afunum mɔ bɔ bamendamenda bɛ ɔ, ɔne b’ɛtena sua mɔ kyɛbɔ bɛyakyili bɛ berɛ bɛhɔle ne ala.”

Nehemia 11:18

Lewifoɛ bɔ né bɛwɔ kuro krongron ne anu ne, bɛ mukoraa bɛte ɛyaa nyɔ aburawɔtwɛ ne nna.

Nehemia 11:20

Na Yisraelfoɛ ngaa ne, bɛ ne asɔfo ne Lewifoɛ ngaa ne, né bɛwɔ Yuda nguro ne amukoraa so bɔ ebiala ɔte ye aseɛ deɛ so ɔ.

Nehemia 12:25

Né Matania, Bakebukia, Obadia, Mesulam, Talmon ne Akubo bɛte pambim awɛmvoɛ bɔ bɛwɛne sua bɔ bɛfa nningyein besie nu nemɔ ɔ.

Nehemia 7:45

Asɔneyɛɛ sua anoa awɛmvoɛ nemɔ bɛte mmenia hemɔ boso ama: Salum, Atɛ, Talmon, Akubo, Hatita, yeɛ Sobae. Bɛte ɛyaa ko aburasa ne mmɔtwɛ.

Edwein 84:10

Ofikyɛ ɛlɛhomapɛ bɔ ngoli ye wɔ w’aluo berɛ ne, ɔte paa tra ngyẽa apee bɔ ngoli ye nekaa bie ɔ. Mekuro kyɛ ngɔyɛ me Nyameɛ awuro berɛ anoa wɛmvoɛ tra kyɛ ngɔtena bɔnefoɛ ɛtena sua nu ɔ.