Nehemia 1:9 - AHYERƐLƐ KRONGRON

⁹ nakoso sɛ ɛmɔsa bɛba me berɛ, ná ɛmɔdi me mmeraa dwirɛ so a, ye de aseɛ ye aso nekaa biala bɔ mama ɛmɔ babɔ aya baagua ne, ngɔboaboa ɛmɔ noa ngofi dɔ; ná mafa ɛmɔ mawa nekaa bɔ maye masie berɛ mafa me dumaa mato so ne.’

Nehemia 1:9 Iomraidhean Croise

1 Ahemvo 8:48

ná sɛ befi b’ahone ne bɛ kra amukoraati nu benu bɛ nwo wɔ bɛ pɔfoɛ mɔ bɔ bɛhyele bɛ nnure ne b’aseɛ so, ná bɛfa bɛ nye bekyire b’aseɛ bɔ ɛfa mane bɛ nana mɔ ne aso, kuro bɔ aneanea nu aye asie berɛ ama wɔ nwo ne, ɔne sua bɔ masi mafa wɔ dumaa mato so ne, ná bɛbɔ mbaeɛ bekyire wɔ a,

1 Ahemvo 9:3

AWURADE sele ye kyɛ, “Mate wɔ mbaeɛ ne wɔ dwirɛ bɔ afa ato me nyunu ne. Sua bɔ asi afa me dumaa ato so afebɔɔ ne, mate ye nwo maa wayɛ krongron. Me nye koli ye si, na ɔkɔla m’ahone nwo daa biala.

1 Aberɛso Dwirɛ 16:35

Afei koso, ɛ́mɔhã kyɛ, “Yɛ ngoalelɛ Nyameɛ, pepɛ de yɛ, boaboa yɛ noa, ná pepɛ de yɛ fi maen maen mɔ sa nu, amaa ɔnate so yafa asennaa yama wɔ dumaa krongron ne, ná yali ahurusi yaye wɔ ayɛ.

Ɛsra 6:12

Na sɛ ɛhene bie anaa maen bie otu sɔ mmeraa ne gua, anaakyɛ ɔsɛkye Nyameɛ awuro he bɔ ɔwɔ Yerusalem ne a, Nyameɛ bɔ wama ye dumaa ala Yerusalem so ne, ótu sɔ hene ne anaa ɔ́bɔ sɔ maen ne. Me, Dario yeɛ mahyɛ sɔ mmeraa ye ɔ, na odi kyɛ bedi so pɛpɛɛpɛ!”

Edwein 106:47

Ao AWURADE yɛ Nyameɛ, pepɛ de yɛ, ná boa yɛ noa fi maen maen nemɔ aso, amaa ɔnate so yala wɔ dumaa krongron ne ase, ná yahoahoa yɛ nwo wɔ w’ayɛyelɛ nu.

Edwein 107:3

ná waboaboa bɛ noa wafi aseɛ mɔ aso, ofi eyia afiteleɛ bɔ ɔkwaadwu eyia atɔleɛ, ofi sorɔ bɔ ɔkwaadwu ngwaen ne.

Edwein 147:2

AWURADE yeɛ ɔkyekye Yerusalem ɔ, na Yisraelfoɛ bɔ bahye bɛ nnure bahɔ ne, ɔboaboa bɛ noa.

Yesaya 11:12

Ɔkɔfa frangaa kɔpena berɛ kɔma maen maen mɔ, bɛ bɔ bapɛ b’asue bafi Yisrael ne, ɔkɔboaboa bɛ noa, yeɛ bɛ bɔ babɔ aya bafi Yuda ne, ɔkɔboaboa bɛ noa kofi aseɛ ndweasoɛ nna ne aso.

Yesaya 27:12

Na ɔkɔwa kyɛ, sɔ kyẽa ne, ofi asue Yufreti kodwu Misraim bɔnza ne, AWURADE kɔboro ye aburoo, na ɛmɔ Yisraelfoɛ, ɔkɔpa nu kɔyeye ɛmɔ ngoko ngoko.

Yesaya 56:8

AWURADE Nyameɛ bɔ ɔboaboa Yisrael mmenia bɔ babɔ aya noa ne, ɔnwa nyoo: “Mmenia bɔ maboaboa bɛ noa mama ye ne, ngɔhɔ so ngɔboaboa ebieku noa ngɔboka ye so.”

Yeremia 12:15

Na ɔkɔwa kyɛ, sɛ metu bɛ bo mefi berɛ a, ngosa ngonwu bɛ anwumvoin, na ngosa ngɔfa bɛ nu biala ngɔwa ye agyapadeɛ nu ne ye aseɛ so.

Yeremia 3:14

Ao, mmaa asoserɛfoɛ, ɛ́mɔsa bɛbra, AWURADE noa dwirɛ ɛne. Me yeɛ nde ɛmɔ Mene ɔ; ngɔye sona ko ngofi kuro biala so, ná maye mmenia nyɔ mafi abusua biala anu, ná mafa ɛmɔ mawa Sion.

Yeremia 31:10

“Ao maen maen mɔ, ɛ́mɔtie AWURADE noa dwirɛ, ná ɛ́mɔbɔ ye dawure wɔ supɔ mɔ bɔ bɛwɔ dedeede ɔ so, ná ɛmɔhã kyɛ, ‘Bɔ ɔbɔle Yisrael sandene ne, okosa kɔboaboa bɛ noa kɔnea bɛ so kyɛbɔ mmoaenneafoɛ nea ye mmoaen kure so ɔ.’

Yeremia 32:37

Tie, ngɔboaboa bɛ noa ngofi maen maen amukoraa bɔ nne ɛyaa, ahonehulɛ ne anyeborolɛ kandinga mvoane bɛ ngonguale so ne aso. Ngosa ngɔfa bɛ ngɔwa wa, na ngɔmaa bɛkɔtena anwotɔ nu.

Yeremia 6:22

Yiti bɔ AWURADE kã hɔ ɛhe: “Tie, mmenia bie fi sorɔ dɔ aseɛ ne aso bɛ́ba, maen piri bie kodwɔso kofi aseɛ noa dɔ paa.

Hesekiel 14:6

“Yiti kã kyire Yisrael awuro ama kyɛ, AWURADE Nyameɛ nwa nyoo: Ɛ́mɔsakyera ɛmɔ adwene ná ɛ́mɔyakyi ɛmɔ mmosoen nemɔ si lilɛ; ná ɛ́mɔhwe ɛmɔ nwo befi ɛmɔ akyiwadeɛ amukoraa anwo.

Hesekiel 36:24

Ofikyɛ ngɔfa ɛmɔ ngofi maen maen mɔ nu, ngɔboaboa ɛmɔ noa ngofi aseɛ amukoraa so, ná masa mafa ɛmɔ mawa ɛmɔ bɔbɔ b’aseɛ so.

Lewitikɔso 26:3

“Sɛ ɛmɔdi m’ahyɛdeɛ so, ɛmɔyɛ me mmeraa dwirɛ nwo sotie, ná ɛmɔfa bɛyɔ adwuma nahorɛ nu a,

Sakaria 8:7

Asafo AWURADE nwa nyoo: Tie, ngɔpepɛ ngole me maen ngofi eyia afiteleɛ maen ne sa nu, ɔne eyia atɔleɛ maen ne sa nu;

Mateo 24:31

Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Deuteronomi 12:21

Nekaa bɔ AWURADE wɔ Nyameɛ kɔye kosie berɛ kɔfa ye dumaa kɔto so ne, sɛ ɔne nekaa bɔ ɛte ne anu twe a, ye de ɛkɔhora kohũ wɔ nandwie anaa wɔ mmoaen bɔ AWURADE afa ama wɔ ne anu bie, kyɛbɔ mahyɛ wɔ ne, na di naen ne wɔ wɔ kuro ne anu mmerɛ biala bɔ ekuro ɔ.

Deuteronomi 12:5

Na mmom ɔsɛ kyɛ ɛmɔpena aseɛ bɔ AWURADE ɛmɔ Nyameɛ kɔneanea nu kɔye kosie berɛ wɔ ɛmɔ abusua kure ne amukoraati nu, kyɛ ɔ́fa ye dumaa to so ná ɔtena berɛ ne, na berɛ yeɛ ɛmɔhɔ ɔ.

Deuteronomi 30:1

“Na sɛ edwirɛ he amukoraa: saleɛ ne musue bɔ mafa masie wɔ nyunu ne ba wɔ so, ná ɛkayekaye edwirɛ hemɔ wɔ maen maen mukoraa bɔ AWURADE wɔ Nyameɛ wafoa wɔ wahɔ so ne aso,