Nehemia 11:1 - AHYERƐLƐ KRONGRON

¹ Né maen mbanyi nemɔ bɛtete Yerusalem. Na maen ne anu ama ngaa ne guale serewa kyɛ bɛfa so bɛyeye mmenia ne anu buru nu ngyɛmuɛ ko maa bɛbatena kuro krongron Yerusalem nu, ná buru nu ngyɛmuɛ ngona koso bɛtena nguro ngaa nemɔ aso.

Nehemia 11:1 Iomraidhean Croise

1 Aberɛso Dwirɛ 26:13

Pambim biala, begyinane serewagualɛ so yeɛ bɛfa bɛyele abusua horɛ bɔ ɔkɔwɛne ɔ, kyɛ abusua ne te kãa oo, anaakyɛ ɔte piri oo.

1 Aberɛso Dwirɛ 8:28

Sɔ mmenia nemɔ yeɛ né bɛlela bɛ nana mɔ sasofoɛ noa ɔ, na né bɛte atitire wɔ b’aworɛ ndoatoasoɛ nu. Né bɛte Yerusalem.

1 Aberɛso Dwirɛ 9:1

Bɛhale Yisraelfoɛ amukoraa mmusua mmusua, na bɛhyerɛle bɛ dumaa wɔ Yisrael ahemvo nwomaa ne anu. Ɔnate Yudafoɛ b’asoserɛ ti yeɛ ɔmaa bɛhyele bɛ nnure bɛhɔle Babilɔn ɔ.

1 Aberɛso Dwirɛ 9:2

Bɛ bɔ belili moa besa bɛwale bɛ kuro bɛɛtenane b’aseɛ so ne, bɛte Yisraelfoɛ nemɔ bie, yeɛ afei asɔfo, Lewifoɛ yeɛ asɔneyɛɛ sua nu somvoɛ mɔ.

1 Aberɛso Dwirɛ 9:3

Na Yuda boso ama nemɔ, Benyamin boso ama nemɔ, Efraim boso ama nemɔ, yeɛ Manase boso ama nemɔ, bɛ nu biemɔ bɛɛtenane Yerusalem. Bɛ ole:

Nehemia 10:34

Afei koso, y’asɔfo, Lewifoɛ ne maen ne, yagua serewa yafa yaye mmerɛ bɔ afoɛ biala anu yɛ nu biala ye abusua kɔfa eyein kɔwa Nyameɛ awuro maa bɛkɔyera ye wɔ AWURADE yɛ Nyameɛ afɔleɛ bokyea ne aso, kyɛbɔ bahyerɛ ye wɔ mmeraa ne anu ne.

Nehemia 11:18

Lewifoɛ bɔ né bɛwɔ kuro krongron ne anu ne, bɛ mukoraa bɛte ɛyaa nyɔ aburawɔtwɛ ne nna.

Nehemia 4:22

Afei koso sɔ mmerɛ ne, nga ngyirele maen ne kyɛ, “Odi kyɛ bienzua biala ne ye somvoɛ bɛda Yerusalem kɔngɔen biala, amaa bawɛne yɛ kɔngɔen, ná bayɔ adwuma eyia.”

Edwein 122:5

Ofikyɛ berɛ yeɛ bafa ndɛenbualɛ ahennie bia nemɔ basiesie ɔ, Dawide awuro ama mɔ b’ahennie bia nemɔ.

Edwein 122:6

Ɛ́mɔbɔ mbaeɛ kyɛ Yerusalem onya asomdwee: “Bɛ bɔ bekuro wɔ dwirɛ ne, mesrɛ kyɛ oyie bɛ yé.

Anyandera 16:33

Mmenia gua serewa de, nakoso nu ngyerɛmuɛ ne amukoraa ofi AWURADE.

Yesaya 48:2

Ofikyɛ bɛfrɛ bɛ nwo kyɛ bɛte kuro krongron ne anu ama, bɔ bɛfa bɛ nwo bɛto Yisrael Nyameɛ so ɔ; ye dumaa ole Asafo AWURADE.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Mateo 27:53

na ye wutingyelɛ asi ne, befili asieleɛ nemɔ anu bɛhɔle kuro krongron ne anu, na bɛyele bɛ nwo ali behyirele mmenia pee.

Mateo 4:5

Afei abɔnzam fale ye hɔle kuro krongron ne anu, na ɔfale ye oogyinane asɔneyɛɛ sua ne ti afia,

Asomafoɛ 1:24

Na bɛbɔle mbaeɛ kyɛ, “Awurade, wɔ yeɛ ɛse ebiala ti anu dwirɛ ɔ, yiti mmenia nyɔ he, kyire yɛ bɛ nu ko bɔ aye ye

Asomafoɛ 1:26

Beguale bɛ munyɔ bɛ so serewa, na serewa ne yele Matiase; na bɛfale ye bɛbokale asomafoɛ buru ne ko ne aso.

Yosua 18:10

Yosua guale serewa mane bɛ wɔ AWURADE nyunu wɔ Silo, na afei Yosua mane Yisrael abusua kure ngaa ne anu biala sa hane ye aseɛ.