Nehemia 1:7 - AHYERƐLƐ KRONGRON

⁷ Yayɔ bɔne kandinga paa yatia wɔ, na mmeraa dwirɛ ne ahyɛdeɛ ne nhyehyɛleɛ bɔ ɛhyehyɛle mane wɔ somvoɛ Mose ne, yanni so.

Nehemia 1:7 Iomraidhean Croise

1 Ahemvo 2:3

ná di bɔ AWURADE wɔ Nyameɛ wahyɛ wɔ kyɛ ɛyɔ ne aso. Tie ye dwirɛ, ná di ye ahyɛdeɛ, ye mmeraa dwirɛ, ye nhyehyɛleɛ ne ye noa dwirɛ so, kyɛbɔ bahyerɛ ye wɔ Mose mmeraa ne anu ne, amaa wayie wɔ yé wɔ nikyee biala bɔ ɛkɔyɔ ɔ nu, ɔne nekaa biala bɔ ɛkɔhɔ ɔ.

2 Aberɛso Dwirɛ 25:4

Nakoso bɛ mma mɔ de, wangukũ bɛ, kyɛbɔ bahyerɛ ye wɔ mmeraa ne anu wɔ Mose nwomaa ne anu ne. Nu yeɛ AWURADE ahyɛ kyɛ, “Nnɛmaa begyina mmaa mɔ bɛ bɔne so beku awofoɛ, yeɛ nnɛmaa begyina awofoɛ bɛ bɔne so beku mmaa; na mmom ebiala ye bɔne so yeɛ ɔsɛ kyɛ begyina beku ye ɔ.”

2 Aberɛso Dwirɛ 27:2

Ɔyɔle bɔ ɔtengyɛ wɔ AWURADE nyunu ɔ, kyɛbɔ ye baba Yusia yɔle ne ala. Nakoso ye de, wangɔ AWURADE asɔneyɛɛ sua ne anu wangɔammɔ afɔleɛ. Nakoso maen ne hɔle so bɛyɔle bɔ ɔndengyɛ ɔ.

Ɛsra 7:6

sɔ Ɛsra ne fili Babilɔn wale. Né ɔte ahyerɛlɛniɛ bɔ wabe paa wɔ Mose mmeraa bɔ AWURADE Yisrael Nyameɛ fa mane Yisraelfoɛ ne anu. Ye dwirɛ bɔ ɔfa tole Nana Atasɛsɛse nyunu biala, ɔyɔ mane ye, ofikyɛ né AWURADE ye Nyameɛ gyi ye si.

Edwein 106:6

Yɛne yɛ nana mɔ yayɔ bɔne; yayɔ amumuyɛɛ, na yayɔ bɔne piri.

Edwein 89:31

sɛ betwi bɛfa m’ahyɛdeɛ so, ná bandie me mmeraa dwirɛ a,

Edwein 89:32

ye de ngɔfa mbire ngɔhwe bɛ so wɔ bɛ mmeraatolɛ nwo, ná mafa bakaa mahwe bɛ so wɔ b’amumuyɛɛ nwo.

Yesaya 1:4

Ao, maen bɔ bɔne ayi nu tɛkyɛ ɔ! Mmenia bɔ amumuyɛɛ ali bɛ ti ɔ! Bɔnefoɛ mɔ bɛ bosofoɛ! Mmaa bɔ basɛkye ɔ! Bɔ bapo AWURADE, bɔ babu Yisrael Krongronniɛ ne animtia, ná bakakyi bɛ si bama ye ɔ!

Daniel 9:11

Amba, Yisrael amukoraa abu wɔ mmeraa ne aso, bali makyebu bɔ bendie wɔ dwirɛ ɔ. Na ɛnomalɛ ne ndaen bɔ bahyerɛ ye wɔ Nyameɛ somvoɛ Mose mmeraa ne anu ne, wawa yɛ so, ofikyɛ yayɔ bɔne yatia ye.

Daniel 9:13

Kyɛbɔ bahyerɛ ye wɔ Mose mmeraa ne anu ne, musue he amukoraa atoto yɛ, nakoso yanzrɛ AWURADE yɛ Nyameɛ kyɛ onwu yɛ anwumvoin. Yɛhhwene yɛ nwo yɛffili yɛ amumuyɛɛ nwo, yeɛ yɛyyɛle yɛ adwene kyɛ yɛkotie wɔ nahorɛ ne ɔ.

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Lewitikɔso 27:34

Ɛhemɔ ole mmeraa dwirɛ bɔ AWURADE nate Mose so fa mane Yisraelfoɛ wɔ Sinai bokaa ne aso ne.

Sefania 3:7

Ngane kyɛ, ‘Esurolɛ yeɛ odi kyɛ esuro me ɔ, me ngyerɛkyerɛ yeɛ odi kyɛ etie ɔ, amaa ɔnate so mannua wɔ boso wɔ bɔ mahyehyɛ mama wɔ amukoraa nwo; nakoso ɛmɔkɔ so bɛma ɛmɔ yɔleɛ amukoraa yɛ bɔne.”

Malaki 4:4

“Me somvoɛ Mose mmeraa, nhyehyɛleɛ ne ahyɛdeɛ bɔ nhyɛle ye wɔ Horebo mva mane Yisrael amukoraa ne, odi kyɛ ɛmɔkaye.

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Deuteronomi 6:1

“Afei mmeraa dwirɛ, ahyɛdeɛ ne nhyehyɛleɛ bɔ AWURADE ɛmɔ Nyameɛ hyɛle me kyɛ ngyirekyire ɛmɔ ma ɛmɔli so wɔ aseɛ bɔ ɛmɔkwaapɛ asue Yɔɔdan bɛkɔɔfa ne ɛhe;

Nyekyire 19:2

ofikyɛ ye ndɛenbualɛ te nahorɛ na ɔtengyɛ, ɔnate kyɛ wabua adwamanbɔlɛniɛ kandinga bɔ ɔfale ye adwamanbɔlɛ guale aseɛ nwo fiɛ ne ndɛen, na watɔ ye so wereɛ wɔ ye ngoaa mɔ bɛ mogya nwo.”