Nehemia 1:4 - AHYERƐLƐ KRONGRON

⁴ Na ndele sɔ dwirɛ ne nen, ndenane ase nzuni, nnili aworabɔlɛ ngyẽa pee, na nyɛle akɔngyere mmɔle mbaeɛ wɔ nyameɛso Nyameɛ ne nyunu.

Nehemia 1:4 Iomraidhean Croise

2 Samuel 12:16

Dawide srɛle AWURADE kyɛ ɔma akwadaa ne nya ngoa; Dawide yɔle akɔngyere, na ɔhɔle sua nu ɔɔlale aseɛnwo berɛ kɔngɔen ne amukoraa.

2 Ahemvo 22:19

mmerɛ bɔ ɛtele edwirɛ bɔ nga mvale maen he ɔne nu ama nwo, kyɛ maen ne kɔbɔ ná musue kɔto bɛ ne, ɔnate kyɛ enuni wɔ nwo ná ɛbrɛle wɔ nwo ase wɔ AWURADE nyunu, ná afei esunzuale wɔ ndaadeɛ nu, ná esuni wɔ me nyunu ne ati, me koso mate bɔ aha ne. Bɔ AWURADE kã hɔ ɛne.

2 Aberɛso Dwirɛ 6:13

Né Solomon ayɔ kɔɔbere simbini wasie awuro n’aluo berɛ. Ye tendenn nu te agyirɛ nnu, ye tɛtrɛtɛɛ nu te agyirɛ nnu, na ofi ye aseɛnwo bɔ ɔkwaadwu ye anwuro ne, ɔte agyirɛ nza. Ogyinane so, obuli ndwerɛ wɔ so wɔ Yisrael maen ne amukoraa bɛ nyunu, na ɔtrɛtrɛle ye sa nu hyirele nyameɛso.

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Ɛsra 10:1

Mmerɛ bɔ Ɛsra gu so ɔbɔ mbaeɛ, bɔ ole esuɛ ode bɛ bɔne to nu, bɔ né wafa ye nyunu wabutu berɛ wɔ Nyameɛ awuro ne anyunu berɛ ne, Yisraelfoɛ pembepembe, mmienzua ne mmrasua ne ngwadaa bɛɛpɛle ye nwo beyiale, na bɛ koso besuni hahii.

Ɛsra 9:3

Ndele sɔ dwirɛ nen, nzunzuale m’ataadeɛ ne m’ataadeɛ aguasoɛ nu, ndutuli me ti nwiaa ne me kanza nwiaa, na mvale aworabɔlɛ mbofole aseɛnwo berɛ.

Ɛsra 9:5

Odwuli mmerɛ bɔ bɛbɔ nɔsoa afɔleɛ nen, mvili nekaa bɔ né maatena medi aworabɔlɛ ne ndwɔsole, bɔ né masunzua m’ataadeɛ ne m’ataadeɛ aguasoɛ nu ɔ. Mmuli ndwerɛ, ndrɛle me sa nu mɔle mbaeɛ ngyirele AWURADE me Nyameɛ,

Nehemia 2:20

Yeɛ mmuale bɛ kyɛ, “Nyameɛso Nyameɛ, ye yeɛ ɔkɔmaa yɛkoli ngonim ɔ. Yɛte ye ngoaa mɔ, na yɛkodwɔso yɛkosi. Nakoso ɛmɔ de, ɛmɔlle kyɛfa anaa agyapadeɛ anaa ngayeɛ biala wɔ Yerusalem nu.”

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Edwein 102:15

Maen maen mɔ bekosuro wɔ dumaa ne, na aseɛ so ahemvo amukoraa bekosuro w’animnyam ne.

Edwein 136:26

Ao, ɛ́mɔfa asennaa bɛ́ma nyameɛso Nyameɛ ne, ofikyɛ ye ɔdɔ bɔ onni ngasi ne, ɔwɔ berɛ afebɔɔ.

Edwein 137:1

Babilɔn asue mɔ noa, berɛ yeɛ yɛtenane ase yɛsuni ɔ, mmerɛ bɔ yɛkayele Sion ɔ.

Daniel 10:2

Sɔ mmerɛ ne, me Daniel, né medi aworabɔlɛ dapɛn nza.

Daniel 2:18

na osele bɛ kyɛ bɛsrɛ nyameɛso Nyameɛ ne ma onwu bɛ anwumvoin wɔ sɔ mvealeɛ nu dwirɛ he anwo, amaa ɔnate so bamva ye Daniel ne ye mmango nemɔ bamvra Babilɔn nworɛfoɛ nemɔ aso banguku bɛ.

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Yona 1:9

Na obuale bɛ kyɛ, “Me, nde Hebriniɛ. Mesɔne AWURADE, nyameɛso Nyameɛ bɔ ɔbɔle ɛpo ne aseɛ wosee ne.’”

Sefania 3:18

Bɛ bɔ bedi aworabɔlɛ ne, ngɔboaboa bɛ noa maa bekosa bekoli aluolue ne, amaa ɔnate so animguaseɛ anga wɔ ko.

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.