Nehemia 1:3 - AHYERƐLƐ KRONGRON

³ Na bɛbɔle me amaneɛ kyɛ, “Mmenia bɔ bangye bɛ nnure bangɔ bie, ná bɛwɔ maen ne anu ne, amaneɛ ne animguaseɛ kandinga paa ato bɛ. Pɔfoɛ nemɔ babubu Yerusalem fasue ne bagua, yeɛ ye pambim nemɔ koso bato nu see bayera bɛ.”

Nehemia 1:3 Iomraidhean Croise

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

2 Ahemvo 25:10

Babilɔnfoɛ koɛhonɛfoɛ amukoraa bɔ né bɛboka awɛmvoɛ nemɔ safohene ne aso ne, bebuli Yerusalem nwo fasue ne beguale.

2 Aberɛso Dwirɛ 36:19

Bɛyerale Nyameɛ awuro ne, bebubuli Yerusalem fasue ne beguale, bɛyerale Yerusalem ahemvie nemɔ amukoraa, na nu nningyein bɔ ye nyɔboɛ yɛ se ne, bɛyerale ye mukoraa.

Ɛsra 2:1

Mmenia bɔ Babilɔn hene Nebukadenesa hyele bɛ nnure hɔle Babilɔn nen, bɔ befili mbɔtam berɛ besa bɛhɔle Yerusalem ne bɛ nguro nemɔ aso wɔ Yuda nen, bɛ ɛhe.

Ɛsra 5:8

Nana, yɛbɔ wɔ amaneɛ kyɛ, yɛhɔle Yuda mbɔtam dɔ, nekaa bɔ Nyameɛ piri ne, ye awuro ne ɔwɔ ne. Nyɔboɛ mbiri mbiri yeɛ bɛ́fa bési ɔ, na basa bafa mbuna bagyinagyina ye fasue ne anu. Bayere bɛ nwo paa yeɛ bɛ́yɔ adwuma ne ɔ, na ɔkɔ so paa.

Nehemia 11:3

Mbɔtam mbanyi ne, né bɛtete Yerusalem. Nakoso Yuda nguro ngaa nemɔ aso de, Yisraelfoɛ ngaa ne, asɔfo, Lewifoɛ, asɔneyɛɛ sua nu somvoɛ ne Solomon somvoɛ nemɔ bɛ boso ama nemɔ, né ebiala te ye bɔbɔ ye aseɛ so.

Nehemia 2:13

Nzili nu kɔngɔen mvale Bɔnza Pambim ne anu ndrale Sasrabɔnzam mbombonzue ne anwo ngɔle Fofoɛ Pambim ne anwo, na ngɔneane Yerusalem fasue mɔ bɔ badwiri bɛ bagua ase, ɔne ye pambim mɔ bɔ bafa see bayerayera bɛ nemɔ.

Nehemia 2:17

Yeɛ nga ngyirele bɛ kyɛ, “Ɛmɔanwu edwirɛ bɔ wato yɛ ye: kyɛbɔ Yerusalem wakakyi kurofoen, bɔ ye pambim nemɔ koso bato nu see ɔ. Ɛ́mɔdwɔso maa yɛsa yɛkyekye Yerusalem fasue ne, amaa yɛ nyunu wangɔ so wangua ase.”

Nehemia 2:3

Na nzele Nana kyɛ, “Nana, wɔ ngoa so oo! Ɔkɔyɛ sɛɛ bɔ me wora ngɔbɔ ɔ, wɔ aberɛ bɔ kuro bɔ me nana mɔ asieleɛ wɔ so ne, wabɔ bɔ bafa see bayera ye pambim mɔ ɔ?”

Nehemia 7:6

Mmenia bɔ Babilɔn hene Nebukadenesa hyele bɛ nnure hɔle Babilɔn nen, bɛ bɔ befili mbɔtam mbɔtam nemɔ anu besa bɛwale Yerusalem ne Yuda, bɔ ebiala sa hɔle ye kuro nen, bɛ ɛhe.

Ɛseta 1:1

Sɔ dwirɛ he sili wɔ Nana Ahasuro aberɛ so, na sɔ Ahasuro ne, olili manzini ɛyaa ko aburanyɔ ne nzoo so fite Yindia maa oodwuli Yitiopia.

Edwein 79:4

Yayɛ ngorohoɛ nikyee wɔ yɛ mmango mɔ nye so, bɛ bɔ bapɛ yɛ nwo bayia ne, bɛsere yɛ bɛkã yɛ anyinga.

Anyandera 25:28

Sona bɔ ɔngora nhyɛ ye nwo so ne, ɔte kyɛ kuro bɔ pɔfoɛ mɔ awura nu, bɔ ye nwo fasue abubu agua ɔ.

Yesaya 43:28

Yiti, magua nekaa krongron berɛ mbanyi nemɔ nyunu ase, maye Yakob mama kyɛ musue ɔto ye, yeɛ maye Yisrael mama kyɛ bɛgoro ye nwo.

Yesaya 5:5

Afei de, bɔ ngɔfa ngɔyɔ me bobe boo ne, mebaahã mekyire ɛmɔ. Ngotutu ye nwo waen ne maa ngaka kooli; ngodwiri ye nwo fasue ne ngogua maa bekotiatia bobe ne aso.

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 29:18

Ngɔfa ngrandɛ, ɛhɔen ne ewue anwonyerɛ ngogu bɛ so, na ngɔye me sa ngofi bɛ bo maa bɛkɔsesa bɛ bɛkɔhɔ aseɛ so ahennie amukoraa nu. Bɛkɔyɛ ɛnomalɛ nikye, anwodwiri nikye, esobilɛ nikye ne animguaseɛ nikye wɔ maen maen amukoraa bɔ mafoa bɛ mahɔ so nemɔ aso,

Yeremia 39:8

Kaldeafoɛ nemɔ fale see bɛyerale ahemvie ne, ɔne amanvoɛ awuro mɔ, na bedwirili Yerusalem fasue ne beguale ase.

Yeremia 42:18

“Ofikyɛ Asafo AWURADE, Yisrael Nyameɛ nwa nyoo: Kyɛbɔ me yaafɛlɛ ne m’ahonehulɛ wale Yerusalemfoɛ so ne, sɔ ala yeɛ sɛ ɛmɔkɔ Misraim a, m’ahonehulɛ kɔwa ɛmɔ so ɔ. Ɛmɔkɔkakyi musue nikye, anwodwiri nikye, ɛnomalɛ nikye ne ngorohoɛ nikye; na ɛmɔ nye ngonwu wa ko.

Yeremia 5:10

“Ɛ́mɔfo bɛhɔ ye bobe boo nemɔ anu bɛɛsɛkye bɛ, nakoso nnɛma ɛmɔsɛkye ye mukoraa bɔkɔɔ; ɛ́mɔpomba ye maen nemɔ, ofikyɛ nna AWURADE deɛ ɔ.

Yeremia 52:14

Kaldeafoɛ koɛhonɛfoɛ amukoraa bɔ né bɛboka awɛmvoɛ nemɔ aso safohene ne aso ne, bebubuli Yerusalem nwo fasue ne amukoraa bɛbra beyiale.

Awuye 1:7

Na Yerusalem ye anwokyere ne aworabɔlɛ mmerɛ nu, ɔkayele ye nningyein nyemene amukoraa, bɔ mmerɛ bie né ole ye ne. Mmerɛ bɔ ye mmenia beelili pɔfoɛ ne sa nu, bɔ wannya ebiala maa wammoka ye ne, bɛ bɔ bekyi ye nemɔ benwuni ye, na bɛgorole ye nwo, ɔnate ye asefinɛ ne ati.

Awuye 2:9

Ye pambim nemɔ bamimi bahɔ ase, wasɛkye mmuralɛ bɔ ɔbrambram ye si nemɔ, na wabubu nu; ye hene ne ye mbanyi mɔ baali maen maensofoɛ mɔ nu. Mmeraa ne, ɔnne berɛ ko. Ye ngɔmhyɛlɛfoɛ koso, bennya nyekyire bemvi AWURADE berɛ.

Awuye 3:61

Ao AWURADE, ate ɛgorolɛ bɔ bɛgoro me nwo, ɔne me nwo porɛ bɔ babɔ amukoraa.

Awuye 5:1

Ao AWURADE, kaye edwirɛ bɔ wato yɛ ye, fa wɔ nye to, ná nea y’animguaseɛ ye.

Lewitikɔso 26:31

Ngɔma ɛmɔ nguro nemɔ kɔbɔ, ná masɛkye ɛmɔ nekaa krongron nemɔ, na me nye ngɔgye ɛmɔ afɔleɛ fonafona nemɔ anwo.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.