Nehemia 10:29 - AHYERƐLƐ KRONGRON

²⁹ bɛ ne bɛ nwo ama ne b’atitire mɔ bɛnomane bɛtale ndaen, kyɛ Nyameɛ mmeraa bɔ ɔnate ye somvoɛ Mose so ɔfa mane bɛ ne, bekoli so, kyɛ bekoli AWURADE, yɛ Mene ye mmeraa dwirɛ ne ye nhyehyɛleɛ ne ye ahyɛdeɛ amukoraa so.

Nehemia 10:29 Iomraidhean Croise

2 Ahemvo 10:31

Nakoso Yehu wanni AWURADE Yisrael Nyameɛ mmeraa ne aso nahorɛ nu. Yeɛ Yeroboam bɔne bɔ ɔyɔle, bɔ ɔnate so ɔhwehwene Yisrael hɔle bɔne nu ne, wandwe ye nwo wamvi ye nwo.

2 Ahemvo 23:3

Nana Yosia gyinane simbini ne aso, na ɔyɛle apam wɔ AWURADE nyunu, kyɛ okoli AWURADE si, kyɛ ɔkɔfa ye ahone amukoraa ne ye kra amukoraa koli AWURADE mmeraa dwirɛ, ye dwirɛ ne ye ahyɛdeɛ so; kyɛ apam he anu dwirɛ bɔ bahyerɛ ye wɔ nwomaa he anu ne, okoli so. Na maen ne amukoraa belele apam ne bɛtole nu kyɛ bekoli so.

1 Aberɛso Dwirɛ 9:2

Bɛ bɔ belili moa besa bɛwale bɛ kuro bɛɛtenane b’aseɛ so ne, bɛte Yisraelfoɛ nemɔ bie, yeɛ afei asɔfo, Lewifoɛ yeɛ asɔneyɛɛ sua nu somvoɛ mɔ.

2 Aberɛso Dwirɛ 34:31

Nana Yosia gyinane ye simbini ne anwo, na ɔyɛle apam wɔ AWURADE nyunu, kyɛ okoli AWURADE si, kyɛ ɔkɔfa ye ahone amukoraa ne ye kra amukoraa koli AWURADE mmeraa dwirɛ, ye noa dwirɛ ne ye ahyɛdeɛ so; kyɛ apam ne anu dwirɛ bɔ bahyerɛ ye wɔ nwomaa he anu ne, okoli so.

2 Aberɛso Dwirɛ 6:16

Yiti ao, AWURADE Yisrael Nyameɛ, ma ɛbɔ bɔ ɛhyɛle wɔ somvoɛ me baba Dawide ne, ɔhɔ so ɔtena berɛ. Ɛhane kyɛ, ‘Sɛ wɔ boso ama bɛye bɛ kunu bedi me dwirɛ so kyɛbɔ ayɔ ne ala a, ye de wɔ bosoniɛ bɔ ɔkɔtena Yisrael bia so wɔ me nyunu ne, ɔngɔbɔ wɔ le.’

Nehemia 13:25

Na ndwili bɛ nyunu nnomale bɛ, mmole bɛ nu biemɔ ndutuli bɛ ti nwiaa, na mmaa bɛfale Nyameɛ dumaa bɛtale ndaen kyɛ, “Nnɛma ɛmɔfa ɛmɔ mma mmrasua nemɔ bɛma bɛ mma mmienzua nemɔ agyaa, yeɛ nnɛma ɛmɔde bɛ mma mmrasua nemɔ agyaa bɛma ɛmɔ mma mmienzua, yeɛ ɛmɔ bɔbɔ koso nnɛma ɛmɔgyigya bɛ.

Nehemia 7:46

Asɔneyɛɛ sua nu somvoɛ nemɔ bɛte mmenia hemɔ bɛ boso ama: Siha, Hasufa, Tabayote,

Nehemia 8:2

Yiti ɔsɔfo Ɛsra fale mmeraa ne wale badwa ne anyunu, wɔ mmienzua ne mmrasua ne ngwadaa amukoraa bɔ bɛte dwirɛ a, bɛkɔhora bɛkɔte ye bo ɔ, bɛ nyunu, wɔ kyẽa bɔ oli moa wɔ bosome bɔ ɔtɔ so nzoo ne anu.

Nehemia 8:3

Ɛsra fale ye nye hyirele nekaa bɔ bɛbɔ dwaa ne wɔ Nzue Pambim ne anyunu berɛ, na ɔkengale nwomaa ne fili ngyerɛmɔ tutuutu oodwuli eyiagyina. Ɔkengale ye wɔ mmienzua ne mmrasua ne ngwadaa bɔ bɛte dwirɛ bɛkɔhora bɛkɔte ye bo ɔ, bɛ nyunu. Na maen ne amukoraa bɛyɛle asoɛ betiele mmeraa nwomaa ne anu dwirɛ.

Nehemia 9:2

Na Yisraelfoɛ ne, bɛhwene bɛ nwo befili amanvrafoɛ amukoraa anwo, na begyinane bɛ gya so bɛhane bɛ bɔne ne bɛ nana mɔ b’amumuyɛɛ.

Nehemia 9:38

“Ɔnate ɛhe amukoraa ti, yahyɛ bɔ kitii yahyerɛ yagua nwomaa so. Sɔ nwomaa ne, yɛ mbanyi mɔ, yɛ Lewifoɛ mɔ ne y’asɔfo mɔ yeɛ bafa bɛ nzɔanoɛ basɔ ye noa ɔ.

Edwein 105:45

amaa ɔnate so Yisraelfoɛ bali ye ahyɛdeɛ so, ná bali ye mmeraa so. Ɛ́mɔye AWURADE ayɛ!

Edwein 119:106

Mata ndaen, na ngoli so, kyɛ ngoli wɔ tenenee nhyehyɛleɛ ne aso.

Edwein 8:1

Ao AWURADE, yɛ Mene, wɔ dumaa piri paa ne kata aseɛ ye aso amukoraa! Wɔ bɔ w’animnyam wɔ ewienu anwuro anwuro ɔ!

Edwein 8:9

Ao AWURADE, yɛ Mene, wɔ dumaa piri paa ne kata aseɛ ye aso amukoraa!

Yesaya 14:1

Amba, AWURADE konwu Yakob anwumvoin. Okosa kɔneanea nu kɔye Yisrael, na ɔkɔfa bɛ koolua bɛ bɔbɔ b’aseɛ so. Na amanvrafoɛ kɔɔboka bɛ so bɛkɔfa bɛ nwo bɛkɔbɔ Yakob boso ama.

Yeremia 26:4

Kã kyire bɛ kyɛ, ‘AWURADE nwa nyoo: Sɛ ɛmɔanyɛ sotie bamma me banni me mmeraa bɔ mahyehyɛ mama ɛmɔ ne aso,

Yeremia 34:15

Na ɛlɛsa ye, ɛmɔsakyerale ɛmɔ adwene bɛyɔle bɔ ɔte paa wɔ me nye so ɔ, kyɛ odi kyɛ ebiala ma obiɛngo nya ye fawɔnwodi. Na ɛmɔyɛle apam wɔ me nyunu wɔ awuro bɔ me dumaa la so ne anu.

Hesekiel 36:27

Ngɔfa me sunzum ngowura ɛmɔ nu, ngɔmaa ɛmɔkoli m’ahyɛdeɛ so, na ɛmɔkɔnea kyɛ ɛmɔkoli me nhyehyɛleɛ so ɔ.

Lewitikɔso 20:26

Ɛ́mɔyɛ krongron bɛ́ma me, ofikyɛ me AWURADE, nde krongron, na maye ɛmɔ masie ahameɛ mafi maen ngaa nemɔ anu mayɛ me deɛ.

Malaki 4:4

“Me somvoɛ Mose mmeraa, nhyehyɛleɛ ne ahyɛdeɛ bɔ nhyɛle ye wɔ Horebo mva mane Yisrael amukoraa ne, odi kyɛ ɛmɔkaye.

Numeri 5:21

ye de ɔsɔfo ne, ɔ́ma braa ne ta ɛnomalɛ ndaen ne ná ɔha hyire braa ne kyɛ, ‘AWURADE ma ɛpɔ baa ná mogya tu wɔ maa ɔnate so wɔ mmenia mɔ benwu wɔ kyɛ AWURADE anoma wɔ, na ɛte akyiwadeɛ wɔ bɛ nu.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 15:14

Sɛ ɛmɔdi m’ahyɛdeɛ so a, ye de ɛmɔte me damvo mɔ.

Yohane 7:19

Aso Mose amva mmeraa ne wamma ɛmɔ? Nakoso ɛmɔ nu biala nni mmeraa ne aso. Nzu ati yeɛ ɛmɔpena me beku me ɔ?”

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 17:34

Nakoso mmenia ne bie fale bɛ nwo bɛbɔle ye bɛyɛle agyidifoɛ; ebiemɔ ole Dionisio bɔ ɔboka Areopago fekue ne aso ne, yeɛ afei braa bie bɔ oli Damari, ɔne ebiemɔ bɔ bɛboka bɛ so ɔ.

Asomafoɛ 23:21

Nakoso nnɛtɛ bɛ so, ɔnate kyɛ bɛ nu biemɔ kɔbo aburanna kɔtɛ ye atunu; na bata ndaen kyɛ bengodidi anaa bɛngɔno hwee, sana banya ye bahu ye koraa. Yiti kekesaala ye, baboaboa bɛ nwo, na bɛnwondɛ kyɛ ɛkɔpene so ɔ.”

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

Deuteronomi 33:4

Mose hyɛle mmeraa mane yɛ, kyɛ ɔte Yakob badwa agyapadeɛ.

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Deuteronomi 5:32

Yiti bɔ AWURADE ɛmɔ Nyameɛ ahyɛ ɛmɔ kyɛ ɛ́mɔyɔ ne, ɛ́mɔnea kyɛ ɛmɔkoli so ɔ. Nnɛma ɛmɔnea bɛen anaa famaa.