Nehemia 1:5 - AHYERƐLƐ KRONGRON

⁵ Na ngane kyɛ, “Ao AWURADE, nyameɛso Nyameɛ, Nyameɛ piri bɔ wɔ nwo yɛ suro bɔ edi apam so ná ɛye ɔdɔ bɔ onni ngasi ali kyire bɛ bɔ bekuro wɔ dwirɛ ná bedi wɔ mmeraa dwirɛ ne aso ne,

Nehemia 1:5 Iomraidhean Croise

1 Ahemvo 8:23

Ɔhane kyɛ, “Ao, AWURADE Yisrael Nyameɛ, nyameɛso bɔ ɔwɔ anwuro, anaakyɛ aseɛ ye aso, nyameɛ biala nne berɛ bɔ ɔte kyɛ wɔ ɔ, bɔ odi apam so ná okyire ɔdɔ bɔ onni ngasi ne kyire ye ngoaa bɔ bɛye bɛ kunu fitaa bedi ye dwirɛ so ɔ.

1 Aberɛso Dwirɛ 17:21

Nyameɛ, aseɛ ye aso maen beni yeɛ ɔte kyɛ wɔ maen Yisrael ɔ? Yisrael bɔ ɛɛpɔle ye fa yɛle wɔ maen, bɔ ɔnate so ɛyɛle anwanwadeɛ ne nningyein mbiri mbiri mane wɔ dumaa trɛle ne. Ɛfoane maen maen mɔ fili wɔ mmenia nyunu, na ɛpepɛ lele wɔ maen fili Misraim sa nu.

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Nehemia 4:14

Na nneane bɔ ɔkɔ so ne, ndwɔsole nga ngyirele atitire nemɔ, mbanyi nemɔ ne maen ne ngaa ne kyɛ, “Nnɛma ɛmɔsuro bɛ. Ɛ́mɔkaye AWURADE bɔ ɔte piri bɔ ye nwo yɛ suro ne, ná ɛ́mɔho bɛpepɛ bele ɛmɔ abusuafoɛ, ɛmɔ mma mmienzua, ɛmɔ mma mmrasua, ɛmɔ aye mɔ ɔne ɛmɔ awuro ama.”

Nehemia 4:8

na bɛ mukoraa bɛbɔle porɛ kyɛ bɛkwaafa koɛ bɛteta Yerusalem ná bɛyɛ basabasa wɔ kuro ne anu.

Nehemia 9:32

“Yiti afei, yɛ Nyameɛ bɔ ɛte piri bɔ wɔ nwo yɛ suro, bɔ edi apam so ná ekyire ɔdɔ bɔ onni ngasi ɔ, amaneɛ amukoraa bɔ wato yɛ ne y’ahemvo, yɛ mbanyi mɔ, y’asɔfo mɔ, yɛ ngɔmhyɛlɛfoɛ, yɛ nana mɔ, ɔne wɔ mmenia amukoraa, ofi Asiria ahemvo mɔ aberɛ so bɔ ɔbaadwu ɛnɛ ye, nnebu ye nikyee ba.

Edwein 47:2

Ofikyɛ AWURADE, Anwuro Anwuro Nyameɛ ne, ye nwo yɛ suro, ɔte ɛhene piri bɔ odi wiase amukoraa so ɔ.

Edwein 76:8

Ebuale ndɛen wɔ nyameɛso maa yɛtele; ɛserɛ hane aseɛ, na ɔyɛle dinn,

Edwein 89:2

Ofikyɛ mahã kyɛ, Ɔdɔ bɔ onni ngasi ne, ye bo atindim afebɔɔ; wɔ nahorɛlilɛ ne, ama ye bo atimu wɔ nyameɛso.

Edwein 89:3

Me ne me sona bɔ maneanea nu maye ye ne yayɛ apam, mata ndaen mahyire me somvoɛ Dawide kyɛ,

Edwein 89:8

Ao AWURADE, Asafo Nyameɛ, nwa yeɛ ole anwoserɛ kyɛ wɔ ɔ, ao AWURADE? Wɔ nahorɛlilɛ apɛ wɔ nwo ayia.

Ɛksadɔso 20:6

Nakoso bɛ bɔ bekuro me dwirɛ, ná bedi me mmeraa dwirɛ so ne de, mekuro bɛ dwirɛ maa okodwu aworɛ ndoatoasoɛ apee apee so.

Deuteronomi 7:12

“Na sɛ ɛmɔyɛ asoɛ betie sɔ nhyehyɛleɛ hemɔ, ná ɛmɔdi so pɛpɛɛpɛ a, ye de adɔeɛ apam bɔ AWURADE wɔ Nyameɛ tale ye nwo ndaen hyirele wɔ nana mɔ ne, AWURADE koli so kɔma wɔ.

Deuteronomi 7:21

Nnɛma bɛ nwo suronyi tɔ wɔ so, ofikyɛ AWURADE wɔ Nyameɛ bɔ ogyi wɔ si ne, ɔte Nyameɛ bɔ ɔte piri, bɔ ye nwo yɛ suro ɔ.

Deuteronomi 7:9

Yiti ɔsɛ kyɛ enwu ye kyɛ, AWURADE wɔ Nyameɛ ne, ye ole Nyameɛ; Nyameɛ nahorɛlilɛniɛ bɔ odi ye adɔeɛ apam so ma mmenia bɔ bekuro ye dwirɛ ná bedi ye mmeraa dwirɛ so ɔ, kodwu aworɛ ndoatoasoɛ apee so.