Nehemia 10:37 - AHYERƐLƐ KRONGRON

³⁷ Yɛkɔfa ɛhemɔ yɛkɔbrɛ asɔfo nemɔ maa bɛkɔfa bekogua Nyameɛ awuro berɛ pumbu nemɔ anu: yɛ mɔle nu paa paa ne, y’akyɛdeɛ mɔ, bakaa biala so mmaa, nzaa ne ngoo. Yɛ fieso aleɛ wora, yɛkɔfa buru nu ngyɛmuɛ ko yɛkɔbrɛ Lewifoɛ nemɔ, ofikyɛ Lewifoɛ yeɛ odi kyɛ bede buru nu ngyɛmuɛ ko ne befi yɛ nguraa nemɔ amukoraa nu ɔ.

Nehemia 10:37 Iomraidhean Croise

2 Aberɛso Dwirɛ 31:6

Yisraelfoɛ ne Yudafoɛ bɔ bɛtete Yuda nguro nemɔ aso ne, bɛfale nandwie ne mmoaen buru nu ngyɛmuɛ ko, yeɛ nningyein krongron bɔ batu basie berɛ bama AWURADE bɛ Nyameɛ ne buru nu ngyɛmuɛ ko bɛwale, na bɛboale nningyein ne noa kure kure.

Nehemia 13:10

Afei koso nwuni kyɛ Lewifoɛ nemɔ bɛ bue deɛ bɔ odi kyɛ bɛfa bɛma bɛ ne, saa bɛmva bɛmma bɛ. Ɔnate ye sɔ ti, né Lewifoɛ nemɔ ne edweintolɛfoɛ nemɔ bɔ odi kyɛ bɛyɔ ɛsɔnenɛ adwuma ne, basa baatenatena bɛ namue nemɔ anu bɛyɛ eboo.

Nehemia 13:12

Yeɛ maen ne amukoraa besa bɛfale aburoo, nzaa ne ngoo so buru nu ngyɛmuɛ ko ne bɛwale asɔneyɛɛ sua nu berɛ nekaa bɔ bɛfa nningyein besie ne.

Nehemia 13:5

né wasiesie sua piri ko wama Tobia. Sɔ sua ne, né bɛfa sɔ nningyein hemɔ besie nu: aburoo afɔleɛ, ɛyɛɛ, ngukue, aburoo ngyɛmuɛ buru nu ko, nzaa ngyɛmuɛ buru nu ko ne ngoo ngyɛmuɛ buru nu ko bɔ bahyɛ kyɛ bɛfa bɛma Lewifoɛ, edweintolɛfoɛ ɔne pambim awɛmvoɛ, yeɛ afei akyɛdeɛ bɔ bɛfa bɛma asɔfo nemɔ ne.

Nehemia 13:9

Afei nhyɛle maa bɛpetene sua nemɔ anu, na mmaa bɛfale Nyameɛ awuro ngukue nemɔ ne aburoo afɔleɛ ne, ɔne ɛyɛɛ ne besa beeguale sua nemɔ anu.

Ɛksadɔso 13:12

tu abɔdeɛ biala bɔ okoli moa kofi koɛsɛen nu kɔwa ne sie berɛ ma AWURADE. Wɔ nyɛmmoa mɔ bɛ bamuɛbaa bienzua mukoraa te AWURADE deɛ.

Ɛksadɔso 13:2

“Tu bamuɛbaa mukoraa sie berɛ ma me; ebiala bɔ okoli moa kofi koɛsɛen nu kɔwa wɔ Yisraelfoɛ nu ne, sona oo, ayɛmmoa oo, ɔte me deɛ.”

Lewitikɔso 23:17

Odi kyɛ ɛmɔfa paanoo mumua nyɔ befi ɛmɔ atenaleɛ nemɔ anu bɛbabɔ ɛnwahanɛ afɔleɛ maa ɔyɛ aleɛ bɔ bali moa bate afɔleɛ ma AWURADE. Odi kyɛ paanoo ko biala bɛfa esam paa bɔ bafa mɔle harewaa bafra ɔ olonka nyɔ yeɛ bɛto ɔ.

Malaki 3:10

Ɛ́mɔfa buru nu ngyɛmuɛ ko ne amukoraa bɛbra nekaa bɔ besie nningyein ne, amaa ɔnate so aleɛ awa m’awuro. Ɛ́mɔfa béso me bɛ́nea, sɛ mengobukye nyameɛso mboma mengɔma ɛmɔ a, sɛ mengohwie saleɛ ngogua ɛmɔ so ma ongobu ngɔfa so a, Asafo AWURADE noa dwirɛ ɛne.

Malaki 3:8

Aso odi kyɛ sona di Nyameɛ ndurum anaa? Nakoso ɛmɔ de, ɛmɔdi me ndurum. Na ɛmɔbisa kyɛ, ‘Atee beni aso yeɛ yɛdi wɔ ndurum ɔ?’ Ɛmɔdi ye wɔ buru nu ngyɛmuɛ ko ɔne afɔleɛbɔlɛ nu.

Numeri 18:15

Abɔdeɛ biala, kyɛ sona oo, kyɛ kaka oo, ye bamuɛbaa bɔ bɛkɔfa bɛkɔma AWURADE ne, ɔte wɔ deɛ. Nakoso kuro sona bamuɛbaa mɔ de, odi kyɛ ɛpɔ bɛ, yeɛ ngaka bɔ bɛ nwo nde mɔ bamuɛbaa mɔ koso, odi kyɛ ɛpɔ bɛ.

Numeri 18:18

Nakoso bɛ naen de, ɔte wɔ deɛ, kyɛbɔ ye sa bɔ banwaha ne, ɔne ye sɔ famaa ne te wɔ deɛ ne.

Numeri 18:21

“Nikyee biala bɔ ɔwɔ Yisrael ne, mafa nu buru nu ngyɛmuɛ ko mama Lewifoɛ. Ɛsolɛ bɔ bɛso wɔ ɛtena sua atenaleɛ ne anu ne, ye nwo akatuaa ɛne.

Romanfoɛ 11:16

Sɛ bakaammaa bɔ bekoli moa bɛkɔte ne te krongron ma Nyameɛ a, nzaade ye ngaa bɔ waha ne amukoraa te krongron; na sɔ ala yeɛ sɛ bakaa ndii ne te krongron a, ye mmaen ne koso te krongron ɔ.

Deuteronomi 14:22

“Afoɛnoa biala, fa wɔ fieso nningyein buru nu ngyɛmuɛ ko (ma AWURADE).

Deuteronomi 18:4

W’aburoo, wɔ nzaa ne wɔ ngoo bɔ ekoli moa konya ye ne, ɔne wɔ mmoaen nwo nwiaa bɔ ekoli moa kɔpepɛ ne, fa ma ɔsɔfo.

Deuteronomi 26:2

so mmakaammaa mukoraa bɔ ekoli moa kɔte ne, bɔ ekonya kofi aseɛ bɔ AWURADE wɔ Nyameɛ ɔ́fa ma wɔ ne aso ne, fa bie gua kɛndɛen nu, ná fa kɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.